Mahtae 12:50 - Plang (Blang)

⁵⁰ Kopti aˊnhawˊ lawn yeuh alo Eun Kuiingˊ Uiˊ Cawoˊ utˊ nang kuingˊ pang maoˊ naˊ Eun koˊ, meuh eun ma Uiˊ maeeˊ awngˊ me awngˊ beunˊ Uiˊ yeut.”

Mahtae 12:50 교차 참조

Mahtae 12:49

Eun seuji tapaeˊ ri naˊ ce. Eun lahˊ, “Hkaenˊ meuh ce ma Uiˊ maeeˊ awngˊ me Uiˊ.

Mahtae 13:1

Seunyi awnˊ na Yesuˊ Eun pucti heulˊ hk'aiˊ nya awnˊ na. Eun heulˊ mokˊ keunam ka glu naˊ.

Mahtae 17:5

Yam buih leukahˊ eun naˊ, putumˊ cengˊ naˊ a lih ghuimˊ ce. A kueˊ sengˊ lawsˊ lih neum putumˊ naˊ, “Peue aenˊ meuh Eun Konˊ aiˊ leumeusˊ Uiˊ nyawkˊ. Eun hitˊ ri hpumˊ Uiˊ nyawkˊ. Leuceng ri ti leukahˊ Eun naˊ reuˊ.”

Mahtae 25:40

Hkunˊhawˊhkamˊ naˊ Eun kaw topˊ a, ‘Uiˊ lahˊ a ri peˊ neumneum. Kuˊ yeuh peˊ a ri peue aetˊ hk'aiˊ peue hk'aˊnaee ecˊawngˊ Uiˊ ti peue naˊ eun naˊ, peˊ ku yeuh a ri Uiˊ yeut.’

Mahtae 25:45

Eun kaw topˊ, ‘Uiˊ lahˊ a ri peˊ neumneum. Kuˊ unˊ yeuh peˊ a ri peue aetˊ hk'aiˊ peue hk'aˊnaee peue aenˊ ce ti ri peue naˊ eun naˊ, peˊ ku hkuinˊ yeuh a ri Uiˊ yeut.’

Mahtae 28:10

Hawcˊ koˊ, Yesuˊ Eun lahˊ a ri ka, “Pawlaee lhatˊ. Ingˊ lahˊ a ri ecˊawngˊ Uiˊ naˊ ce. Kah ce heulˊ nang kuingˊ Galilaeˊ naˊ reuˊ. Kaw ce pun ri hk'eupˊ Uiˊ tehˊ.”

Makuˊ 3:35

Aˊnhawˊ lawn yeuh alo Eun Peucawoˊ naˊ koˊ, meuh eun ma Uiˊ maeeˊ awngˊ me awngˊ beunˊ Uiˊ yeut.”

Luˊka 8:21

Eun lahˊ a ri ce, “Peue mhawngˊ leukahˊ Eun Peucawoˊ leuceng ri ti a naˊ ce koˊ, meuh ce Ma Uiˊ maeeˊ awngˊ me Uiˊ.”

Yoˊhan 15:14

Peˊ lawn hotˊ ri yeuh leukahˊ tuilˊ Uiˊ ri peˊ naˊ koˊ, peˊ ku naˊ meuh aˊmawo Uiˊ.

Yoˊhan 20:17

Yesuˊ Eun lahˊ, “Pawlaee yat Uiˊ kopti unˊ nang ingˊ Uiˊ ri Aˊkuiingˊ Eun. Heulˊ lahˊ a ri ecˊawngˊ Uiˊ naˊ ce, ‘Buih kaw Uiˊ ingˊ ri Aˊkuiingˊ Uiˊ Aˊkuiingˊ peˊ, Peucawoˊ Uiˊ Peucawoˊ peˊ naˊ Eun.’ ”

Yoˊhan 6:29

Yesuˊ Eun topˊ a, “Kanˊ Eun Peucawoˊ naˊ meuh a yumˊ kuˊ cusˊ Eun lih naˊ Eun.”

Yoˊhan 6:40

Kopti Aˊkuiingˊ Uiˊ naˊ kueˊ Eun alo kah peue pun ri nyu Konˊ aiˊ Eun yumˊ Eun naˊ ce kueˊ citˊ tip aˊyu tip cotˊcu naˊ, maeeˊ kah ce tang kuhˊ imˊ hk'aˊnaee seunyi tisutˊ naˊ.”

Peue caee 17:30

Nanggalˊ aenˊ na kopti peue naˊ unˊ nang yawng ce a naˊ, Peucawoˊ Eun unˊ tangˊ aˊmu ri ce. Daecti maetˊmaenˊ, Peucawoˊ Eun tuilˊ leukahˊ ri peue utˊ ku duihˊ naˊ ce gawmˊeucˊ, kah ce tawsˊ hpumˊ fuin mapˊ ri hawcˊ.

