Mahtae 26:41 - Plang (Blang)

⁴¹ Punta kaw mi unˊ pun ri hk'uicˊ hk'aˊnaee hk'aˊ copˊlong naˊ, hk'oˊ munˊ koˊ reuˊ. Civit mi naˊ a saecˊ rangraen ri, daecti tuˊ mi naˊ a kawnˊ kawlˊreng kloe.”

Mahtae 26:41 교차 참조

Mahtae 24:42

Kop awnˊ na, saecˊ meuh yamnhawˊ koˊ a reuˊ, kopti unˊ yawng peˊ seunyi yam Cawoˊ ri naˊ kaw Eun tang lih naˊ.

Mahtae 25:13

Kop awnˊ na, kopti unˊ yawng peˊ seunyi meuyam awnˊ kaw a rot yamnhawˊ naˊ, saecˊ meuh yamnhawˊ, koˊ a reuˊ.

Mahtae 26:38

Eun lahˊ a ri ce, “Hpumˊ lu kuit nyhapˊ Uiˊ nyawkˊ, a hk'oˊ Uiˊ kaw yeum. Koˊ maenˊ naˊ maeeˊ Uiˊ meulamlam ri reuˊ.”

Mahtae 6:13

Pawlaee va ye lec hk'aˊnaee hk'aˊ copˊlong naˊ, daecti yeuh ye pon hk'aiˊ kuˊ rai naˊ. Kopti kuingˊ naˊ, tiˊca naˊ maeeˊ munhpungˊ naˊ meuh a isˊ Mi cotˊcu ri. Amin.’

Makuˊ 14:38

Punta kaw mi unˊ pun ri hk'uicˊ hk'aˊnaee hk'aˊ copˊlong naˊ, hk'oˊ munˊ koˊ reuˊ. Civit mi naˊ a saecˊ rangraen ri, daecti tuˊ mi naˊ a kawnˊ kawlˊreng kloe.”

Luˊka 11:4

Ploeˊ mapˊ ye naˊ, kopti ye ku ploeˊ mapˊ ce peue yeuh kuˊ kleucˊ ri ye naˊ ce ku peue. Pawlaee va ye lec hk'aˊnaee hk'aˊ copˊlong naˊ.’ ”

Luˊka 21:36

Punta kaw peˊ cang pon kuˊ kaw meuh awnˊ ce gawmˊeucˊ naˊ maeeˊ kaw peˊ cang cawng nanggalˊ Eun Konˊ aiˊ peue naˊ, saecˊ yamnhawˊ, koˊ meulamlam ri hk'oˊ munˊ reuˊ.”

Luˊka 22:40

Yam rot ce tehˊ naˊ, Eun lahˊ a ri ce, “Punta kaw peˊ unˊ pun ri hk'uicˊ hk'aˊnaee hk'aˊ copˊlong naˊ, hk'oˊ munˊ reuˊ.”

Luˊka 22:46

Eun mhaingˊ ce, “Peˊ ciˊ yeuh keunhawˊ, peˊ vaeeˊ kawnˊ meung itˊ ri? Punta kaw peˊ unˊ pun ri hk'uicˊ hk'aˊnaee hk'aˊ copˊlong naˊ, kuhˊ hk'oˊ munˊ reuˊ.”

Luˊka 8:13

Kuˊ hk'uicˊ nang tak seumu naˊ meuh a peue pun ri mhawngˊ leukahˊ naˊ ce renˊkawn rap ri ti a. Daecti kopti unˊ kueˊ a res naˊ, ce yumˊ a ti cu hkaoˊ. Yam hk'eupˊ ce hk'aˊ copˊlong naˊ, ce tang kleucˊ hk'aˊ ri.

Roˊma 8:3

Kopti hk'aˊ nhamˊ keune naˊ yeuh a leukahˊ ritroe naˊ kawlˊreng kloe naˊ kuˊ leukahˊ ritroe naˊ yeuh unˊ pun ka naˊ Peucawoˊ Eun yeuh a hawcˊ ri cusˊ Eun Konˊ aiˊ ri naˊ Eun lih seunˊ peue mapˊ naˊ punta kaw Eun meuh kuˊ tan htut mapˊ naˊ. Kopti yeuh a kiˊ naˊ, Eun pun ri tawsˊ aˊmu ciyang mapˊ ce peue mapˊ naˊ.

