Hpiˊliˊpiˊ 2:4 - Plang (Blang)

⁴ Peˊ ri ti peue hawcˊ ti peue, htukˊ peˊ ri unˊ sok pal kuˊ kaw kueˊ munˊ pun peˊ naˊ, daecti peˊ ku naˊ htukˊ ri kuit kuˊ kaw kueˊ munˊ pun peue naˊ reuˊ.

Hpiˊliˊpiˊ 2:4 교차 참조

Mahtae 18:6

Daecti konˊ nyom aetˊ yumˊ Uiˊ ti ri peue naˊ aˊnhawˊ lawn yeuh eun yeuh mapˊ naˊ koˊ, mawt seumu mawˊ meulˊ keuting naˊ pit ngok eun naˊ ploeˊ eun lec vang ruiˊ ka mhaˊseumutˊ naˊ, a naˊ jaen chakˊ.

Roˊma 12:15

Renˊkawn maeeˊ peue renˊkawn naˊ ce reuˊ. Kuit nyhapˊ maeeˊ peue kuit nyhapˊ naˊ ce reuˊ.

Roˊma 15:1

Peue kueˊ hk'aˊ yumˊ kawlˊreng keuting naˊ eˊ, htukˊ eˊ ri yeunˊhkam ri peue kueˊ hk'aˊ yumˊ kawlˊreng aetˊ naˊ ce. Eˊ htukˊ ri unˊ hotˊ ri yeuh kuˊ htukˊ hpumˊ ri naˊ meun.

1 Kawˊrinhtuˊ 10:24

Unˊ htukˊ eˊ ri keueˊ ri kuˊ kaw sawngˊ kueˊ peuehotˊ pun tuˊ ri naˊ, daecti keueˊ ri kuˊ kaw kueˊ peuehotˊ pun peue seubu naˊ ce reuˊ.

2 Kawˊrinhtuˊ 11:29

Aˊnhawˊ lawn kawlˊreng kloe koˊ, unˊ kawlˊreng kloe uiˊ aw? Aˊnhawˊ lawn pun ri hkamˊ hk'aˊ kleucˊ hk'aˊ ri yeuh mapˊ naˊ koˊ, unˊ klehˊ uiˊ aw?

2 Kawˊrinhtuˊ 6:3

Punta kaw peue unˊ cang chaw hkamram kanˊ kuˊ yeuh ya naˊ, ya hkuinˊ yeuh kuˊ seuduih leuveulˊ aˊnhawˊ saecˊ ti peue.

Hpiˊliˊpiˊ 2:21

Kopti peue naˊ sawngˊsawngˊ sok ce munˊ pun tuˊ ri naˊ, ce unˊ kuit pun Yesuˊ Hkrit Eun.

Yakopˊ 2:8

Peˊ lawn yeuh a hotˊ leukahˊ ritroe Eun Peucawoˊ temˊ ri nang htawm Seungaˊ lahˊ ri yeuh keutitˊ naˊ, “Leumeusˊ peue utˊ keunam caonaoˊ mi naˊ ce seunˊ leumeusˊ mi tuˊ ri naˊ yeut reuˊ”, neumneum ka naˊ koˊ, kuˊ yeuh peˊ naˊ cawpˊ ka hawcˊ.