9 Uiˊ lahˊ a ri peˊ, ‘Pon hk'aiˊ meuh a kopti lenˊcu naˊ aˊnhawˊ lawn tec beunˊ ri naˊ eun heulˊ ti ri isˊ beunˊ seubu koˊ, me awnˊ meuh eun peue lenˊcu.’ ”
Tapaeˊ naˊ ce lahˊ, “Ti ri isˊ beunˊ ti ri isˊ me naˊ a lawn kaw yeuh keutitˊ koˊ, unˊ makˊ ti yawo naˊ a jaen chakˊ.”
Yesuˊ Eun lahˊ a ri ce, “Moˊse tuilˊ eun ahkvang kah peˊ cang tec beunˊ ri naˊ a meuh kopti hpumˊ cenˊ peˊ naˊ. Daecti yamla ka naˊ hpaw a caˊ yeuh keutitˊ.
Daecti Uiˊ lahˊ a ri peˊ, ‘Pon hk'aiˊ meuh a kopti lenˊcu naˊ aˊnhawˊ lawn tec beunˊ ri naˊ eun koˊ, hkawnˊ yeuh eun beunˊ ri naˊ eun meuh peue lenˊcu. Aˊnhawˊ lawn tang ti ri isˊ beunˊ awnˊ eun koˊ, hkawnˊ eun ku meuh peue lenˊcu yeut.’
Aˊnhawˊ lawn tec beunˊ ri, hawcˊ koˊ eun ti ri isˊ beunˊ seubu koˊ, lenˊcu eun. Me ti beunˊ tec me ri naˊ eun koˊ, eun ku lenˊcu yeut.
Pun uiˊ ri mhawngˊ lawng peue hk'aˊnaee peˊ naˊ yeuh eun kuˊ kleucˊ hkuitˊnawngˊtangˊ kuˊ peue unˊ yumˊ naˊ ce ku hkuinˊ duing yeuh a naˊ. Peue titˊ eun ti beunˊ eun kuiingˊ ri naˊ eun meuh beunˊ ri.
Cu yam me naˊ kawnˊ aˊyu imˊ eun naˊ, beunˊ eun naˊ eun kaw kah ri utˊ maeeˊ heun. Daecti me naˊ eun lawn yeum heulˊ koˊ, beunˊ awnˊ eun sumˊ ti aˊnhawˊ eun kaw cang ti a hotˊ seunˊ alo ka hpumˊ ri naˊ yeut. Daecti me awnˊ eun kaw kah ri meuh peue yumˊ Peucawoˊ Eun.
Jawngkuiˊ tuˊ eun beunˊ naˊ a hkuinˊ meuh isˊ heun palkoe, daecti a ku meuh isˊ eun me eun naˊ yeut. Seunˊ awnˊ na, jawngkuiˊ tuˊ eun me naˊ a ku hkuinˊ meuh isˊ heun palkoe, daecti a ku meuh isˊ eun beunˊ eun naˊ yeut.