Peue caee 26:20

Uiˊ la ri sangsawnˊ leukahˊ munˊ renˊkawn naˊ ri peue veng Damasˊkasˊ naˊ ce. Hawcˊ ka naˊ, uiˊ sangsawnˊ a ri peue veng Yeruˊsalaem naˊ, ri peue kuingˊ Yuˊda maeeˊ peue unˊ meuh peue ceu Yuˊda naˊ ce yeut. Kaw ce kah ri tawsˊ hpumˊ fuin mapˊ ri, tang hpawtˊ ri ingˊ ri Peucawoˊ Eun maeeˊ yeuh peue nyu tawsˊ ce hpumˊ ri hawcˊ naˊ ri kanˊ kuˊ yeuh ce naˊ, uiˊ sangsawnˊ ce.

Roˊma 8:29

Kopti punta Konˊ aiˊ Eun naˊ kaw Eun meuh konˊ nanggalˊ hk'aˊnaee ecˊawngˊ heunˊ peue naˊ ce, peue leuk Eun ri uinˊ tangˊ neum nanggalˊ naˊ Eun tangˊ ri uinˊ ce meuh seunˊ Konˊ aiˊ ri koˊ.

1 Kawˊrinhtuˊ 9:5

Unˊ kueˊ eˊ ahkvang kaw va beunˊ ri meuh konˊ Hkrit naˊ ce hotˊ ri seunˊ peue caee seubu Eun Yesuˊ, awngˊ Eun Yesuˊ maeeˊ Petruˊ naˊ ce yeut aw?

2 Kawˊrinhtuˊ 11:2

Uiˊ hkiˊkeung ri peˊ seunˊ Peucawoˊ hkiˊkeung Eun ri peˊ naˊ yeut. Kopti punta kaw uiˊ tan peˊ ri Hkrit Eun seunˊ meuh peˊ konˊhk'ihˊ plotˊlon seungaˊ chakˊ naˊ, uiˊ yeuh kati ri hawcˊ kaw kah peˊ ti yawo ri isˊ me ti peue naˊ Eun.

Galatiˊ 5:6

Kopti hk'aˊnaee Yesuˊ Hkrit Eun naˊ, tonˊ duingˊ hakˊ ri, aˊkoˊ unˊ tonˊ ri naˊ a hkuinˊ laee kueˊ ngos saecˊ peunaeˊ. Kuˊ kueˊ aˊyeˊ keuting ti ceu yawo naˊ meuh a hk'aˊ yumˊ kuˊ yeuh ri pucti lih hk'aˊnaee hk'aˊ leumeusˊkeus naˊ.

Galatiˊ 6:15

Tonˊ duingˊ hakˊ ri naˊ, aˊkoˊ unˊ tonˊ ri naˊ a hkuinˊ kueˊ peuehotˊ keunhawˊ. Daecti hk'aˊ tang plengˊ hk'uˊ naˊ a kueˊ peuehotˊ.

Kawˊlawˊsaeˊ 3:11

Kop awnˊ na, a hkuinˊ kueˊ peue Helasaˊ, aˊkoˊ peue Yuˊda, peue tonˊ duingˊ hakˊ ri, aˊkoˊ peue unˊ tonˊ duingˊ hakˊ ri, peue ceu seubu, peue nang hk'i, peue meuh mhaiˊ, aˊkoˊ peue unˊ meuh mhaiˊ. Daecti Hkrit meuh Eun ku ceu, Eun utˊ hk'aˊnaee peue ku peue.

1 Tiˊmoˊse 5:2

Aˊya kawt naˊ ce yeuh a ri ce seunˊ meuh ce ma mi koˊ. Beunˊ kawnˊ aetˊ hk'aiˊ mi naˊ ce, yeuh a ri ce hk'aˊnaee hpumˊ seungaˊ chakˊ mi naˊ seunˊ meuh ce awngˊ beunˊ mi koˊ.

Hebraeˊ 5:9

Kopti Peucawoˊ yeuh Eun Yesuˊ Eun htonnuk hawcˊ naˊ, Yesuˊ Eun ku meuh Cawoˊ htut cotˊcu pun ce peue leuceng ri ti Eun naˊ ce gawmˊeucˊ.

1 Petruˊ 4:2

Peue awnˊ ce, vang kaw ce suip ri aˊyu imˊ pang bhenˊ keuteˊ naˊ, ce kaw unˊ laee aˊyu imˊ hotˊ kuˊ taˊnhaˊ rai ce peue naˊ, daecti ce kaw aˊyu imˊ hotˊ alo Eun Peucawoˊ naˊ.

1 Yoˊhan 2:17

Bhenˊ keuteˊ naˊ maeeˊ taˊnhaˊ ka bhenˊ keuteˊ naˊ baet a ri raiˊ heulˊ, daecti peue hotˊ ri yeuh alo Eun Peucawoˊ naˊ ce kaw aˊyu imˊ cotˊcu ri.

Tuhˊ ri tuilˊ 22:14

Peue sawngˊ sak hk'ohk'eung ri naˊ punta kaw ce pun ri hk'a pliˊ ka kleumˊ hkuˊ civit imˊ naˊ maeeˊ kaw ce pun ri lec leuvaˊ naˊ ingˊ lec veng naˊ, munˊ keuting ri ce.