Peue caee 3:19 - Plang (Blang)

¹⁹ Kop awnˊ na punta Peucawoˊ kaw Eun saicˊ ri tec mapˊ peˊ naˊ, tawsˊ hpumˊ fuin mapˊ ri hpawtˊ ri ingˊ ri Peucawoˊ Eun reuˊ. Peˊ lawn yeuh keutitˊ koˊ, hk'aˊ kuit samˊran naˊ a kaw lih neum Peucawoˊ Eun,

Peue caee 3:19 교차 참조

Peue caee 2:38

Petruˊ eun topˊ a ri ce, “Punta mapˊ peˊ naˊ kaw a gahˊ, peˊ ri ku peue tawsˊ hpumˊ fuin mapˊ ri rap ri ti hk'aˊ cumˊ hk'aˊruim muis Eun Yesuˊ Hkrit naˊ reuˊ. Hawcˊ koˊ, peˊ kaw pun lapsawngˊ Citˊ seungaˊ chakˊ naˊ.

Mahtae 18:3

Eun lahˊ, “Kaw Uiˊ lahˊ a ri peˊ neumneum, peˊ lawn unˊ leuplohˊ hpumˊ ri seunˊ konˊ nyom aetˊ naˊ ce koˊ, peˊ hkuinˊ kaw duing pun ri lec nang kuingˊ pang maoˊ naˊ.

Mahtae 13:15

Kopti hpumˊ ce peue ceu aenˊ cenˊ ka. Yhukˊ ce naˊ a unˊ leuceng. Ngaiˊ ce naˊ a ku yep ri. A lawn unˊ yeuh keutitˊ koˊ, ce kaw pun ri nyu ri ngaiˊ ri naˊ, mhawngˊ ri yhukˊ ri naˊ, yawng ri hpumˊ ri naˊ, hpawtˊ ce ri ingˊ naˊ. Hawcˊ koˊ, Uiˊ kaw baiˊ ce cuin.’

2 Hteˊsalawˊniˊ 1:7

Eun ku kaw hpotˊ peue pun ri hkamˊ kuˊ tukhka naˊ peˊ maeeˊ ye ri yeut. Ceu nang aenˊ ce a kaw keutˊ kueˊ yam Cawoˊ Yesuˊ puc Eun ri lih neum kuingˊ pang maoˊ hk'aˊnaee reung ngawl cengˊ nyawkˊ naˊ maeeˊ inˊhpom kueˊ tiˊca keuting Eun naˊ ce tiduihˊ.

Peue caee 11:21

Peucawoˊ Eun teumˊkawm ce. Peue heunˊ naˊ ce yumˊ. Ce plinˊ hpumˊ ri ingˊ hk'aˊ Eun Peucawoˊ naˊ.

2 Petruˊ 3:8

Daecti aˊmawo leumeusˊ uiˊ naˊ peˊ, pawlaee va ri pil a, yam ti seunyi Eun Peucawoˊ naˊ seunˊ a ti hengˊ neum, yam ti hengˊ neum Eun naˊ a seunˊ ti seunyi.

Peue caee 28:27

Kopti hpumˊ ce peue ceu aenˊ cenˊ ka. Yhukˊ ce naˊ a unˊ leuceng. Ngaiˊ ce naˊ a ku yep ri. A lawn unˊ yeuh keutitˊ koˊ, ce kaw pun ri nyu ri ngaiˊ ri naˊ, mhawngˊ ri yhukˊ ri naˊ, yawng ri hpumˊ ri naˊ, hpawtˊ ce ri ingˊ naˊ. Hawcˊ koˊ, Uiˊ kaw baiˊ ce cuin.’

1 Petruˊ 2:25

Kopti seunˊ peˊ konˊyungˊ veung raiˊ heulˊ naˊ, daecti maetˊmaenˊ peˊ keutah ingˊ rot ri Cawoˊ goˊ Cawoˊ roksaˊ civit peˊ naˊ Eun hawcˊ.

2 Hteˊsalawˊniˊ 1:10

Seunyi yam awnˊ na, punta kaw Eun ti munhpungˊ ri maeeˊ peue ri naˊ ce naˊ, maeeˊ punta kaw a meuh kuˊ hk'oˊamˊ pun peue yumˊ naˊ ce ku peue, Eun kaw lih. Kopti yumˊ peˊ saˊhkiˊ hkamˊ ye ri peˊ naˊ, peˊ ku pawngˊ muk awnˊ ce yeut.

