1 Petruˊ 1:3 - Plang (Blang)

³ Sukˊseunˊ Peucawoˊ Kuiingˊ Eun Cawoˊ Yesuˊ Hkrit eˊ naˊ Eun. Kopti meuh a hk'aˊ tukyak keuting Eun naˊ, Eun yeuh eˊ tang keutˊ hk'uˊ, kah eˊ lec hk'aˊnaee vang keutuiˊ hpumˊ cotˊcu naˊ ri hk'aˊ tang kuhˊ imˊ Eun Yesuˊ Hkrit naˊ.

1 Petruˊ 1:3 교차 참조

Yoˊhan 1:13

A hkuinˊ meuh konˊ neum hk'aˊ ceucat, aˊkoˊ neum alo hk'aˊ nhamˊ keune ce peue naˊ, aˊkoˊ neum alo eun me naˊ, daecti a meuh kuˊ keutˊ lih neum Peucawoˊ Eun naˊ.

Roˊma 12:12

Renˊkawn hk'aˊnaee vang keutuiˊ hpumˊ naˊ reuˊ. Yeunˊhkam hk'aˊ tukhka naˊ reuˊ. Kati keutawnˊ hk'aˊnaee hk'oˊ munˊ naˊ reuˊ.

Roˊma 15:13

Punta kaw peˊ htonnuk ri hk'aˊ keutuiˊ hpumˊ ri tiˊca ka Citˊ seungaˊ chakˊ naˊ, kah Peucawoˊ Cawoˊ keutuiˊ hpumˊ peˊ Eun naˊ Eun yeuh peˊ htonnuk ri hk'aˊ renˊkawn naˊ maeeˊ hk'aˊ kuit nyawkˊ kuit samˊran cumyenˊ naˊ kopti hanˊ peˊ maeeˊ Heun naˊ reuˊ.

Roˊma 4:25

Yesuˊ pun Eun ri ap ri yeum kopti meuh a mapˊ eˊ naˊ. Hawcˊ koˊ, Eun tang kuhˊ imˊ punta kaw eˊ meuh peue leupaws seumeuˊ naˊ.

Roˊma 5:10

Kopti yam buih meuh eˊ ransu Eun Peucawoˊ naˊ, eˊ lawn tang htukˊlung Eun ri hk'aˊ yeum Eun Konˊ aiˊ Eun naˊ koˊ, lheuˊ awnˊ na kopti htukˊlung eˊ Peucawoˊ Eun hawcˊ naˊ, eˊ kaw pun hk'aˊ htut lawtpon naˊ ri hk'aˊ tang kuhˊ imˊ Eun naˊ neumneum.

Roˊma 8:11

Citˊ seungaˊ Eun Cawoˊ Cawoˊ yeuh Yesuˊ Eun tang kuhˊ imˊ naˊ a lawn utˊ hk'aˊnaee peˊ koˊ, Cawoˊ Cawoˊ yeuh Hkrit Eun tang kuhˊ imˊ naˊ Eun kaw tuilˊ civit naˊ ri tuˊ kaw kah ri yeum peˊ naˊ. Eun tuilˊ civit awnˊ a ri hk'aˊnaee cu Eun Citˊ seungaˊ utˊ hk'aˊnaee peˊ naˊ.

Roˊma 8:24

Kopti hk'aˊnaee hk'aˊ keutuiˊ hpumˊ aenˊ na, eˊ pun hk'aˊ htut lawtpon naˊ hawcˊ. Hk'aˊ keutuiˊ hpumˊ cang nyu eˊ naˊ a hkuinˊ meuh hk'aˊ keutuiˊ hpumˊ. A ciˊ kueˊ aˊnhawˊ kuˊ pun eun ri nyu hawcˊ naˊ, eun tang keutuiˊ hpumˊ a?

1 Kawˊrinhtuˊ 13:13

Kop awnˊ na, maetˊmaenˊ kueˊ a loeˊ ceu. Aenˊ ce a meuh hk'aˊ yumˊ, hk'aˊ keutuiˊ hpumˊ maeeˊ hk'aˊ leumeusˊkeus naˊ. Daecti hk'aˊ leumeusˊkeus naˊ a keuting hk'aiˊ ce.

1 Kawˊrinhtuˊ 15:20

Daecti neumneum ka naˊ koˊ, Hkrit pun Eun ri tang kuhˊ imˊ hk'aiˊ vang yeum ri naˊ hawcˊ. Eun meuh pliˊ nanggalˊ hk'aˊnaee peue pun ri yeum heulˊ hawcˊ naˊ ce gawmˊeucˊ.

