Mahtae 6:14 - Plang (Blang)

¹⁴ Kopti peˊ lawn ploeˊ mapˊ ce peue yeuh kuˊ kleucˊ ri peˊ naˊ koˊ, Kuiingˊ peˊ Cawoˊ utˊ nang kuingˊ pang maoˊ naˊ Eun ku kaw ploeˊ mapˊ peˊ naˊ yeut.

Mahtae 6:14 교차 참조

Mahtae 5:7

Peue cang tukyak ri peue naˊ kaw ce pun munˊ, kopti kaw ce tang pun ri rap ri ti hk'aˊ tukyak ri ce naˊ.

Mahtae 6:12

Seunˊ ploeˊ ye mapˊ ce peue yeuh kuˊ kleucˊ ri ye naˊ ce, hk'oˊ Mi ploeˊ mapˊ ye naˊ yeut.

Mahtae 7:2

Kopti seunˊ tangˊ peˊ mapˊ hk'aˊpang peue naˊ, Peucawoˊ Eun ku kaw tangˊ mapˊ hk'aˊpang peˊ seunˊ awnˊ a yeut. Peˊ lawn tungˊ a nang keunhawˊ ri peue koˊ, peˊ kaw tang pun a nang awnˊ a.

Makuˊ 11:25

Yam cawng peˊ ri hk'oˊ munˊ naˊ, punta Kuiingˊ peˊ Cawoˊ utˊ nang kuingˊ pang maoˊ naˊ kaw Eun ploeˊ mapˊ peˊ naˊ, ploeˊ mapˊ ce peue yeuh kuˊ kleucˊ ri peˊ naˊ ce reuˊ.”

Luˊka 6:37

Pawlaee tawsˊ aˊmu hk'aˊpang peue. Peˊ lawn unˊ tawsˊ aˊmu ri peue koˊ, aˊnhawˊ hkuinˊ kaw tawsˊ aˊmu ri peˊ. Pawlaee tangˊ mapˊ ri peue. Peˊ lawn unˊ tangˊ mapˊ ri peue koˊ, aˊnhawˊ hkuinˊ kaw tangˊ mapˊ ri peˊ. Ploeˊ mapˊ peue reuˊ, mapˊ peˊ naˊ a kaw ploeˊ ri yeut.

Eˊfeˊsuˊ 4:32

Yeuh kuˊ chakˊ naˊ ri puri, tukyak ri puri reuˊ. Ploeˊ mapˊ puri seunˊ Peucawoˊ ploeˊ Eun mapˊ peˊ naˊ hk'aˊnaee Hkrit Eun naˊ.

Kawˊlawˊsaeˊ 3:13

Yeunˊhkam ri puri reuˊ. Peˊ saecˊ naˊ kueˊ hpumˊ ri puri kopti keunhawˊ naˊ unˊ lahˊ, ploeˊ mapˊ pu peˊ reuˊ. Ploeˊ mapˊ pu peˊ seunˊ Peucawoˊ ploeˊ Eun mapˊ peˊ hawcˊ naˊ reuˊ.

Yakopˊ 2:13

Kopti peue unˊ cang tukyak naˊ kaw eun pun ri hkamˊ hk'aˊ tawsˊ aˊmu ka unˊ cang tukyak naˊ. Hk'aˊ cang tukyak naˊ pe a hk'aˊ tawsˊ aˊmu naˊ.

1 Yoˊhan 3:10

Meuh a kopti aenˊ a naˊ, eˊ cang yawng a aˊnhawˊ ciˊ meuh konˊhk'i Eun Peucawoˊ, aˊnhawˊ ciˊ meuh konˊhk'i ka seucaˊ naˊ. Aˊnhawˊ lawn unˊ yeuh kuˊ cawpˊ maeeˊ unˊ leumeusˊ ecˊawngˊ ri naˊ ce koˊ, unˊ meuh eun konˊhk'i Eun Peucawoˊ.