Luˊka 2:1 - Plang (Blang)

¹ Hk'aˊnaee meuyam awnˊ na, cawoˊ keuting Kaeˊsa Awˊgasˊtasˊ eun tuilˊ leukahˊ ri vang peue Roˊma naˊ uˊpeung ce gawmˊeucˊ ka naˊ, ce kah ri ti muis caˊlangˊ ri.

Luˊka 2:1 교차 참조

Mahtae 22:17

Mi ciˊ kuit a yeuh saˊnhawˊ, hk'oˊ Mi lahˊ a ri ye, seueˊ ye hkawnˊ ri cawoˊ Kaeˊsa eun naˊ cawpˊ ka aw, unˊ cawpˊ ka aw?”

Mahtae 24:14

Punta kaw a meuh saˊhkiˊ pun peue gawmˊeucˊ naˊ, leukahˊ munˊ renˊkawn lawng kuingˊ Eun Peucawoˊ naˊ a kaw pun ri paoˊ ri hk'awpˊ pang bhenˊ keuteˊ naˊ. Hawcˊ koˊ, yam tisutˊ naˊ a kaw rot.

Makuˊ 14:9

Kaw Uiˊ lahˊ a ri peˊ neumneum, leukahˊ munˊ renˊkawn aenˊ a saecˊ naˊ lahˊ ri heulˊ tawngnhawˊ ka pang bhenˊ keuteˊ naˊ koˊ, punta kaw peue kuit rot ri beunˊ aenˊ ka naˊ, kanˊ yeuh ka ri uinˊ aenˊ kaw peue suip ri ris a heulˊ yeut.”

Makuˊ 16:15

Eun lahˊ a ri ce, “Heulˊ pang bhenˊ keuteˊ naˊ ku duihˊ ka, lahˊ peue gawmˊeucˊ peue mhawngˊ leukahˊ munˊ renˊkawn naˊ reuˊ.

Luˊka 2:3

Kop awnˊ na, peue gawmˊeucˊ ce sawngˊsawngˊ heulˊ seueˊ muis ri nang veng aˊnhawˊ veng nang awnˊ.

Luˊka 2:5

Kuˊ yeuh eun kati ri kaw ti Mariˊ eun naˊ ka va puri heulˊ seueˊ muis ri tiduihˊ. Mariˊ eun buih nyhelˊ.

Luˊka 3:1

Yam cawoˊ keuting Kaeˊsa Tiberiˊasˊ uˊpeung eun kuingˊ naˊ gawmˊeucˊ ka a pun kulˊhpawnˊ neum naˊ, Pontiasˊ Piˊlat eun meuh konˊ eun cawoˊ nang kuingˊ Yuˊda naˊ, Herotˊ eun meuh konˊ eun cawoˊ nang kuingˊ Galilaeˊ na, Hpiˊlipˊ awngˊ eun Herotˊ naˊ eun meuh konˊ eun cawoˊ nang kuingˊ Iˊtuˊraetˊ maeeˊ kuingˊ Trahkawˊnitisˊ naˊ, Lisaniasˊ eun meuh konˊ eun cawoˊ nang kuingˊ Abiˊle naˊ,

Peue caee 11:28

Hk'aˊnaee ce ri, kuˊ muis Agabasˊ naˊ eun kuhˊ tamnai ri Citˊ seungaˊ naˊ. Eun lahˊ a kaw kueˊ kuˊ utˊ ngeupˊ keuting ri pang bhenˊ keuteˊ vang peue suikˊ Roˊma naˊ uˊpeung ce naˊ gawmˊeucˊ ka. (Kuˊ utˊ ngeupˊ keuting awnˊ na, a pucti meuh cu eun cawoˊ Hkaodiˊasˊ naˊ.)

Peue caee 25:11

A saecˊ yeuh saˊnhawˊ, uiˊ lawn yeuh tut kuingˊ ri kaw toh ri ti ri ceu koˊ, uiˊ hkuinˊ kaw laee plohˊplehˊ ri. Uiˊ naˊ hkamˊ ri yeum. Daecti aˊmu kuˊ peue Yuˊda tangˊ ce ri uiˊ naˊ a lawn unˊ kueˊ unˊ meuh neum koˊ, aˊnhawˊ hkuinˊ kaw cang ap uiˊ nang dak tiˊ ce. Hk'oˊ aˊmu uiˊ aenˊ a heulˊ rot ri hkunˊhawˊhkamˊ Kaeˊsa eun.”

Peue caee 25:21

Yam Pawˊlu hk'oˊ eun hkunˊhawˊhkamˊ keuting naˊ eun tawsˊ aˊmu naˊ ri ti naˊ, uiˊ kah ce puing hk'awngˊ eun rot yam naˊ eun heulˊ ri hkunˊhawˊhkamˊ Kaeˊsa eun.”

Roˊma 1:8

Nanggalˊ ka naˊ, munˊ keuting uiˊ ri Peucawoˊ uiˊ Eun ri Yesuˊ Hkrit Eun pun peˊ gawmˊeucˊ kopti hk'aˊ yumˊ peˊ naˊ lawsˊ seutuin seutan ka hk'aˊpang bhenˊ keuteˊ naˊ ku duihˊ heulˊ naˊ.

Hpiˊliˊpiˊ 4:22

Peue Eun Peucawoˊ naˊ ce ku peue, lheuˊ awnˊ na peue utˊ nang hawˊ eun Kaeˊsa naˊ ce ku lahˊ ri leunyeng ri peˊ yeut.