6 A kueˊ Peucawoˊ Cawoˊ meuh Kuiingˊ peue gawmˊeucˊ naˊ ti tonˊ koe, Eun utˊ hk'aˊpang peue gawmˊeucˊ, yeuh kanˊ hk'aˊnaee peue gawmˊeucˊ maeeˊ utˊ hk'aˊnaee peue gawmˊeucˊ.
Kopti ku ceu naˊ lih a neum Heun. Eun yeuh a, a meuh pun Heun. Kah munhpungˊ naˊ kueˊ ri Heun cotˊcu ri reuˊ. Amin.
daecti pun eˊ naˊ, kueˊ a Peucawoˊ ti tonˊ koe. Eun meuh Aˊkuiingˊ. Eun hpanplengˊ ku ceu gawmˊeucˊ naˊ. Aˊyu imˊ eˊ naˊ a meuh pun Heun. A kueˊ Cawoˊ ti tonˊ koe, Eun meuh Yesuˊ Hkrit Eun. Peucawoˊ Eun hpanplengˊ ku ceu gawmˊeucˊ naˊ ri cu Eun Yesuˊ Hkrit Eun. Eˊ kueˊ meuh kopti Heun ri.
Yesuˊ Eun lahˊ, “Pawlaee yat Uiˊ kopti unˊ nang ingˊ Uiˊ ri Aˊkuiingˊ Eun. Heulˊ lahˊ a ri ecˊawngˊ Uiˊ naˊ ce, ‘Buih kaw Uiˊ ingˊ ri Aˊkuiingˊ Uiˊ Aˊkuiingˊ peˊ, Peucawoˊ Uiˊ Peucawoˊ peˊ naˊ Eun.’ ”
Aˊnhawˊ lawn leuceng ri yeuh leukahˊ tuilˊ Eun naˊ koˊ, utˊ eun hk'aˊnaee Peucawoˊ Eun, Peucawoˊ Eun ku utˊ hk'aˊnaee heun. Meuh a kopti aenˊ a naˊ, eˊ cang yawng Peucawoˊ utˊ Eun hk'aˊnaee eˊ, eˊ yawng a yeuhkiˊ ri Citˊ seungaˊ tuilˊ Eun ri eˊ naˊ.
Kop awnˊ na, htukˊ peˊ ri hk'oˊ munˊ yeuhkiˊ, ‘Kuiingˊ ye utˊ nang kuingˊ pang maoˊ naˊ Mi, kah muis Mi naˊ meuh kuˊ hkopyawmˊ yumyamˊ.
Nya hk'oˊ munˊ Eun Peucawoˊ naˊ a ciˊ kaw cang hkawmaen ruphtu naˊ yeuh saˊnhawˊ? Kopti meuh eˊ nya hk'oˊ munˊ Eun Peucawoˊ Cawoˊ aˊyu imˊ naˊ Eun. Seunˊ Peucawoˊ lahˊ Eun, “Kaw Uiˊ utˊ maeeˊ ce, Uiˊ kaw heulˊ maeeˊ ce. Uiˊ kaw meuh Peucawoˊ ce, ce ku kaw meuh peue ceu Uiˊ.”
Kanˊ naˊ kueˊ a heunˊ ceu, daecti Peucawoˊ Cawoˊ yeuh kanˊ hk'aˊnaee eˊ naˊ Eun meuh yawo ti tonˊ.
Kah hk'aˊ kuit nyawkˊ kuit samˊran cumyenˊ naˊ maeeˊ hk'aˊ leumeusˊkeus hk'aˊnaee hk'aˊ yumˊ neum Kuiingˊ Peucawoˊ Eun maeeˊ Cawoˊ Yesuˊ Hkrit Eun naˊ kueˊ ri ecˊawngˊ naˊ peˊ reuˊ.
punta Hkrit kaw Eun utˊ hk'aˊnaee peˊ kopti hk'aˊ yumˊ peˊ naˊ. Maeeˊ uiˊ hk'oˊ munˊ, yam res peˊ naˊ lec a ruiˊ naˊ maeeˊ keutawnˊ peˊ hk'aˊnaee hk'aˊ leumeusˊkeus naˊ hawcˊ naˊ,
Hk'aˊnaee Heun, peˊ ku pun ri hkamˊ plengˊ ri tiduihˊ kaw meuh vang utˊ Eun Peucawoˊ ri Citˊ seungaˊ Eun naˊ.
Punta hk'aˊ leumeusˊkeus tuilˊ Mi ri Uiˊ naˊ kaw a utˊ maeeˊ ce naˊ maeeˊ punta Uiˊ ku kaw utˊ maeeˊ ce naˊ, Uiˊ yeuh ce yawng Mi. Uiˊ kaw yeuh peue suip ri gawm yawng Mi heulˊ.”
Yesuˊ Eun topˊ a, “Aˊnhawˊ lawn leumeusˊ Uiˊ koˊ, eun kaw leuceng ri ti leukahˊ sangsawnˊ Uiˊ naˊ. Kuiingˊ Uiˊ Eun kaw leumeusˊ eun. Kuiingˊ Uiˊ Eun maeeˊ Uiˊ ri, Ya kaw ingˊ ri heun, utˊ maeeˊ heun.
Pawlaee va ye lec hk'aˊnaee hk'aˊ copˊlong naˊ, daecti yeuh ye pon hk'aiˊ kuˊ rai naˊ. Kopti kuingˊ naˊ, tiˊca naˊ maeeˊ munhpungˊ naˊ meuh a isˊ Mi cotˊcu ri. Amin.’
Eun uˊpeung hk'aˊpang cawoˊ uˊpeung, cawoˊ kueˊ tiˊca keuting, cawoˊ kawlˊreng keuting, cawoˊ uˊpeung kuingˊ gawmˊeucˊ maeeˊ muis lahˊ ri pucti lih naˊ gawmˊeucˊ. A hkuinˊ meuh pal cu aenˊ a koe, daecti a ku meuh cu hk'aˊ cat naˊ yeut.
