Hpiˊliˊpiˊ 2:13 - Plang (Blang)

¹³ Kopti Peucawoˊ meuh Eun Cawoˊ yeuh kanˊ hk'aˊnaee peˊ naˊ. Eun kah peˊ kueˊ hpumˊ sumˊ yeuh a hotˊ hk'aˊ keutuiˊ hpumˊ chakˊ Eun naˊ.

Hpiˊliˊpiˊ 2:13 교차 참조

Luˊka 12:32

Muk konˊyungˊ aetˊ, pawlaee lhatˊ. Kopti Kuiingˊ peˊ kaw Eun tuilˊ peˊ isˊ kuingˊ awnˊ na, a htukˊ hpumˊ Eun.

Luˊka 2:14

“Kah Peucawoˊ utˊ lhungˊ hk'aiˊ peue naˊ Eun kueˊ munhpungˊ reuˊ. Saecˊ pang bhenˊ keuteˊ naˊ, kah peue htukˊ hpumˊ Eun naˊ ce kueˊ hk'aˊ kuit nyawkˊ kuit samˊran cumyenˊ reuˊ.”

Yoˊhan 3:27

Yoˊhan eun topˊ a, “A lawn unˊ meuh kuˊ Peucawoˊ tuilˊ Eun neum kuingˊ pang maoˊ naˊ koˊ, peue hkuinˊ cang pun keunhawˊ.

Yoˊhan 6:45

Nang htawm ce peue suip leukahˊ Eun Peucawoˊ naˊ temˊ a ri, ‘Peucawoˊ kaw Eun sangsawnˊ ce gawmˊeucˊ.’ Peue pun ri mhawngˊ pun ri rin ri Aˊkuiingˊ Eun naˊ ce ku peue kaw ce ingˊ ri Uiˊ.

Yoˊhan 6:65

Yesuˊ Eun suip ri lahˊ, “Kopti meuh a aenˊ na, Uiˊ lahˊ a ri peˊ, ‘A lawn unˊ meuh kuˊ Aˊkuiingˊ kah Eun ce ingˊ ri Uiˊ naˊ koˊ, aˊnhawˊ hkuinˊ cang ingˊ ri Uiˊ saecˊ ti peue.’ ”

Peue caee 11:21

Peucawoˊ Eun teumˊkawm ce. Peue heunˊ naˊ ce yumˊ. Ce plinˊ hpumˊ ri ingˊ hk'aˊ Eun Peucawoˊ naˊ.

Roˊma 12:3

Kopti meuh a munˊ tuilˊ ri ri uiˊ naˊ, uiˊ hk'oˊ ri lahˊ a ri peˊ ku peue, pawlaee sawngˊ hteumˊ peˊ keuting lheuˊ kuˊ buih meuh peˊ naˊ. Daecti hk'aˊnaee kueˊ peˊ sati naˊ, sawngˊ kuit yawo pal htan Peucawoˊ tuilˊ Eun ri peˊ naˊ reuˊ.

Roˊma 9:11

Daecti nanggalˊ ka yam konˊ seuklapˊ naˊ unˊ nang keutˊ ka naˊ, aˊkoˊ nanggalˊ ka yam unˊ nang yeuh ka kuˊ chakˊ naˊ, aˊkoˊ kuˊ unˊ chakˊ naˊ, punta alo Eun Peucawoˊ leuk Eun ri ti peue naˊ kaw a suip ri utˊ naˊ,

Roˊma 9:16

Kop awnˊ na, ceu nang aenˊ ce a hkuinˊ meuh kopti hk'aˊ sumˊ pun maeeˊ hk'aˊ coˊcaˊ ri yeuh peue naˊ. Daecti meuh a kopti hk'aˊ tukyak Eun Peucawoˊ naˊ.

1 Kawˊrinhtuˊ 12:6

Kanˊ naˊ kueˊ a heunˊ ceu, daecti Peucawoˊ Cawoˊ yeuh kanˊ hk'aˊnaee eˊ naˊ Eun meuh yawo ti tonˊ.

1 Kawˊrinhtuˊ 15:10

Daecti kopti meuh a munˊ Eun Peucawoˊ naˊ, uiˊ ku lakˊ meuh yeuhkiˊ. Munˊ Eun Peucawoˊ kueˊ ri uiˊ naˊ a hkuinˊ meuh kuˊ hk'oˊhk'awngˊ. Uiˊ yeuh kanˊ heunˊ hk'aiˊ peue caee Eun Yesuˊ naˊ ce gawmˊeucˊ. Daecti uiˊ hkuinˊ yeuh meun a, munˊ Eun Peucawoˊ kuˊ kueˊ hk'aˊnaee uiˊ naˊ a yeuh a.