Peue caee 11:18

Yam mhawngˊ ce lawng aenˊ a naˊ, ce unˊ laee kueˊ kuˊ kaw ram ri heun baee. Ce sukˊseunˊ Peucawoˊ Eun. Ce lahˊ, “Yeuh keutitˊ koˊ, saecˊ meuh peue unˊ meuh peue ceu Yuˊda naˊ ce, Peucawoˊ Eun ku kah ce tawsˊ hpumˊ fuin mapˊ ri lec nang civit imˊ naˊ yeut.”

Luˊka 1:16

Eun kaw va peue Iˊsarelaˊ naˊ ce tang hpawtˊ ri ingˊ ri Cawoˊ Peucawoˊ ri naˊ Eun heunˊheunˊ.

Roˊma 11:25

Ecˊawngˊ naˊ peˊ, punta kaw peˊ unˊ hpumˊ keuting maeeˊ tuˊ ri meun naˊ, uiˊ sumˊ kah peˊ leuceng pun kuˊ vangdohˊ ruiˊ aenˊ a. Aenˊ a meuh peue Iˊsarelaˊ naˊ ngonˊ kaw ce hpumˊ cenˊ rot ti peue unˊ meuh peue ceu Yuˊda naˊ kaw ce ingˊ lec nuk caˊlangˊ ri naˊ.

Peue caee 17:26

Tangˊ a ri peue ti peue rot ri peue ceu ku ceu utˊ pang bhenˊ keuteˊ naˊ ku duihˊ ka naˊ, Eun hpanplengˊ peue. Eun gvah ri uinˊ meuyam naˊ, gvah ri uinˊ mhuilˊ kuingˊ vang kaw ce htukˊ ri utˊ naˊ.

Peue caee 15:3

Muk konˊ Hkrit naˊ ce cusˊ ce hukˊ. Yam hpaˊ ce kuingˊ Hpiˊniˊsia naˊ maeeˊ kuingˊ Samariˊ naˊ hukˊ, ce lahˊ ris lawng peue unˊ meuh peue ceu Yuˊda naˊ leuplohˊ ce hpumˊ ri. Lawng aenˊ a yeuh ecˊawngˊ naˊ ce renˊkawn nyawkˊ gawmˊeucˊ ri.

Peue caee 3:21

Yesuˊ Eun kaw kah ri utˊ nang kuingˊ pang maoˊ naˊ rot ri yam Peucawoˊ naˊ Eun plinˊ ku ceu gawmˊeucˊ naˊ meuh kuˊ hk'uˊ seunˊ uinˊ Eun kati ri peue suip leukahˊ seungaˊ chakˊ ri leumahˊ naˊ ce.

Peue caee 1:6

Kop awnˊ na yam buih hk'om ce puri naˊ, ce mhaingˊ Eun, “Cawoˊ, maetˊmaenˊ kaw Mi tang tangˊ hk'uˊ kuingˊ ce peue Iˊsarelaˊ naˊ aw?”

Tuhˊ ri tuilˊ 21:4

Eun kaw otˊ ri tec leuumˊ ngaiˊ ce naˊ ku jam ka. A hkuinˊ kaw laee kueˊ hk'aˊ yeum, hk'aˊ kuit nyhapˊ, pet yam aˊkoˊ hk'aˊ suiˊ naˊ baee, kopti hk'aˊ kuˊ hk'imˊ naˊ pon ka heulˊ hawcˊ.”

2 Tiˊmoˊse 2:25

Hk'aˊnaee vang keutuiˊ hpumˊ eun naˊ, punta peue toˊtamˊ eun naˊ Peucawoˊ kaw Eun yeuh ce tawsˊ hpumˊ fuin mapˊ ri yawng kuˊ leupaws seumeuˊ naˊ.

Peue caee 3:20

Eun kaw cusˊ Yesuˊ Cawoˊ tangˊ Eun ri uinˊ meuh Hkrit pun peˊ naˊ Eun ri peˊ.

Hebraeˊ 4:1

Kop awnˊ na, kopti kati kaw lec hk'aˊ keuluiˊ Eun naˊ kawnˊ kueˊ ka naˊ, kah eˊ uinˊ sati ri meuh lamlam ri unˊ kah aˊnhawˊ chat hk'aˊ keuluiˊ aenˊ na saecˊ ti peue.

Luˊka 22:57

Daecti Petruˊ eun htuˊhtingˊ ka, eun lahˊ, “Konˊ beunˊ, hpaw uiˊ caˊ yawng Eun.”