2 Kawˊrinhtuˊ 1:3

Sukˊseunˊ Peucawoˊ meuh Kuiingˊ Eun Cawoˊ Yesuˊ Hkrit eˊ naˊ Eun. Eun meuh Kuiingˊ ka hk'aˊ tukyak naˊ maeeˊ Eun meuh Peucawoˊ Cawoˊ yeuh hk'aˊ kuit nyawkˊ kuit samˊran ka ku ceu gawmˊeucˊ naˊ.

Galatiˊ 6:16

Kah hk'aˊ kuitˊ nyawkˊ kuit samˊran cumyenˊ naˊ maeeˊ hk'aˊ tukyak naˊ kueˊ ri peue hotˊ ri yeuh ritroe aenˊ a naˊ ce reuˊ. Kah a kueˊ ri peue Iˊsarelaˊ Eun Peucawoˊ naˊ ce.

Eˊfeˊsuˊ 1:17

Hk'oˊ uiˊ a ri Peucawoˊ Eun Cawoˊ Yesuˊ Hkrit eˊ kuˊ meuh Aˊkuiingˊ munhpungˊ keuting naˊ Eun kah peˊ kueˊ citˊ seungaˊ ka cuˊyi naˊ maeeˊ citˊ seungaˊ ka tuhˊ ri tuilˊ naˊ, punta kaw peˊ gawm yawng Eun heunˊ naˊ.

Eˊfeˊsuˊ 1:3

Sukˊseunˊ Kuiingˊ Peucawoˊ Eun Cawoˊ Yesuˊ Hkrit eˊ kuˊ tuilˊ munˊ hk'aˊ civit naˊ ku ceu ri eˊ hk'aˊnaee Yesuˊ Hkrit Eun nang kuingˊ pang maoˊ naˊ.

Eˊfeˊsuˊ 1:7

Hk'aˊnaee Hkrit Eun, eˊ pun hk'aˊ htut lawtpon naˊ ri nhamˊ Eun naˊ. Eˊ pun hk'aˊ ploeˊ mapˊ naˊ hotˊ munˊ htonnuk Eun Peucawoˊ

Eˊfeˊsuˊ 2:4

Daecti Peucawoˊ Cawoˊ htonnuk ri hk'aˊ tukyak naˊ kopti leumeusˊ Eun eˊ nyawkˊ naˊ,

Eˊfeˊsuˊ 3:20

Maetˊmaenˊ, sukˊseunˊ Peucawoˊ Cawoˊ cang yeuh ri tuilˊ kuˊ hk'oˊ eˊ naˊ lheuˊ kuˊ hk'oˊ kuˊ kuit eˊ naˊ hotˊ tiˊca Eun kuˊ yeuh kanˊ hk'aˊnaee eˊ naˊ.

Kawˊlawˊsaeˊ 1:23

A saecˊ yeuh saˊnhawˊ, peˊ kaw kah ri aˊyu imˊ hotˊ hk'aˊ yumˊ peˊ naˊ, cawng keutawnˊ unˊ fuiiˊfaiˊ hk'aiˊ hk'aˊ keutuiˊ hpumˊ kueˊ hk'aˊnaee leukahˊ munˊ renˊkawn naˊ. Aenˊ a meuh leukahˊ munˊ renˊkawn pun peˊ ri mhawngˊ, pun peˊ ri paoˊ a ri kuˊ aˊyu imˊ ku ceu kuˊ pun ri hpanplengˊ ri utˊ hk'aˊruim ka kuingˊ pang maoˊ naˊ. Uiˊ ri, meuh uiˊ Pawˊlu. Uiˊ meuh mhaiˊ ka leukahˊ munˊ renˊkawn aenˊ na.

Kawˊlawˊsaeˊ 1:27

Peucawoˊ sumˊ kah Eun peue ri naˊ ce yawng sumˊ tuilˊ Eun peue unˊ meuh peue ceu Yuˊda naˊ ce yawng leukahˊ vangdohˊ ruiˊ ri naˊ. Leukahˊ vangdohˊ ruiˊ Eun naˊ a meuh Hkrit utˊ Eun hk'aˊnaee peˊ naˊ, a meuh hk'aˊ keutuiˊ hpumˊ kaw peˊ pun ri rap ri ti munhpungˊ tiduihˊ maeeˊ Heun naˊ.

