Mahtae 5:30 - Plang (Blang)

³⁰ Seunˊ awnˊ na, tiˊ aˊtawmˊ mi naˊ a lawn yeuh mi yeuh mapˊ naˊ koˊ, rengˊ ri tec a reuˊ. Mi saecˊ naˊ sum hk'eung ka tuˊ ri naˊ ti ceu koˊ, a naˊ jaen chakˊ hk'aiˊ pun mi ri lec nang keutongˊnyarok naˊ gawmˊ tuˊ ri naˊ.

Mahtae 5:30 교차 참조

Mahtae 11:6

Munˊ keuting ri peue unˊ kangkae ri Uiˊ naˊ ce.”

Mahtae 13:21

Daecti kopti res ka naˊ unˊ lec ka ruiˊ naˊ, leukahˊ munˊ renˊkawn naˊ a utˊ maeeˊ ce ti cu hkaoˊ. Yam hk'eupˊ ce kuˊ kuit nyhapˊ, aˊkoˊ kuˊ keunhapˊ nokneh kopti meuh a leukahˊ munˊ renˊkawn naˊ, ce ku keulawnˊ tecla a.

Mahtae 16:23

Yesuˊ Eun hpawtˊ ri keueˊ lahˊ a ri Petruˊ eun, “Satan, htonˊ mi ingˊ hk'aˊkuiˊ reuˊ. Meuh mi seumu kaw yeuh Uiˊ seuduih ri htangˊmeul. Hpaw mi caˊ kuit seunˊ kuˊ kuit Eun Peucawoˊ naˊ, daecti kuit mi seunˊ peue koˊ.”

Mahtae 17:27

Daecti punta kaw eˊ unˊ cang yeuh ce seungeuengˊ ri ti naˊ, mi naˊ heulˊ metˊ kaˊ nang glu naˊ reuˊ. Kaˊ la mi ri pun nanggalˊ naˊ vas mi nawk moeng ka naˊ, mi naˊ nyu paec punˊ htaepˊ. Mi naˊ ti ri heulˊ seueˊ a meuh hkawnˊ ka nya hk'oˊ munˊ keuting naˊ pun mi maeeˊ pun Uiˊ reuˊ.”

Mahtae 18:8

Tiˊ mi naˊ, aˊkoˊ cung mi naˊ a lawn yeuh mi yeuh mapˊ naˊ koˊ, rengˊ ri tec a reuˊ. Mi saecˊ naˊ tiˊ cung lutˊ pun ri lec vang aˊyu imˊ cotˊcu naˊ, a naˊ jaen chakˊ hk'aiˊ kueˊ mi tiˊ cung lalˊ plakˊ mi pun ri lec vang ngawl haˊ cotˊcu naˊ.

Mahtae 22:13

Hawcˊ koˊ, hkunˊhawˊhkamˊ naˊ eun tuilˊ leukahˊ ri mhaiˊ ri naˊ ce, ‘Mawt tiˊ cung eun naˊ nyon ri tec eun vang duimˊlawng taˊulˊ aecˊrak yam cet rangˊ ri hk'aˊnok naˊ reuˊ.’

Mahtae 25:20

Kuˊ pun leumuil hpawnˊ talan naˊ eun pinˊ leumuil ri naˊ ingˊ maeeˊ nammaet pun eun hpawnˊ talan naˊ. Eun lahˊ, ‘Cawoˊ, tuilˊ mi leumuil ri uiˊ hpawnˊ talan. Keueˊ, tang pun uiˊ nammaet ka naˊ hpawnˊ talan.’

Mahtae 26:31

Yam awnˊ na, Yesuˊ Eun lahˊ a ri tapaeˊ ri naˊ ce, “Bul seunyaenˊ, peˊ ri gawmˊeucˊ kaw peˊ tecla Uiˊ. Kopti temˊ a ri yeuhkiˊ, ‘Kaw Uiˊ toh cawoˊ goˊ konˊyungˊ naˊ eun. Konˊyungˊ naˊ ce kaw taicˊjah hk'aiˊ puri heulˊ.’

