Mahtae 1:16 - Plang (Blang)

¹⁶ Yakopˊ eun meuh kuiingˊ eun Yoˊsaep. Yoˊsaep eun meuh me eun Mariˊ. Mariˊ eun meuh ma Eun Yesuˊ kuˊ klawng peue Eun muis Hkrit naˊ Eun.

Mahtae 1:16 교차 참조

Mahtae 1:15

Eˊliˊoˊ eun meuh kuiingˊ eun Eˊlasa. Eˊlasa eun meuh kuiingˊ eun Mahtan. Mahtan eun meuh kuiingˊ eun Yakopˊ.

Mahtae 16:16

Siˊmon Petruˊ eun topˊ a, “Meuh Mi Hkrit. Mi meuh Konˊ aiˊ Eun Peucawoˊ Cawoˊ aˊyu imˊ naˊ Eun.”

Mahtae 16:20

Hawcˊ koˊ, Yesuˊ Eun tuilˊ leukahˊ ri tapaeˊ ri naˊ ce, unˊ kah ce lahˊ peue mhawngˊ meuh ri Hkrit naˊ.

Mahtae 2:13

Hawcˊ ka yam peue kueˊ cuˊyi naˊ keutah ce ingˊ naˊ, inˊhpom Eun Peucawoˊ ti peue eun pucti lih tuilˊ leukahˊ ri Yoˊsaep eun hk'aˊnaee vang itˊ eun ri leumu naˊ. Eun lahˊ, “Kuhˊ reuˊ, va konˊ nyom naˊ Eun maeeˊ ma Eun ka hk'uih heulˊ nang kuingˊ Eˊjiˊtuˊ naˊ reuˊ. Utˊ tehˊ rot ti yam naˊ uiˊ tang lahˊ a ri mi. Kopti cawoˊ Herotˊ buih sok eun ri kaw toh konˊ nyom naˊ Eun.”

Mahtae 27:17

Yam peue cum heunˊ naˊ ingˊ hk'om ce puri tiduihˊ gawmˊeucˊ naˊ, cawoˊ Piˊlat eun mhaingˊ ce, “Peˊ ciˊ sumˊ kah uiˊ ploeˊ aˊnhawˊ pun peˊ, Barabasˊ eun aw, aˊkoˊ Yesuˊ kuˊ lahˊ peue meuh Hkrit naˊ Eun aw?”

Mahtae 27:22

Cawoˊ Piˊlat eun mhaingˊ ce, “A lawn yeuh keutitˊ koˊ, Yesuˊ kuˊ lahˊ peue meuh Hkrit naˊ Eun, peˊ ciˊ sumˊ kah uiˊ yeuh saˊnhawˊ ri Heun?” Ce klawng ri lahˊ a gawmˊeucˊ ri, “Tawkˊ Eun yeum pang kleumˊ rawngˊtawpˊ reuˊ.”

Makuˊ 6:3

Meuh Eun laksaˊmaˊ, unˊ meuh ka aw? Eun meuh konˊ ka Mariˊ, ecˊ ce Yakopˊ, Yoˊsaep, Yuˊdasˊ maeeˊ Siˊmon, unˊ meuh ka aw? Awngˊ beunˊ Eun naˊ utˊ ce maeeˊ eˊ, unˊ meuh ka aw? Ce nyu Eun pereng ri.”

Luˊka 1:27

ri beunˊ plotˊlon muis Mariˊ naˊ eun. Eun yeuh kati ri kaw ti Yoˊsaep kuˊ meuh ceucat hkunˊhawˊhkamˊ Davitˊ naˊ eun hawcˊ.

Luˊka 2:48

Yam makuiingˊ Eun pun ka ri nyu Eun naˊ, ka amˊ nyawkˊ. Ma Eun ka lahˊ a ri Heun, “Aˊaiˊ, Mi ciˊ yeuh keunhawˊ, Mi vaeeˊ yeuhkiˊ ri ya? Kuiingˊ Mi eoˊ sok ya Mi maeeˊ kuit nyhapˊ kuit yak ri.”

Luˊka 2:7

Eun la ri kueˊ Konˊ aiˊ. Ka bawlˊ Eun ri omˊ, hawcˊ ka uinˊ Eun itˊ nang dongˊ somˊ ka aˊmoe naˊ. Kopti nya itˊ checˊ naˊ unˊ laee kueˊ a vang utˊ pun ka naˊ.

Luˊka 3:23

Yam Yesuˊ la Eun ri yeuh kanˊ munˊ naˊ, aˊyu Eun naˊ a pun hk'ao ri leuoeˊkulˊ neum. Peue hteumˊ Yesuˊ Eun meuh konˊ Yoˊsaep. Yoˊsaep eun meuh konˊ Heli.

Luˊka 4:22

Peue gawmˊeucˊ naˊ ce sukˊseunˊ Eun. Ce amˊ ri leukahˊ hk'oˊ leuceng mun pucti lih hk'aiˊ moeng Eun naˊ. Ce lahˊ a ri puri, “Hkaenˊ unˊ meuh a konˊ me eun Yoˊsaep naˊ Eun aw?”

Yoˊhan 4:25

Beunˊ naˊ ka lahˊ, “Yawng uiˊ Mesiˊya (kuˊ lahˊ peue meuh Hkrit naˊ Eun) buih lih Eun. Eun lawn lih rot koˊ, Eun naˊ lahˊ ye mhawngˊ ku ceu.”