1 Yoˊhan 2:3 - Plang (Blang)

³ Eˊ lawn leuceng leukahˊ Eun naˊ koˊ, eˊ yawng yawng ri Eun meulamlam ri.

1 Yoˊhan 2:3 교차 참조

Luˊka 6:46

Peˊ ciˊ yeuh keunhawˊ, peˊ vaeeˊ klawng Uiˊ meuh Cawoˊ, Cawoˊ, daecti peˊ hkuinˊ hotˊ ri yeuh seunˊ kuˊ lahˊ Uiˊ naˊ?

Yoˊhan 14:15

Peˊ lawn leumeusˊ Uiˊ koˊ, peˊ kaw leuceng ri ti leukahˊ tuilˊ Uiˊ naˊ.

Yoˊhan 15:10

Peˊ lawn leuceng ri ti leukahˊ tuilˊ Uiˊ naˊ koˊ, peˊ ku naˊ utˊ hk'aˊnaee hk'aˊ leumeusˊkeus Uiˊ naˊ seunˊ leuceng Uiˊ ri ti leukahˊ tuilˊ Eun Aˊkuiingˊ naˊ maeeˊ utˊ Uiˊ hk'aˊnaee hk'aˊ leumeusˊkeus Eun naˊ.

Yoˊhan 15:14

Peˊ lawn hotˊ ri yeuh leukahˊ tuilˊ Uiˊ ri peˊ naˊ koˊ, peˊ ku naˊ meuh aˊmawo Uiˊ.

Yoˊhan 17:3

Aenˊ meuh a citˊ tip aˊyu tip cotˊcu. A meuh yawng ce taengtaeng Peucawoˊ ti peue naˊ Eun, maeeˊ yawng ce Yesuˊ Hkrit kuˊ cusˊ Mi lih naˊ Eun.

2 Kawˊrinhtuˊ 4:6

Kopti Peucawoˊ aenˊ lahˊ Eun, “Kah kuˊ cengˊ naˊ pucti lih hk'aiˊ hk'aˊ duimˊlawng naˊ reuˊ”, Eun kah kuˊ cengˊ ri naˊ tilˊ hk'aˊnaee hpumˊ ya naˊ punta kaw ya kueˊ kuˊ cengˊ ka cuˊyi cang yawng munhpungˊ Eun Peucawoˊ kuˊ pucti lih neum buh Eun Hkrit naˊ.

Hebraeˊ 5:9

Kopti Peucawoˊ yeuh Eun Yesuˊ Eun htonnuk hawcˊ naˊ, Yesuˊ Eun ku meuh Cawoˊ htut cotˊcu pun ce peue leuceng ri ti Eun naˊ ce gawmˊeucˊ.

1 Yoˊhan 2:13

Aˊkuiingˊ naˊ peˊ, kopti yawng peˊ Cawoˊ kueˊ tangˊ neum yamla ri naˊ Eun, uiˊ temˊ ri tuilˊ htawm ri peˊ. Nang nhumˊ naˊ peˊ, kopti pe peˊ cawoˊ rai naˊ eun, uiˊ temˊ ri tuilˊ htawm ri peˊ. Konˊ nyom naˊ peˊ, kopti yawng peˊ Aˊkuiingˊ Eun naˊ, uiˊ temˊ ri tuilˊ htawm ri peˊ.

1 Yoˊhan 3:14

Yawng eˊ pun eˊ ri pon vang yeum naˊ eˊ lec vang civit imˊ naˊ meuh a kopti leumeusˊ eˊ ecˊawngˊ ri naˊ ce. Aˊnhawˊ lawn unˊ kueˊ hk'aˊ leumeusˊkeus naˊ koˊ, kawnˊ utˊ eun hk'aˊnaee vang yeum naˊ.

1 Yoˊhan 3:19

Meuh a kopti aenˊ a naˊ, eˊ cang yawng utˊ ri hk'aˊ leupaws seumeuˊ naˊ maeeˊ eˊ cang tangˊ hpumˊ ri cumyenˊ nanggalˊ Eun Peucawoˊ

1 Yoˊhan 3:6

Peue utˊ hk'aˊnaee Heun naˊ ce a hkuinˊ laee kueˊ nang kawnˊ yeuh mapˊ naˊ saecˊ ti peue. Peue kawnˊ yeuh mapˊ naˊ unˊ nang pun ce ri nyu yawng Eun.

1 Yoˊhan 4:13

Utˊ eˊ hk'aˊnaee Peucawoˊ Eun, Eun ku utˊ hk'aˊnaee eˊ ri, eˊ pun ri yawng a, kopti tuilˊ Eun Citˊ seungaˊ ri ri eˊ naˊ.

1 Yoˊhan 4:7

Aˊmawo leumeusˊ uiˊ naˊ peˊ, eˊ leumeusˊ puri pawh, kopti hk'aˊ leumeusˊkeus naˊ lih a neum Peucawoˊ Eun. Peue cang leumeusˊ naˊ keutˊ ce neum Peucawoˊ Eun, ce yawng Eun ku peue ri.

1 Yoˊhan 5:19

Yawng eˊ meuh ri konˊ Eun Peucawoˊ, maeeˊ yawng eˊ bhenˊ keuteˊ naˊ gawmˊeucˊ utˊ ka hk'aˊruim vang uˊpeung ka seucaˊ rai naˊ.

1 Yoˊhan 5:2

Meuh a kopti aenˊ a naˊ, eˊ yawng leumeusˊ eˊ peue meuh konˊ Eun Peucawoˊ naˊ ce gawmˊeucˊ ri leumeusˊ eˊ Peucawoˊ Eun maeeˊ hotˊ eˊ ri yeuh leukahˊ tuilˊ Eun naˊ ce.

1 Yoˊhan 5:3

Leumeusˊ Peucawoˊ Eun naˊ meuh a hotˊ ri yeuh leukahˊ tuilˊ Eun naˊ. Leukahˊ tuilˊ Eun naˊ a hkuinˊ toˊ ri meuh kuˊ kaw yeuh unˊ pun.

Tuhˊ ri tuilˊ 12:17

Peuyong naˊ a seungeuengˊ nyawkˊ ri beunˊ naˊ ka. A heulˊ peuengˊ suikˊ ri konˊ kawnˊ vang ka naˊ ce. Konˊ awnˊ ce koˊ, ce meuh peue leuceng leukahˊ tuilˊ Eun Peucawoˊ naˊ maeeˊ kati keutawnˊ ri saˊhkiˊ lawng Eun Yesuˊ naˊ. Peuyong naˊ a cawng pang kawˊ sai keunam mhaˊseumutˊ naˊ.

Tuhˊ ri tuilˊ 14:12

Lawng aenˊ na, peue Eun Peucawoˊ kuˊ leuceng ri ti leukahˊ ritroe Eun naˊ maeeˊ kuˊ kati keutawnˊ ri Yesuˊ Eun naˊ ce kaw kah ri kueˊ hk'aˊ yeunˊhkam naˊ.

Tuhˊ ri tuilˊ 22:14

Peue sawngˊ sak hk'ohk'eung ri naˊ punta kaw ce pun ri hk'a pliˊ ka kleumˊ hkuˊ civit imˊ naˊ maeeˊ kaw ce pun ri lec leuvaˊ naˊ ingˊ lec veng naˊ, munˊ keuting ri ce.