Mahtae 15:17 - Plang (Blang)

¹⁷ Kuˊ lec nang moeng peue naˊ lih a nang keuteul naˊ. Hawcˊ koˊ, a pucti heulˊ hk'aiˊ tuˊ peue naˊ, unˊ nyu peˊ a aw?

Mahtae 15:17 교차 참조

Mahtae 15:16

Yesuˊ Eun mhaingˊ ce, “Unˊ nang leuceng pun peˊ a aw?

Mahtae 15:18

Daecti kuˊ lih neum moeng naˊ lih a neum hk'aˊnaee hpumˊ naˊ. Ceu nang aenˊ ce a yeuh peue unˊ seungaˊ.

Makuˊ 7:19

Kopti hpaw a caˊ pun ri lec hk'aˊnaee hpumˊ, daecti lec a hk'aˊnaee keuteul naˊ, hawcˊ koˊ a pucti heulˊ hk'aiˊ tuˊ naˊ.” (Seunˊ Yesuˊ lahˊ Eun a yeuh keutitˊ naˊ, Eun sumˊ lahˊ kuˊ hk'a naˊ gawmˊeucˊ ka a hkuinˊ toˊ ri meuh “kuˊ unˊ seungaˊ”.)

Luˊka 6:45

Peue chakˊ naˊ hueˊ ce kuˊ chakˊ naˊ lih neum vang uinˊ ce hk'eung chakˊ nang hpumˊ ri naˊ. Peue rai naˊ hueˊ ce kuˊ rai naˊ lih neum vang uinˊ ce hk'eung rai nang hpumˊ ri naˊ. Kopti moeng naˊ lahˊ a kuˊ nuk pucti lih neum hpumˊ naˊ.

1 Kawˊrinhtuˊ 6:13

Kuˊ hk'a naˊ meuh a pun ka keuteul naˊ, keuteul naˊ a meuh pun ka kuˊ hk'a naˊ, daecti Peucawoˊ Eun kaw yeuh a lulaic heulˊ gawmˊ lalˊ ceu ka. Jawngkuiˊ tuˊ naˊ a hkuinˊ meuh pun ka hk'aˊ hkuitˊnawngˊtangˊ naˊ, daecti meuh a pun Eun Cawoˊ Yesuˊ. Cawoˊ Yesuˊ Eun ku meuh pun jawngkuiˊ tuˊ naˊ.

Yakopˊ 3:6

Dakˊ naˊ seunˊ a ngawl. Dakˊ naˊ meuh a kuingˊ ka kuˊ rai ka hk'eung hk'aˊnaee ka jawngkuiˊ tuˊ naˊ. A yeuh jawngkuiˊ tuˊ naˊ hk'awˊjeuk gawmˊeucˊ ri. A yeuh aˊyu naˊ haˊ gawmˊeucˊ, keutongˊnyarok naˊ a haˊ dakˊ naˊ.