Hpiˊliˊpiˊ 1:14 - Plang (Blang)

¹⁴ Kopti meuh a hk'aˊ hk'awngˊ pun uiˊ ri hkamˊ naˊ, yeuh a ecˊawngˊ hk'aˊnaee Peucawoˊ Eun naˊ ce hk'aˊ heunˊ naˊ ce gawm pun kawlˊreng ri hpumˊ hatˊhanˊ unˊ lhatˊ ri ris leukahˊ Eun Peucawoˊ naˊ.

Hpiˊliˊpiˊ 1:14 교차 참조

Makuˊ 3:3

Yesuˊ Eun lahˊ a ri peue tiˊ chuingˊ naˊ eun, “Kuhˊ ingˊ cawng nanggalˊ maenˊ.”

Luˊka 1:74

Punta kaw eˊ yeuh kanˊ Eun naˊ, eˊ naˊ unˊ lhatˊ. Eun teumˊkawm htut eˊ hk'aiˊ dak tiˊ ce ransu eˊ naˊ ce.

2 Kawˊrinhtuˊ 3:12

Kop awnˊ na, kopti kueˊ ya vang keutuiˊ hpumˊ yeuhkiˊ naˊ, ya hpumˊ hatˊhanˊ.

2 Kawˊrinhtuˊ 7:4

Yumˊ uiˊ peˊ meulamlam ri. Uiˊ mhawngˊ ri hk'oˊcuin nyawkˊ kopti peˊ ri. Uiˊ pun kawlˊreng ri nyawkˊ. Hk'aˊnaee hk'aˊ tukhka ya naˊ gawmˊeucˊ, uiˊ ku kawnˊ kueˊ hk'aˊ renˊkawn naˊ htonnuk.

Eˊfeˊsuˊ 3:13

Kop awnˊ na, kopti meuh a hk'aˊ tukhka uiˊ pun peˊ naˊ, uiˊ hk'oˊ peˊ naˊ pawlaee hpumˊ lu, meuh a munhpungˊ peˊ.

Hpiˊliˊpiˊ 1:20

Yumˊ uiˊ maeeˊ keutuiˊ hpumˊ uiˊ ri kaw unˊ laee yeuh kuˊ hk'oˊkaic naˊ saecˊ ti ceu, daecti kaw uiˊ kueˊ hk'aˊ hatˊhanˊ naˊ htonnuk punta maetˊmaenˊ Hkrit kaw Eun pun ri rap ri ti munhpungˊ naˊ kopti meuh a jawngkuiˊ tuˊ uiˊ naˊ seunˊ kuˊ tawn pun Eun laleung naˊ, uiˊ saecˊ naˊ aˊyu imˊ, aˊkoˊ caw ri yeum unˊ lahˊ.

Hpiˊliˊpiˊ 1:7

Yumˊ uiˊ peˊ gawmˊeucˊ yeuhkiˊ naˊ cawpˊ ka, kopti utˊ peˊ hk'aˊnaee hpumˊ uiˊ naˊ. Kopti yam buih pun uiˊ ri hkamˊ hk'aˊ hk'awngˊ ri naˊ, aˊkoˊ yam leukahˊ htuˊhtingˊ htawhkam uiˊ leukahˊ munˊ renˊkawn naˊ, peˊ ku pun ri pawngˊ ri maeeˊ uiˊ hk'aˊnaee kanˊ kuˊ Peucawoˊ tuilˊ Eun a ri uiˊ ri munˊ Eun naˊ.

Hpiˊliˊpiˊ 4:1

Kop awnˊ na, ecˊawngˊ leumeusˊ maeeˊ keutuiˊ hpumˊ uiˊ ri peˊ kuˊ meuh hk'aˊ renˊkawn kuit samˊran maeeˊ meuh cuiˊmaw hk'ilˊ uiˊ naˊ peˊ, aˊmawo leumeusˊ uiˊ naˊ peˊ, htukˊ peˊ ri cawng keutawnˊ hk'aˊnaee Peucawoˊ Eun seunˊ awnˊ a.

Kawˊlawˊsaeˊ 4:4

Punta kaw uiˊ cang paoˊ lawng awnˊ a glihˊgleuengˊ hotˊ seunˊ kuˊ kuingˊ uiˊ ri yeuh naˊ, hk'oˊ munˊ pun uiˊ reuˊ.

Kawˊlawˊsaeˊ 4:7

Taiˊhkiˊkasˊ eun kaw ris peˊ mhawngˊ lawng uiˊ naˊ gawmˊeucˊ ka ri peˊ. Eun meuh awngˊ leumeusˊ uiˊ. Eun meuh nang kati keutawnˊ yeuh kanˊ Eun Peucawoˊ maeeˊ meuh aˊmawo nang yeuh kanˊ Eun Peucawoˊ tiduihˊ maeeˊ uiˊ.

1 Hteˊsalawˊniˊ 2:2

Seunˊ yawng peˊ, nanggalˊ aenˊ ce pun ye ri hkamˊ kuˊ tukhka maeeˊ kuˊ unˊ nawpsang nang veng Hpiˊliˊpiˊ naˊ. Daecti kopti Peucawoˊ eˊ naˊ teumˊkawm Eun ye naˊ, ye saecˊ pun ri hkamˊ kuˊ hamˊtap naˊ aˊneng, ye hpumˊ hatˊhanˊ sangsawnˊ leukahˊ munˊ renˊkawn Eun Peucawoˊ naˊ ri peˊ.

2 Tiˊmoˊse 2:9

Kopti meuh a leukahˊ munˊ renˊkawn aenˊ a naˊ, uiˊ buih pun ri hkamˊ kuˊ tukhka rot ti mawt peue uiˊ ri muˊ lhecˊ seunˊ peue rai koˊ. Daecti aˊnhawˊ hkuinˊ cang mawt leukahˊ Eun Peucawoˊ naˊ ri muˊ lhecˊ.