1 Hteˊsalawˊniˊ 1:3

Nanggalˊ Eun Kuiingˊ Peucawoˊ eˊ naˊ saecˊ meuh yamnhawˊ ye kuit rot ri kanˊ kuˊ yeuh peˊ hk'aˊnaee hk'aˊ yumˊ naˊ, ri kanˊ katcin yeuh peˊ hk'aˊnaee hk'aˊ leumeusˊkeus naˊ maeeˊ ri hk'aˊ yeunˊhkam peˊ hk'aˊnaee keutuiˊ hpumˊ peˊ Cawoˊ eˊ Yesuˊ Hkrit Eun naˊ.

1 Hteˊsalawˊniˊ 4:13

Ecˊawngˊ naˊ peˊ, ye sumˊ kah peˊ yawng lawng neumneum ce peue yeum heulˊ hawcˊ naˊ maeeˊ unˊ sumˊ kah peˊ kuit nyhapˊ seunˊ peue seubu kuˊ unˊ kueˊ vang keutuiˊ hpumˊ naˊ ce.

2 Hteˊsalawˊniˊ 2:16

Kah tuˊ Eun Cawoˊ Yesuˊ Hkrit naˊ maeeˊ Kuiingˊ Peucawoˊ eˊ kuˊ leumeusˊ eˊ maeeˊ kuˊ cu munˊ ri naˊ tuilˊ kawlˊreng cotˊcu naˊ maeeˊ hk'aˊ keutuiˊ hpumˊ chakˊ ri eˊ naˊ,

1 Tiˊmoˊse 1:14

Munˊ Eun Peucawoˊ eˊ Yesuˊ Hkrit naˊ maeeˊ hk'aˊ yumˊ, hk'aˊ leumeusˊkeus kueˊ hk'aˊnaee Eun naˊ a buit ri lih nuknhenˊ ri uiˊ.

Tiˊtasˊ 2:13

Hk'aˊnaee cu cat aenˊ na, koˊ eˊ vang keutuiˊ hpumˊ munˊ htonnuk naˊ. Vang keutuiˊ hpumˊ munˊ htonnuk awnˊ a meuh munhpungˊ Eun Yesuˊ Hkrit Cawoˊ meuh Peucawoˊ Cawoˊ htut keuting eˊ naˊ kaw a pucti lih naˊ.

Hebraeˊ 3:6

Daecti Hkrit kati keutawnˊ Eun ri meuh ri Konˊ aiˊ Cawoˊ uˊpeung nya Eun Peucawoˊ naˊ. Eˊ lawn keutawnˊ hk'aˊnaee hk'aˊ hatˊhanˊ ri naˊ maeeˊ hk'aˊnaee vang keutuiˊ hpumˊ ti fung ri naˊ koˊ, eˊ ku meuh nya Eun yeut.

Yakopˊ 1:18

Punta kaw eˊ meuh pliˊ nanggalˊ ka kuˊ hpanplengˊ Eun naˊ gawmˊeucˊ ka, Eun leuk eˊ keutˊ ri meuh konˊ ri ri leukahˊ leupaws seumeuˊ naˊ.

1 Petruˊ 1:13

Kop awnˊ na mheˊ hpumˊ peˊ meulamlam ri, yeuh ri cang eutˊ hpumˊ ri, keutuiˊ hpumˊ munˊ Eun Peucawoˊ kuˊ kaw Eun tuilˊ a ri peˊ yam Yesuˊ Hkrit naˊ Eun tang lih naˊ reuˊ.

1 Petruˊ 1:21

Kopti meuh a Hkrit Eun naˊ peˊ yumˊ Peucawoˊ Cawoˊ yeuh Hkrit Eun tang kuhˊ imˊ tuilˊ munhpungˊ ri Heun naˊ Eun. Kop awnˊ na, hk'aˊ yumˊ maeeˊ hk'aˊ keutuiˊ hpumˊ peˊ naˊ a kueˊ hk'aˊnaee Peucawoˊ Eun.

1 Petruˊ 1:23

Kopti tang keutˊ hk'uˊ peˊ hawcˊ, hpaw peˊ caˊ keutˊ neum seumal cang lulaic heulˊ naˊ, daecti keutˊ peˊ neum seumal unˊ cang lulaic heulˊ naˊ. A meuh leukahˊ Eun Peucawoˊ kuˊ aˊyu imˊ maeeˊ kuˊ keutawnˊ cotˊcu naˊ.

1 Petruˊ 2:2

Sumˊ nyui leuumˊ pui civit seungaˊ chakˊ naˊ seunˊ oˊngak kawnˊ keutˊ naˊ ce reuˊ. Aenˊ na koˊ, a kaw yeuh peˊ keuting hk'aˊnaee hk'aˊ htut lawtpon peˊ naˊ.

