Hpiˊliˊpiˊ 1:9 - Plang (Blang)

⁹ Hk'oˊ uiˊ munˊ kah hk'aˊ leumeusˊkeus peˊ naˊ gawm baet ri heunˊ vah keuting hk'aˊnaee peuyhaˊ cuˊyi maeeˊ hk'aˊ leuceng pun kuˊ neumneum naˊ,

Hpiˊliˊpiˊ 1:9 교차 참조

1 Kawˊrinhtuˊ 14:20

Ecˊawngˊ naˊ peˊ, pawlaee kah kamkuit peˊ naˊ seunˊ konˊ nyom. Hk'aˊ rai peˊ naˊ yeuh ri meuh seunˊ oˊngak reuˊ. Daecti kamkuit peˊ naˊ yeuh ri meuh seunˊ nang hengˊ reuˊ.

2 Kawˊrinhtuˊ 8:7

Seunˊ ara peˊ ri ku hk'aˊ ku ceu naˊ, hk'aˊ yumˊ, aˊkoˊ hk'aˊ leukahˊ leupong, aˊkoˊ hk'aˊ cuˊyi, aˊkoˊ hk'aˊ coˊcaˊ, aˊkoˊ hk'aˊ leumeusˊ peˊ ya naˊ, yeuh ri ara ri kanˊ teumˊkawm aenˊ a yeut reuˊ.

Eˊfeˊsuˊ 5:17

Kop awnˊ na pawlaee va ri ngaˊ suisa, daecti alo Eun Cawoˊ naˊ a yeuh saˊnhawˊ naˊ yeuh ri yawng a reuˊ.

Kawˊlawˊsaeˊ 1:9

Kop awnˊ na, tangˊ neum seunyi yam pun ya ri mhawngˊ lawng peˊ naˊ, ya hk'oˊ munˊ pun peˊ unˊ laee deut. Kah Peucawoˊ Eun yeuh peˊ htonnuk ri cuˊyi ka alo Eun naˊ ri cuˊyi maeeˊ hk'aˊ cang yawng ka hk'aˊ civit naˊ reuˊ.

Kawˊlawˊsaeˊ 3:10

maeeˊ cuipˊ peˊ jawngkuiˊ tuˊ hk'uˊ kuˊ buih hpanplengˊ hk'uˊ ri hotˊ seunˊ ruprang Eun Cawoˊ hpanplengˊ naˊ, a meuh punta kaw peˊ gawm baet ti yawng Eun heunˊ naˊ.

1 Hteˊsalawˊniˊ 3:12

Kah Peucawoˊ Eun yeuh hk'aˊ leumeusˊkeus peˊ naˊ nukveh hk'aˊpang peˊ ti peue hawcˊ ti peue maeeˊ hk'aˊpang peue seubu naˊ ce gawmˊeucˊ seunˊ leumeusˊ ye peˊ naˊ reuˊ.

1 Hteˊsalawˊniˊ 4:1

Ecˊawngˊ naˊ peˊ, leukahˊ tisutˊ naˊ, peˊ kaw htukˊ ri aˊyu imˊ hitˊ hpumˊ Eun Peucawoˊ yeuh saˊnhawˊ naˊ, ye sangsawnˊ peˊ ri ka hawcˊ. Neumneum ka naˊ koˊ, peˊ ku lakˊ yeuh a hawcˊ. Daecti maetˊmaenˊ, hk'aˊnaee Cawoˊ Yesuˊ Eun, ye sumˊ hk'oˊhk'ang tuilˊ kawlˊreng peˊ gawm yeuh a lheuˊ awnˊ na.

2 Hteˊsalawˊniˊ 1:3

Ecˊawngˊ naˊ peˊ, htukˊ ye ri munˊ keuting ri Peucawoˊ Eun pun peˊ laleung. Yeuh keutitˊ naˊ, a naˊ cawpˊ. Kopti hk'aˊ yumˊ peˊ naˊ baet a ri keuting heunˊ naˊ, hk'aˊ leumeusˊkeus peˊ puri naˊ a ku baet ri keuting heunˊ yeut.

Hpiˊleˊmon 1:6

Punta kaw mi gawm yawng kuˊ chakˊ kueˊ eˊ hk'aˊnaee Hkrit Eun naˊ ku ceu ka naˊ, uiˊ hk'oˊ munˊ pun kaw mi unˊ kawlˊreng aetˊ gvah hk'aˊ yumˊ mi naˊ ri peue.

Hebraeˊ 5:14

Daecti kuˊ hk'a cenˊ naˊ meuh ka pun ce nang keuting kuˊ hkvuikˊ ri gvah kuˊ chakˊ kuˊ unˊ chakˊ naˊ ri tuˊ ri naˊ meun laleung naˊ ce.

1 Petruˊ 1:22

Punta kaw peˊ leumeusˊ ecˊawngˊ ri naˊ ce neumneum naˊ, maetˊmaenˊ yeuh peˊ ri seungaˊ chakˊ meun ri leuceng peˊ kuˊ leupaws seumeuˊ naˊ hawcˊ. Kop awnˊ na, peˊ naˊ leumeusˊ puri rot tisutˊ ka hpumˊ ri naˊ reuˊ.

2 Petruˊ 3:18

Daecti kah peˊ hukˊhawnˊ hk'aˊnaee munˊ sinˊ Eun Yesuˊ Hkrit Cawoˊ Peucawoˊ Cawoˊ teumˊkawm htut eˊ lawtpon naˊ Eun, maeeˊ kah peˊ gawm yawng Eun saeˊcaeeˊ heunˊ reuˊ. Kah Eun kueˊ munhpungˊ maetˊmaenˊ rot ti cotˊcu ri reuˊ. Amin.