Mahtae 5:22

Daecti Uiˊ lahˊ a ri peˊ, ‘Aˊnhawˊ lawn seungeuengˊ ri ecˊawngˊ ri naˊ eun koˊ, eun kaw pun ri hkamˊ hk'aˊ tawsˊ aˊmu naˊ. Aˊnhawˊ lawn tangˊ ecˊawngˊ ri naˊ eun tem koˊ, eun kaw pun ri hkamˊ hk'aˊ tawsˊ aˊmu naˊ nanggalˊ ce muk peue tawsˊ aˊmu naˊ. Aˊnhawˊ lawn lahˊ ecˊawngˊ ri naˊ eun meuh peue ngaˊ koˊ, eun kaw pun ri hkamˊ hk'aˊnaee ngawl ka keutongˊnyarok naˊ.’

Mahtae 5:29

Ngaiˊ aˊtawmˊ mi naˊ a lawn yeuh mi yeuh mapˊ naˊ koˊ, koc ri tec a reuˊ. Mi saecˊ naˊ sum hk'eung ka tuˊ ri naˊ ti ceu koˊ, a naˊ jaen chakˊ hk'aiˊ pun mi ri lec nang keutongˊnyarok naˊ gawmˊ tuˊ ri naˊ.

Makuˊ 9:43

Tiˊ mi naˊ a lawn yeuh mi yeuh mapˊ naˊ koˊ, rengˊ ri tec a reuˊ. Mi saecˊ naˊ tiˊ lutˊ pun ri lec vang aˊyu imˊ naˊ koˊ, a naˊ jaen chakˊ hk'aiˊ kueˊ mi tiˊ lalˊ plakˊ mi pun ri lec nang keutongˊnyarok vang ngawl unˊ laee cang laic naˊ.

Luˊka 12:5

Daecti peˊ ciˊ kaw htukˊ ri lhatˊ ri aˊnhawˊ kaw Uiˊ lahˊ peˊ mhawngˊ a, lhatˊtil ri Peucawoˊ toh jawngkuiˊ tuˊ hawcˊ Eun kueˊ tiˊca kaw nyon peˊ hk'aˊnaee keutongˊnyarok naˊ Eun reuˊ.

Luˊka 17:2

Mawt ri tuikˊ seumu mawˊ naˊ ri ngok eun naˊ ploeˊ eun nang mhaˊseumutˊ naˊ koˊ, a naˊ jaen chakˊ hk'aiˊ uinˊ eun yeuh peue aetˊ ti peue naˊ eun yeuh mapˊ naˊ.

Roˊma 9:33

hotˊ seunˊ kuˊ temˊ a ri hk'aˊnaee htawm Seungaˊ naˊ, “Keueˊ reuˊ, uinˊ Uiˊ seumu pang gong Yiˊon naˊ ti meulˊ. A kaw yeuh peue seuduih ri ri ti. A kaw yeuh ce htangˊmeul gawmˊeucˊ. Peue yumˊ Peucawoˊ Eun naˊ ce hkuinˊ kaw pun ri kaic.”

1 Kawˊrinhtuˊ 8:13

Kop awnˊ na kuˊ hk'a uiˊ naˊ a lawn yeuh ecˊawngˊ naˊ ce hk'uicˊ hk'aˊnaee mapˊ naˊ koˊ, punta kaw uiˊ unˊ laee meuh kuˊ yeuh ce htangˊmeul naˊ, uiˊ hkuinˊ kaw laee pawnˊ keune naˊ baee.

Galatiˊ 5:11

Ecˊawngˊ naˊ peˊ, uiˊ lawn kawnˊ sangsawnˊ lahˊ hk'aˊ kah ri tonˊ duingˊ hakˊ ri naˊ koˊ, a ciˊ meuh kop keunhawˊ uiˊ vaeeˊ kawnˊ pun ri hkamˊ hk'aˊ keunhapˊ nokneh naˊ? Uiˊ lawn naˊ sangsawnˊ lahˊ kah ri tonˊ duing hakˊ ri naˊ koˊ, hk'aˊ sangsawnˊ lawng kleumˊ rawngˊtawpˊ naˊ hpaw a caˊ kaw laee kueˊ hk'aˊ hamˊtap naˊ.

1 Petruˊ 2:8

A meuh seumu vang seuduih peue ri, a yeuh peue htangˊmeul.” Ce seuduih ri kopti unˊ leuceng ce leukahˊ aenˊ na. A hotˊ seunˊ kuˊ Peucawoˊ tangˊ Eun ri uinˊ a tangˊ neum nanggalˊ naˊ hawcˊ.