Luˊka 4:16 - Plang (Blang)

¹⁶ Eun keutang rot nang veng Nasaraetˊ vang keuting ri naˊ. A rot seunyi Sinˊ naˊ, Eun lec nang saˊla vang hk'oˊ munˊ seunˊ kuˊ tawn yeuh Eun naˊ. Punta kaw Eun lip htawm Seungaˊ naˊ, Eun kuhˊ cawng.

Luˊka 4:16 교차 참조

Mahtae 2:23

Eun ingˊ utˊ nang veng Nasaraetˊ. Aenˊ a meuh neumneum htonnuk hotˊ seunˊ kuˊ Peucawoˊ lahˊ Eun ri uinˊ ri suip Eun ri cu peue suip leukahˊ ri naˊ eun. A lahˊ, “Kaw peue klawng Eun meuh peue veng Nasaraetˊ.”

Luˊka 2:39

Yam Mariˊ maeeˊ Yoˊsaep yeuh ka seunˊ kueˊ a leukahˊ ritroe Eun Peucawoˊ gawmˊeucˊ ka hawcˊ naˊ, ka keutah ingˊ vang utˊ ti nang kuingˊ Galilaeˊ veng Nasaraetˊ naˊ.

Luˊka 2:42

Yam Yesuˊ aˊyu Eun pun a kulˊleualˊ neum naˊ, ce hukˊ nang veng Yeruˊsalaem naˊ seunˊ tawn hukˊ ka ku neum naˊ.

Luˊka 2:51

Hawcˊ koˊ, Yesuˊ Eun keutah ingˊ maeeˊ ka nang veng Nasaraetˊ. Eun leuceng leukahˊ ka makuiingˊ ri meulamlam ri. Ma Eun ka pawn ri uinˊ lawng aenˊ na nang hpumˊ ri gawmˊeucˊ ka.

Luˊka 4:15

Eun sangsawnˊ nang saˊla vang hk'oˊ munˊ ce naˊ heunˊ duihˊ. Peue sukˊseunˊ Eun gawmˊeucˊ ri.

Luˊka 4:17

Hawcˊ koˊ, ce tuilˊ bawlˊ htawm eun peue suip leukahˊ Eun Peucawoˊ htawm Iˊsayaˊ naˊ ri Heun. Eun glas a, Eun sok ri nyu vang temˊ a ri yeuhkiˊ naˊ,

Luˊka 4:21

Eun tang lahˊ a ri ce, “Leukahˊ htawm Seungaˊ pun peˊ ri mhawngˊ naˊ htonnuk a seunyaenˊ hawcˊ.”

Luˊka 4:23

Yesuˊ Eun lahˊ a ri ce, “Yawng Uiˊ naˊ peˊ sumˊ lahˊ leukahˊ lat aenˊ a ri Uiˊ yeuh keutitˊ yeut, ‘Cawoˊ baiˊ, baiˊ vang suiˊ mi naˊ meun reuˊ. Seunˊ mhawngˊ ye kuˊ yeuh Mi hk'aˊnaee veng Kapeniˊum naˊ yeuh a vang utˊ Mi naˊ yeut reuˊ.’ ”

Yoˊhan 18:20

Yesuˊ Eun topˊ a, “Sangsawnˊ Uiˊ bhenˊ keuteˊ naˊ glihˊgleuengˊ hawcˊ. Uiˊ sangsawnˊ hk'aˊnaee saˊla vang hk'oˊ munˊ naˊ, aˊkoˊ hk'aˊnaee nya hk'oˊ munˊ keuting naˊ laleung. Mawnˊ naˊ a meuh vang peue Yuˊda naˊ ingˊ hk'om ce puri. Uiˊ hkuinˊ duing moˊ ri lahˊ a saecˊ ti ceu.

Peue caee 17:2

Pawˊlu eun lec nang saˊla vang hk'oˊ munˊ seunˊ kuˊ tawn yeuh eun naˊ. Eun cu htawm Seungaˊ naˊ eun saˊlit a maeeˊ ce pun loeˊ Sinˊ.