Luˊka 20:16 - Plang (Blang)

¹⁶ Kaw eun tang ingˊ toh peue sangˊ hpaˊ val awnˊ ce. Hawcˊ koˊ, eun kaw tang tuilˊ nang seubu ce sangˊ hpaˊ val awnˊ na.” Yam peue heunˊ naˊ pun ce ri mhawngˊ leukahˊ awnˊ a naˊ, ce lahˊ, “Pawlaee kah a meuh yeuh keutitˊ.”

Luˊka 20:16 교차 참조

Mahtae 21:34

Yam rot a yam pocˊ pliˊ bui naˊ, punta kaw eun ti pliˊ kuˊ kaw eun htukˊ ri pun naˊ, eun kah mhaiˊ ri naˊ ce heulˊ ri peue sangˊ hpaˊ val naˊ ce.

Mahtae 21:41

Ce topˊ a, “Kaw eun yeuh caeˊ ri peue rai awnˊ ce. Hawcˊ koˊ, yam rot a yam ti kuˊ seumal naˊ nang seubu kuˊ kaw tuilˊ pun pun eun cawoˊ val naˊ ce, eun kaw tuilˊ ce sangˊ hpaˊ val awnˊ na.”

Mahtae 22:7

Hkunˊhawˊhkamˊ naˊ eun seungeuengˊ nyawkˊ. Eun kah muk peue suikˊ ri naˊ ce heulˊ toh kuˊ meuh nang toh mhaiˊ eun naˊ ce. Eun ku kah ce dum ri tec veng ce naˊ yeut.

Makuˊ 12:9

Kop awnˊ na, cawoˊ val naˊ eun ciˊ kaw yeuh saˊnhawˊ ri ce? Kaw eun tang ingˊ toh peue sangˊ hpaˊ val awnˊ ce. Hawcˊ koˊ, eun kaw tang tuilˊ nang seubu ce sangˊ hpaˊ val awnˊ na.

Luˊka 19:27

Pun peue meuh ransu ri uiˊ kuˊ unˊ sumˊ kah uiˊ uˊpeung hk'aˊpang ri naˊ ce koˊ, va ri ingˊ toh ce nanggalˊ uiˊ mawnˊ reuˊ.’ ”

Luˊka 20:15

Kop awnˊ na, ce jongˊ ri tec eun hk'aˊnok ka val naˊ. Hawcˊ koˊ, ce toh eun yeum. Kop awnˊ na, cawoˊ val naˊ eun ciˊ kaw yeuh saˊnhawˊ ri ce?

Peue caee 13:46

Pawˊlu eun maeeˊ Banabasˊ ka htuˊhtingˊ ce ri hpumˊ hatˊhanˊ ri. Ka lahˊ, “Kaw ya htukˊ ri lahˊ leukahˊ Eun Peucawoˊ naˊ ri peˊ nanggalˊ. Daecti peˊ lawn tecla a maeeˊ peˊ sawnˊ meun ri kaw unˊ kuingˊ ri pun citˊ tip aˊyu tip cotˊcu naˊ koˊ, ya kaw heulˊ ri peue unˊ meuh peue ceu Yuˊda naˊ ce.

Roˊma 11:1

Yeuh keutitˊ koˊ kaw uiˊ mhaingˊ, “Peucawoˊ tecla Eun peue ceu ri naˊ ce hawcˊ aw?” Unˊ meuh, Saecˊ uiˊ ri, uiˊ ku meuh peue Iˊsarelaˊ ceucat eun Abraham neum konˊhk'i eun Benyamin.

Roˊma 11:11

Kaw uiˊ mhaingˊ baee, peue Iˊsarelaˊ naˊ htangˊmeul ce a hk'oˊ ce unˊ laee cang kuhˊ aw? A hkuinˊ meuh. Daecti kopti yeuh ce kuˊ kleucˊ naˊ, punta Peucawoˊ kaw Eun yeuh peue Iˊsarelaˊ naˊ ce hkoeˊmangˊ naˊ, hk'aˊ htut lawtpon naˊ a ingˊ rot ri peue unˊ meuh peue ceu Yuˊda naˊ ce.

Roˊma 3:31

A lawn yeuh keutitˊ koˊ, yeuh eˊ leukahˊ ritroe naˊ hk'oˊhk'awngˊ ri hk'aˊ yumˊ aenˊ a aw? A hkuinˊ meuh, daecti gawm yuk eˊ leukahˊ ritroe naˊ.

Roˊma 3:4

A hkuinˊ meuh, peue saecˊ meuh nang chiˊlai ku peue ri, daecti Peucawoˊ kati keutawnˊ Eun neumneum. Seunˊ temˊ a ri uinˊ ri nang htawm Seungaˊ naˊ, “Leukahˊ Mi naˊ cawpˊ ka naˊ puc a ri lih hk'aˊnaee vang leukahˊ Mi naˊ, leukahˊ tawsˊ aˊmu Mi naˊ pe ka.”