1 Petruˊ 3:15

Daecti sawnˊ Hkrit Eun meuh Peucawoˊ ri nang hpumˊ peˊ naˊ reuˊ. Peue lawn mhaingˊ peˊ a ciˊ meuh kop keunhawˊ peˊ vaeeˊ kueˊ vang keutuiˊ hpumˊ yeuhkiˊ naˊ koˊ, peˊ ciˊ kaw topˊ a ri peue gawmˊeucˊ yeuh saˊnhawˊ naˊ, saecˊ meuh yamnhawˊ rangraen ri uinˊ ri meulamlam reuˊ. Daecti topˊ a hk'aˊnaee vang hpumˊ onawnˊ hkopyawmˊ ri ri ce reuˊ.

1 Petruˊ 3:21

Leuumˊ aenˊ na seumeuˊ a ri lahˊ rap ri ti hk'aˊ cumˊ kuˊ teumˊkawm peˊ lawtpon maetˊmaenˊ naˊ yeut. Rap ri ti hk'aˊ cumˊ naˊ hpaw a caˊ meuh kuˊ saicˊ hk'at maeo pit tuˊ eˊ naˊ, daecti a meuh saˊhkiˊ yeuh eˊ kati ri Peucawoˊ Eun ri roksaˊ eˊ hpumˊ cang yawng naˊ. Rap ri ti hk'aˊ cumˊ naˊ teumˊkawm a peˊ lawtpon ri Yesuˊ Hkrit tang kuhˊ imˊ Eun naˊ.

1 Petruˊ 3:5

Kopti ceu nang aenˊ ce beunˊ seungaˊ chakˊ leumahˊ kuˊ keutuiˊ hpumˊ Peucawoˊ Eun naˊ tawn yeuh ce tuˊ ri naˊ hpaw ngam ri ka. Ce yawmˊ ri leuceng leukahˊ ce me ri naˊ.

1 Yoˊhan 2:29

Mi lawn yawng leupaws seumeuˊ Eun koˊ, mi ku yawng peue yeuh kuˊ leupaws seumeuˊ naˊ keutˊ ce neum Heun ri ku peue ri.

1 Yoˊhan 3:3

Peue keutuiˊ hpumˊ a yeuhkiˊ hk'aˊnaee Heun naˊ peue ku peue, ce kaw yeuh tuˊ ri naˊ seungaˊ chakˊ seunˊ seungaˊ chakˊ Heun naˊ.

1 Yoˊhan 3:9

Peue keutˊ lih neum Peucawoˊ Eun naˊ ce a hkuinˊ laee kueˊ nang kawnˊ yeuh mapˊ naˊ saecˊ ti peue, kopti aˊyu hk'uˊ Eun Peucawoˊ naˊ kueˊ a hk'aˊnaee ce. Ce hkuinˊ kaw laee cang suip ri yeuh mapˊ naˊ, kopti keutˊ ce lih neum Peucawoˊ Eun naˊ.

1 Yoˊhan 4:7

Aˊmawo leumeusˊ uiˊ naˊ peˊ, eˊ leumeusˊ puri pawh, kopti hk'aˊ leumeusˊkeus naˊ lih a neum Peucawoˊ Eun. Peue cang leumeusˊ naˊ keutˊ ce neum Peucawoˊ Eun, ce yawng Eun ku peue ri.

1 Yoˊhan 5:1

Peue yumˊ Yesuˊ meuh Eun Hkrit naˊ ce ku peue, keutˊ ce neum Peucawoˊ Eun. Peue leumeusˊ Aˊkuiingˊ Eun naˊ ce ku peue, ce ku leumeusˊ Konˊ Eun naˊ Eun yeut.

1 Yoˊhan 5:18

Yawng eˊ peue keutˊ neum Peucawoˊ Eun naˊ, unˊ laee suip ce ri yeuh mapˊ. Konˊ aiˊ keutˊ neum Peucawoˊ Eun naˊ Eun kaw roksaˊ ce. Seucaˊ rai naˊ a hkuinˊ laee cang yeuh keunhawˊ ri ce.

1 Yoˊhan 5:4

Kopti peue keutˊ neum Peucawoˊ Eun naˊ ce ku peue, pe ce bhenˊ keuteˊ naˊ, maeeˊ hk'aˊ yumˊ eˊ aenˊ na pe a bhenˊ keuteˊ naˊ.