Hebraeˊ 13:4 - Plang (Blang)

⁴ Kah penˊvel ti puri naˊ meuh kuˊ hkopyawmˊ pun peue gawmˊeucˊ maeeˊ kah vang itˊ ti puri naˊ seungaˊ chakˊ reuˊ. Kopti Peucawoˊ kaw Eun tawsˊ aˊmu ciyang ri peue jangˊ maeeˊ peue hkuitˊnawngˊtangˊ naˊ ce.

Hebraeˊ 13:4 교차 참조

1 Kawˊrinhtuˊ 5:13

Peucawoˊ kaw Eun tawsˊ aˊmu ri peue utˊ hk'aˊnok ce muk konˊ Hkrit naˊ ce. Nang htawm Seungaˊ naˊ a lahˊ, “Ra ri tec peue rai naˊ ce pucti heulˊ hk'aiˊ muk peˊ naˊ reuˊ.”

1 Kawˊrinhtuˊ 6:18

Vel hk'aˊ hkuitˊnawngˊtangˊ naˊ reuˊ. Mapˊ seubu yeuh peue gawmˊeucˊ naˊ meuh a mapˊ hk'aˊnok ka jawngkuiˊ tuˊ naˊ. Daecti peue yeuh mapˊ ka hk'aˊ hkuitˊnawngˊtangˊ naˊ a meuh yeuh eun mapˊ ri jawngkuiˊ tuˊ ri naˊ meun.

1 Kawˊrinhtuˊ 6:9

Unˊ yawng peˊ peue rai naˊ kaw ce unˊ pun ri lec hk'aˊnaee kuingˊ Eun Peucawoˊ naˊ aw? Pawlaee va ri kleucˊ hk'aˊ ri. Peue hkuitˊnawngˊtangˊ, aˊkoˊ peue faeeˊ ruphtu, aˊkoˊ peue lenˊcu, aˊkoˊ me paingˊ ri, aˊkoˊ me itˊ maeeˊ me beunˊ itˊ maeeˊ beunˊ,

1 Kawˊrinhtuˊ 7:38

Kop awnˊ na, me ti konˊhk'ihˊ tangˊ eun kati ri kaw ti eun naˊ yeuh eun kuˊ cawpˊ naˊ. Daecti eun lawn unˊ ti ri isˊ koˊ, a jaen naˊ chakˊ.

1 Kawˊrinhtuˊ 9:5

Unˊ kueˊ eˊ ahkvang kaw va beunˊ ri meuh konˊ Hkrit naˊ ce hotˊ ri seunˊ peue caee seubu Eun Yesuˊ, awngˊ Eun Yesuˊ maeeˊ Petruˊ naˊ ce yeut aw?

2 Kawˊrinhtuˊ 5:10

Kopti eˊ ri gawmˊeucˊ, punta kaw eˊ pun ri rap kuˊ kuingˊhpaw maeeˊ kuˊ yeuh eˊ yam kawnˊ utˊ eˊ hk'aˊnaee jawngkuiˊ tuˊ ri aenˊ a naˊ, kuˊ meuh kuˊ chakˊ yeuh eˊ naˊ, aˊkoˊ kuˊ unˊ chakˊ yeuh eˊ naˊ, eˊ kaw kah ri ingˊ nanggalˊ ka tenceoˊ tawsˊ aˊmu Eun Hkrit naˊ ku peue ri.

Galatiˊ 5:19

Kanˊ ka hk'aˊ nhamˊ keune naˊ pun a ri nyu ri glihˊgleuengˊ. A meuh yeuh kuˊ kleucˊ hk'aˊ hkuitˊnawngˊtangˊ, yeuh kuˊ hk'awˊjeuk, leukahˊ hkuitˊ,

Galatiˊ 5:21

hkoeˊmangˊ puri, yuicˊ ri plaiˊ, yeuh hk'aˊ renˊkawn pon lheuˊ maeeˊ kuˊ seubu seunˊ aenˊ a naˊ ce. Seunˊ tawn tuilˊ uiˊ sati peˊ naˊ, uiˊ kaw tang tuilˊ sati peˊ, peue yeuh seunˊ ceu nang aenˊ ce naˊ peue hkuinˊ kaw pun ri rap ri ti kuingˊ Eun Peucawoˊ naˊ meuh sinˊ ri.

