Peue caee 1:7 - Plang (Blang)

⁷ Yesuˊ Eun lahˊ a ri ce, “Kaw peˊ unˊ loˊ ri yawng meuh yam kuˊ Aˊkuiingˊ tangˊ Eun hk'aˊnaee tiˊca ri naˊ.

Peue caee 1:7 교차 참조

Mahtae 20:23

Yesuˊ Eun lahˊ a ri ka, “Kaw paˊ kah ri nyui kawkˊ Uiˊ naˊ neumneum yeut. Daecti kuˊ kaw tuilˊ aˊnhawˊ mokˊ hk'aˊ aˊtawmˊ hk'aˊ aˊveˊ Uiˊ naˊ, a hkuinˊ meuh Uiˊ ri. Daecti vang mokˊ awnˊ meuh a isˊ ce peue kuˊ Kuiingˊ Uiˊ rangraen Eun ri uinˊ pun ce naˊ.”

Mahtae 24:36

Aˊnhawˊ hkuinˊ yawng seunyi meuyam awnˊ na saecˊ ti peue. Saecˊ meuh inˊhpom kuingˊ pang maoˊ naˊ ce maeeˊ Konˊ aiˊ naˊ Eun ku hkuinˊ yawng a. Aˊkuiingˊ yawng Eun a koe.

Makuˊ 10:40

Daecti kuˊ kaw tuilˊ paˊ mokˊ hk'aˊ aˊtawmˊ hk'aˊ aˊveˊ Uiˊ naˊ, a hkuinˊ meuh Uiˊ ri. Daecti vang mokˊ awnˊ a meuh a isˊ ce peue kuˊ Peucawoˊ rangraen Eun ri uinˊ pun ce naˊ.”

Makuˊ 13:32

Aˊnhawˊ hkuinˊ yawng seunyi meuyam awnˊ a saecˊ ti peue. Saecˊ meuh inˊhpom naˊ ce maeeˊ Konˊ aiˊ Eun hkuinˊ yawng a. Aˊkuiingˊ yawng Eun a koe.

Luˊka 21:24

Ce kaw pun ri yeum ri leungawng. Peue kaw mheutˊ ce meuh peue htawngˊ teukˊ ce heulˊ ku kuingˊ. Peue ceu seubu naˊ ce kaw japˊbuin veng Yeruˊsalaem naˊ rot ti saˊhkatˊ ce naˊ htonnuk ka.

Peue caee 17:26

Tangˊ a ri peue ti peue rot ri peue ceu ku ceu utˊ pang bhenˊ keuteˊ naˊ ku duihˊ ka naˊ, Eun hpanplengˊ peue. Eun gvah ri uinˊ meuyam naˊ, gvah ri uinˊ mhuilˊ kuingˊ vang kaw ce htukˊ ri utˊ naˊ.

Eˊfeˊsuˊ 1:10

Alo ruiˊ nyawkˊ Eun naˊ meuh a, a lawn rot yam ka naˊ, Peucawoˊ Eun kaw ti ri cu hk'onˊ kuˊ kueˊ pang maoˊ maeeˊ pang bhenˊ keuteˊ naˊ ku ceu ka hk'aˊruim Hkrit Eun.

1 Tiˊmoˊse 6:15

Yam ka Yesuˊ kaw Eun tang pucti lih naˊ, kaw a meuh hk'aˊnaee yam Eun Peucawoˊ. Peucawoˊ meuh Eun Cawoˊ kuingˊ ri sukˊseunˊ. Heun ri koe meuh Eun Cawoˊ uˊpeung. Eun meuh Hkunˊhawˊhkamˊ hk'aˊpang hkunˊhawˊhkamˊ, Cawoˊ hk'aˊpang cawoˊ.

2 Tiˊmoˊse 3:1

Yeuh ri pawn a, seunyi saˊhkatˊ tisutˊ naˊ kuˊ tukhka naˊ kaw a keutˊ kueˊ.