2 Kawˊrinhtuˊ 3:5

Kopti ara chanan ya naˊ ya yeuh ceu nang aenˊ ce pucti lih naˊ, a hkuinˊ yeuh keutitˊ. Daecti ara chanan ya naˊ lih a neum Peucawoˊ Eun.

Eˊfeˊsuˊ 1:11

Hk'aˊnaee Hkrit Eun, eˊ pun hk'aˊ leuk ri meuh nang rap ri ti sinˊ naˊ hotˊ hk'aˊ kanˊ Peucawoˊ mheˊ Eun ri uinˊ nanggalˊ hawcˊ naˊ. Eun yeuh ku ceu gawmˊeucˊ naˊ meuh hotˊ vang keutuiˊ hpumˊ ka alo ri naˊ,

Eˊfeˊsuˊ 1:5

tangˊ neum nanggalˊ ka naˊ Eun hkvetˊ ri uinˊ eˊ kaw meuh konˊ ri ri Yesuˊ Hkrit Eun hotˊ kuˊ htukˊ hpumˊ maeeˊ alo Eun naˊ,

Eˊfeˊsuˊ 1:9

Eun yeuh eˊ yawng alo ruiˊ nyawkˊ Eun naˊ hotˊ kuˊ htukˊ hpumˊ keutuiˊ hpumˊ Eun hk'aˊnaee Hkrit Eun naˊ.

Eˊfeˊsuˊ 2:8

Kopti meuh a munˊ Eun Peucawoˊ naˊ, peˊ pun hk'aˊ htut lawtpon naˊ ri hk'aˊ yumˊ peˊ naˊ. Hk'aˊ htut aenˊ na, peˊ hkuinˊ pun a ri yeuh meun peˊ a, daecti a meuh lapsawngˊ lih neum Peucawoˊ Eun,

2 Hteˊsalawˊniˊ 1:11

Hk'aˊnaee vang kuit ye ri nawk ceu nang aenˊ ce naˊ, ye hk'oˊ munˊ pun peˊ laleung, unˊ laee deut. Kah Peucawoˊ eˊ naˊ Eun sawnˊ peˊ kuingˊ maeeˊ hk'aˊ klawng Eun ri ti peˊ naˊ. Kah kuˊ chakˊ keutuiˊ hpumˊ peˊ ku ceu naˊ maeeˊ kuˊ yeuh peˊ pucti lih neum hk'aˊ yumˊ peˊ ku ceu naˊ htonnuk ri tiˊca Eun naˊ reuˊ.

2 Tiˊmoˊse 1:9

Heun ri, teumˊkawm htut Eun eˊ lawtpon. Eun klawng eˊ lec hk'aˊnaee aˊyu seungaˊ chakˊ naˊ. A hkuinˊ meuh kopti yeuh eˊ a, daecti meuh a kopti alo maeeˊ munˊ Eun naˊ. Munˊ aenˊ a tuilˊ ri ri eˊ hk'aˊnaee Yesuˊ Hkrit Eun tangˊ neum yamla ri naˊ hawcˊ,

Hebraeˊ 13:21

punta kaw peˊ hotˊ ri yeuh alo Eun naˊ, kah Eun yeuh peˊ htonnuk ri kuˊ chakˊ ku ceu naˊ maeeˊ kah Eun yeuh kanˊ hk'aˊnaee peˊ hotˊ kuˊ htukˊ hpumˊ Eun naˊ ri Yesuˊ Hkrit Eun reuˊ. Kah munhpungˊ naˊ kueˊ ri Heun cotˊcu ri reuˊ. Amin.

1 Petruˊ 1:3

Sukˊseunˊ Peucawoˊ Kuiingˊ Eun Cawoˊ Yesuˊ Hkrit eˊ naˊ Eun. Kopti meuh a hk'aˊ tukyak keuting Eun naˊ, Eun yeuh eˊ tang keutˊ hk'uˊ, kah eˊ lec hk'aˊnaee vang keutuiˊ hpumˊ cotˊcu naˊ ri hk'aˊ tang kuhˊ imˊ Eun Yesuˊ Hkrit naˊ.