1 Kawˊrinhtuˊ 10:13

Hk'aˊ copˊlong pon lheuˊ hk'aiˊ kuˊ tawn hk'eupˊ peue naˊ a hkuinˊ kaw laee kueˊ ri peˊ. Peucawoˊ kati keutawnˊ Eun. Eun hkuinˊ kaw taeˊ peˊ hk'eupˊ kuˊ copˊlong kaw peˊ hkamˊ unˊ pe naˊ. Daecti yam hkamˊ peˊ kuˊ copˊlong naˊ, punta kaw peˊ cang keutawnˊ hk'aˊruim ka hk'aˊ copˊlong naˊ pun, Eun kaw tuilˊ peˊ isˊ hk'aˊ kaw pucti heulˊ naˊ yeut.

1 Kawˊrinhtuˊ 16:13

Kah peˊ naˊ yeuh ri pawn kuiˊ ri, keutawnˊ hk'aˊnaee hk'aˊ yumˊ ri naˊ, yeuh hpumˊ ri hatˊhanˊ maeeˊ kawlˊreng keuting ri reuˊ.

1 Kawˊrinhtuˊ 9:27

Daecti punta yam hawcˊ uiˊ sangsawnˊ ri leukahˊ munˊ renˊkawn naˊ ri peue naˊ kaw uiˊ unˊ meuh nang unˊ kuingˊ ri pun lapsawngˊ naˊ, uiˊ hkvuikˊ meun ri kaw uˊpeung tuˊ ri naˊ pun.

Galatiˊ 5:24

Peue utˊ hk'aˊ Eun Yesuˊ Hkrit naˊ tawkˊ ce alo taˊnhaˊ ka hk'aˊ nhamˊ keune ri naˊ pang kleumˊ rawngˊtawpˊ naˊ hawcˊ.

Eˊfeˊsuˊ 6:18

Hk'oˊ munˊ hk'aˊnaee Citˊ seungaˊ naˊ ri leukahˊ hk'oˊ munˊ naˊ maeeˊ leukahˊ hk'oˊhk'ang ku ceu naˊ laleung reuˊ. Hk'aˊnaee vang kuit rot ri ceu nang aenˊ ce hk'aˊnaee hpumˊ ri naˊ, yeuh ri pawn kuiˊ ri hk'oˊ munˊ pun peue Eun Peucawoˊ naˊ ce laleung reuˊ.

1 Petruˊ 4:7

Yam tisutˊ ka ku ceu gawmˊeucˊ naˊ kaw a hk'awsˊ rot hawcˊ. Kop awnˊ na punta kaw peˊ cang hk'oˊ munˊ naˊ, yeuh ri pawn kuiˊ pawn sati ri maeeˊ yeuh ri uˊpeung pe tuˊ ri naˊ reuˊ.

1 Petruˊ 5:8

Yeuh ri uˊpeung pe tuˊ ri maeeˊ yeuh ri pawn kuiˊ ri reuˊ. Kopti seucaˊ rai meuh ransu peˊ naˊ lomlom a peˊ seunˊ leuvai sangsiˊ heulˊ eoˊ ri sok satˊ kaw ri kawk ri hk'a naˊ koˊ.

2 Petruˊ 2:9

Kopti yeuh a keutitˊ naˊ, Peucawoˊ Eun ciˊ kaw teumˊkawm peue leupaws seumeuˊ naˊ ce pon hk'aiˊ hk'aˊ copˊlong naˊ yeuh saˊnhawˊ naˊ, Eun yawng a. Eun ciˊ kaw hk'awngˊ, Eun ciˊ kaw suip ri ciyang peue unˊ leupaws seumeuˊ naˊ ce yeuh saˊnhawˊ heulˊ rot ti yam seunyi kaw tawsˊ aˊmu naˊ, Eun ku yawng a.

Tuhˊ ri tuilˊ 16:15

“Keueˊ reuˊ, kaw Uiˊ lih seunˊ peue conˊ kuˊ ingˊ yam aˊnhawˊ unˊ pawn peue kuiˊ ri naˊ. Peue unˊ itˊ eun cuipˊ hk'eung ri rangraen ri naˊ, eun kaw pun ri renˊkawn, kopti kaw eun unˊ pun ri long hk'aˊ utˊ gungˊgangˊ kaic ri peue.”

Tuhˊ ri tuilˊ 3:10

Kopti yeunˊhkam mi ri hotˊ leukahˊ tuilˊ Uiˊ naˊ, yam kuˊ long ri nawk naˊ punta kaw a long ri nawk peue utˊ pang bhenˊ keuteˊ naˊ ce a rot pang bhenˊ keuteˊ naˊ ku duihˊ naˊ, Uiˊ ku kaw yeuh mi lawtpon hk'aiˊ cu ka naˊ.