Roˊma 3:6

A hkuinˊ yeuh keutitˊ. Kopti a lawn yeuh keutitˊ koˊ, Peucawoˊ Eun ciˊ kaw cang tawsˊ aˊmu ri bhenˊ keuteˊ naˊ yeuh saˊnhawˊ?

Roˊma 6:15

Yeuh keutitˊ koˊ, a ciˊ kaw tang yeuh saˊnhawˊ? Kopti unˊ laee utˊ eˊ hk'aˊruim ka leukahˊ ritroe naˊ, daecti eˊ utˊ hk'aˊruim ka munˊ naˊ, eˊ kaw yeuh mapˊ naˊ aw? Pawlaee kah a yeuh keutitˊ.

Roˊma 6:2

Pawlaee kah a yeuh keutitˊ. Yeum eˊ nang mapˊ naˊ hawcˊ. Eˊ ciˊ kaw tang suip ri aˊyu imˊ hk'aˊnaee mapˊ naˊ yeuh saˊnhawˊ?

Roˊma 7:13

Yeuh keutitˊ koˊ, kuˊ chakˊ naˊ yeuh ka uiˊ yeum aw? Unˊ meuh. Daecti mapˊ naˊ a cu kuˊ chakˊ naˊ a yeuh uiˊ yeum. Aenˊ meuh a punta leukahˊ ritroe naˊ kaw a tuilˊ uiˊ nyu mapˊ naˊ rai nyawkˊ ka naˊ.

Roˊma 7:7

Yeuh keutitˊ koˊ, eˊ ciˊ kaw htukˊ ri lahˊ a yeuh saˊnhawˊ? Leukahˊ ritroe naˊ meuh a mapˊ aw? Unˊ meuh. Neumneum ka naˊ koˊ, a lawn unˊ kueˊ leukahˊ ritroe naˊ koˊ, mapˊ naˊ a meuh keunhawˊ naˊ uiˊ hkuinˊ kaw yawng a. Kopti leukahˊ ritroe naˊ a lawn unˊ lahˊ, “Pawlaee taˊnhaˊ lawˊhpa”, koˊ, uiˊ hkuinˊ kaw yawng taˊnhaˊ lawˊhpa naˊ meuh a keunhawˊ.

Roˊma 9:14

Yeuh keutitˊ koˊ, eˊ ciˊ kaw lahˊ a yeuh saˊnhawˊ? Peucawoˊ unˊ leupaws seumeuˊ Eun aw? Unˊ meuh.

1 Kawˊrinhtuˊ 6:15

Unˊ yawng peˊ tuˊ ri naˊ meuh a hk'eung ka tuˊ Eun Hkrit naˊ aw? Yeuh keutitˊ koˊ, uiˊ kaw htukˊ ri ti hk'eung Eun Hkrit naˊ heulˊ pawngˊ a meuh yawo keuhti maeeˊ beunˊ paingˊ ri naˊ ce aw? Unˊ htukˊ ri meuh.

Galatiˊ 2:17

Eˊ lawn hotˊ ri sok hk'aˊ Peucawoˊ kaw Eun sawnˊ eˊ meuh peue leupaws seumeuˊ naˊ kopti Hkrit Eun naˊ koˊ, meuh eˊ peue mapˊ naˊ a kaw pucti lih glihˊgleuengˊ. Awnˊ a sumˊ lahˊ Hkrit meuh Eun Cawoˊ tuilˊ kawlˊreng kaw eˊ yeuh mapˊ naˊ aw? Uihˊ, hpaw a caˊ yeuh keutitˊ.

Galatiˊ 3:21

Yeuh keutitˊ koˊ, leukahˊ ritroe naˊ eungˊ a kuiˊ ri ri kati satˊcaˊ Eun Peucawoˊ naˊ aw? Uihˊ, hpaw a caˊ yeuh keutitˊ saecˊ peunaeˊ. Kopti leukahˊ ritroe tuilˊ ri naˊ a lawn meuh kuˊ yeuh civit imˊ koˊ, hk'aˊ leupaws seumeuˊ naˊ a ku kaw cang keutˊ kueˊ ri neum leukahˊ ritroe naˊ yeut.

Galatiˊ 6:14

Daecti pon hk'aiˊ lawng ka kleumˊ rawngˊtawpˊ Eun Yesuˊ Hkrit Cawoˊ eˊ naˊ Eun naˊ, uiˊ hkuinˊ kaw laee mhawngˊ ri hk'oˊcuin maeeˊ keunhawˊ naˊ. Kopti meuh a kleumˊ rawngˊtawpˊ awnˊ na, kuˊ kueˊ hk'aˊpang bhenˊ keuteˊ gawmˊeucˊ naˊ a yeum hk'aiˊ uiˊ hawcˊ, uiˊ ku yeum hk'aiˊ kuˊ kueˊ hk'aˊpang bhenˊ keuteˊ gawmˊeucˊ naˊ hawcˊ.