Eˊfeˊsuˊ 5:5

Peue hkuitˊnawngˊtangˊ, peue unˊ seungaˊ chakˊ, aˊkoˊ peue lawˊhpa keuting naˊ kaw ce unˊ pun ri rap ri ti sinˊ hk'aˊnaee kuingˊ Eun Hkrit naˊ maeeˊ Peucawoˊ Eun naˊ peˊ cang yawng a meulamlam ri. Peue lawˊhpa keuting naˊ meuh ce peue faeeˊ ruphtu naˊ.

1 Hteˊsalawˊniˊ 4:6

Pawlaee kah aˊnhawˊ yeuh pon yeuh lheuˊ, yeuh kleucˊ ceu nang aenˊ ce ri ecˊawngˊ ri naˊ ce saecˊ ti peue. Peucawoˊ kaw Eun ciyang peue yeuh mapˊ yeuhkiˊ naˊ peue seunˊ kuˊ tawn lahˊ tawn tuilˊ ye sati peˊ naˊ.

1 Tiˊmoˊse 3:12

Nang teumˊkawm muk konˊ Hkrit naˊ ce kaw kah ri kueˊ yawo beunˊ ti peue, kah ri uˊpeung pe konˊhk'i nyahk'ulˊ ri meulamlam ri.

1 Tiˊmoˊse 3:2

Nang roksaˊ muk konˊ Hkrit naˊ kaw eun kah ri meuh peue unˊ kueˊ vang ri peue ri, kueˊ yawo beunˊ ti peue, cang uinˊ sati ri, cang eutˊ hpumˊ ri, meuh nang kuingˊ ri hkopyawmˊ, cang rap ri ti checˊ, cang sangsawnˊ peue seubu,

1 Tiˊmoˊse 3:4

Eun kaw kah ri uˊpeung pe nyahk'ulˊ ri meulamlam, konˊhk'i eun naˊ ce kaw kah ri leuceng hkopyawmˊ kuingˊkon ri heun.

1 Tiˊmoˊse 4:3

Ce unˊ kah peue ti puri meuh beunˊ me puri, kuˊ hk'a ti ri ceu kuˊ Peucawoˊ hpanplengˊ Eun ri tuilˊ ri peue yumˊ Eun maeeˊ peue yawng kuˊ leupaws seumeuˊ naˊ ce hk'a a hk'aˊnaee munˊ keuting ri Peucawoˊ Eun naˊ, ce unˊ kah peue hk'a a.

1 Tiˊmoˊse 5:14

Kop awnˊ na, uiˊ sumˊ tuilˊ kawlˊreng ce aˊya seunao kawnˊ nhumˊ naˊ ce naˊ ti ri isˊ me baee, kueˊ konˊhk'i, roksaˊ nyahk'ulˊ ri. Yeuh keutitˊ koˊ, ransu naˊ ce naˊ unˊ cang chaw hkamram ce.

Tiˊtasˊ 1:6

Roˊkan nang kawt aenˊ ce kaw kah ri meuh peue unˊ kueˊ vang ri, kah ri meuh peue kueˊ yawo beunˊ ti peue. Konˊ ce naˊ ce kaw kah ri meuh peue yumˊ maeeˊ kah ri meuh peue unˊ uinˊ peue lahˊ ri meuh peue eoˊ kleucˊ peue maeeˊ unˊ uinˊ peue lahˊ ri meuh peue lheuˊ leukahˊ.

Hebraeˊ 12:16

Uinˊ sati ri reuˊ, aˊnhawˊ pawlaee va ri hkuitˊnawngˊtangˊ, aˊkoˊ unˊ utˊ hk'aˊnaee hk'aˊ Eun Peucawoˊ naˊ seunˊ Eˊsawˊ paingˊ eun anˊnya konˊ aiˊ ri naˊ hk'aiˊ uipˊ ti hk'ap yawo naˊ koˊ.

Tuhˊ ri tuilˊ 22:15

Kuˊ utˊ hk'aˊnok ka veng naˊ a meuh soˊ, a meuh peue yeuh kahtaˊ, peue hkuitˊnawngˊtangˊ, peue toh peue, peue faeeˊ ruphtu maeeˊ peue renˊ maeeˊ chiˊlai yeuh ri hotˊ a naˊ ce ku peue.