Hebraeˊ 7:2 - Plang (Blang)

² Hk'eung Abraham pun eun naˊ gawmˊeucˊ ka, eun tan a kulˊ pun ti pun ri heun. Vangdohˊ ka muis Melhkisedekˊ naˊ lahˊ, “hkunˊhawˊhkamˊ ka hk'aˊ leupaws seumeuˊ” naˊ. Vangdohˊ ka “Hkunˊhawˊhkamˊ ce veng Salem” naˊ lahˊ, “hkunˊhawˊhkamˊ ka hk'aˊ cumyenˊ” naˊ.

Hebraeˊ 7:2 교차 참조

Mahtae 1:23

Eun lahˊ, “Keueˊ, konˊhk'ihˊ plotˊlon ti peue naˊ kaw eun nyhelˊ. Eun naˊ keutˊ konˊ me ti peue. Peue kaw lahˊ Eun muis Iˊmanuelaˊ.” (Vangdohˊ ka naˊ a lahˊ, “Peucawoˊ utˊ Eun maeeˊ eˊ.”)

Luˊka 2:14

“Kah Peucawoˊ utˊ lhungˊ hk'aiˊ peue naˊ Eun kueˊ munhpungˊ reuˊ. Saecˊ pang bhenˊ keuteˊ naˊ, kah peue htukˊ hpumˊ Eun naˊ ce kueˊ hk'aˊ kuit nyawkˊ kuit samˊran cumyenˊ reuˊ.”

Roˊma 3:26

Yeuh Eun kuˊ yeuhkiˊ naˊ meuh a punta kaw Eun yeuh hk'aˊ leupaws seumeuˊ cu maetˊmaenˊ Eun naˊ pucti lih naˊ. Aenˊ a meuh tuhˊ Eun meuh ri Cawoˊ leupaws seumeuˊ naˊ maeeˊ Eun ku kah peue kueˊ hk'aˊ yumˊ hk'aˊnaee Yesuˊ Eun naˊ ce meuh peue leupaws seumeuˊ yeut naˊ.

Hebraeˊ 7:1

Melhkisedekˊ aenˊ meuh eun hkunˊhawˊhkamˊ ce veng Salem naˊ. Eun ku meuh peue jhawpˊ rit Eun Peucawoˊ Cawoˊ lhungˊ hk'aiˊ peue naˊ. Yam Abraham peuengˊ pe eun hkunˊhawˊhkamˊ naˊ ce hawcˊ eun keutah ingˊ naˊ, Melhkisedekˊ eun hk'eupˊ Abraham eun. Eun nap munˊ ri heun.

Hebraeˊ 7:3

Makuiingˊ eun ka ciˊ meuh aˊnhawˊ, eun ciˊ ingˊ neum ceucat aˊnhawˊ maeeˊ aˊyu eun naˊ a ciˊ tangˊ ri yamnhawˊ, a ciˊ sutˊ yamnhawˊ naˊ, a unˊ kueˊ htawm temˊ ri uinˊ ka. Melhkisedekˊ eun meuh peue jhawpˊ rit seunˊ Konˊ aiˊ Eun Peucawoˊ naˊ Eun cotˊcu ri koˊ.