Taitasi 3:5 - BAṈARA KO VAIRU AMA LEVELEVEO

⁵ vota o pakiemele anime. Pui kama quli uri ama anime lula me erekako kale, melai voko pakiezato sama roquano kale inio vota o pakiemele anime vo Tabu ala Auvana kale ama pusailo kale, vo o katimeleni anime vairu ama alilo ni vairu ama saevo.

Taitasi 3:5 교차 참조

Matiu 3:11

“Aṉata bapitaiso a imela mea maba poso mela jukale tu ko mamola pueko meko lilizio, melai vo mainio opa kilo ala aṉako tova inio bapitaiso o imelou me Tabu ala Auvana ni uza kale, ni vota matu raura kala aṉa kasi azo, ni aṉata pui a male tu vovo mabaku va elo tu ava boriko voko kiti ko kiazakiaza.

Luke 1:50

vota kasa oma ika ko tauvezato sama roquano se kevai oquani kasi, kiadama vikuvikula poso kale amu kasi.

Luke 1:54

Vota o ereka ko quli vo o kasekema voko leveleveo kale, ko animeko taite poso kasi o erekema, ni o kueva tu tauvevole vovo nabulu Izireli.

Luke 1:72

Vota so kiolake vota kasa o ikou ko tauvezato sama roquano animeko taite poso kasi, ni vota o erekou ko quli voko tabu ama leveleveo kale Ebarahami kasi o kasekema quli.

Luke 1:78

Ako animevo Baṉara ta matuma tauvezato ko roquano sala sole. Koa voko roquano kale ta o melai barolou aukale azo animevo Pakio, omadeuvo vo o peatani ṉaniu ko zakaremu jari,

Romu 11:14

Esa komi kale inio aṉata viluloqu saṉa a imou se Jiu amu a ṉavi kale amu, nio kake ta ke roveovou pakio.

Romu 11:6

Voko pitoto ko raki ta voko pakiezato sama roquano ikio ni pui seke erekako quli. Ako vo Baṉara ko pitoto ko raki ta maba ko erekako quli tea, voko pakiezato sama roquano ta pui tuvevo ama puaro ni katizato ikio kopa elo.

Romu 12:2

Meta pui lulueko komia ruqe ama peuru ma peuru kale amu ko kalo, melai meta zarievomo vo Baṉara meko bulo kale tu vota vairu o imelou me meko saevo ni kerukeru kale. So inio meta me roveovou paqumuko vo Baṉara ko vatolo—koa uri ama ni zoleilo sama ni sidopu ama vokasi.

Romu 3:20

Ako puliala ta o rovea sidopu puilo vo Baṉara ko kelokelozato kale ko Bazu kikolani ko lulueko kale; melai ko Bazu ko nianiiekato kale inio vo maba ta o vakakuka voko sarueko.

Romu 3:28

Sokale avo inio aṉata a uria patapatae ta oqu kale inio vo maba ko sidopu elo Baṉara ko kelokelozato kale, melai pui Bazu ko kasekako quli kale.

Romu 4:5

Melai voa maba vo pui okai keruani voko iruruputo, melai vo okai keruani vo Baṉara, vo se kuirikuiri amu kuiripato pide o imani, voko oqu kale inio vo Baṉara ta o sidopu pueva vo.

Romu 9:11

Melai kala pado meqora nioqʼazo ko pitoilo ta vo Baṉara ko maba vatolo kale inio o pitoi. Baṉara ta eri kiolake koa reko kasi, “Vo kaka kala ta nabulu ova elou vo visi ala.” Vota o kaseke koa pesio puliako nioqa alilo, ni puliako nioqa ereko ko uri ni ruqe; so sole vo Baṉara o pitoeve keru voa maba ta vota pui o nokaeva vo vo o erekako iruruputo ko kio kale, melai o ṉaviko vatolo kale inio vota o nokaeva vo.

Romu 9:16

So sole kiadama quli ta koko kalo sama. Pui vo maba oka zariako quli kale ma o erekako quli kale inio ko ereiva, melai kota ko ereiva vo Baṉara ko akoekato sama roquano kale.

Romu 9:30

Sokale avo inio se pui Jiu amu, se pui kepa vailikeni ko sidopu elo vo Baṉara ko kelokelozato kale, ta sidopu keta evake seko vai oqu kale vo;

1 Koriniti 6:11

Kake mela me ta soa mela lulali. Melai erisaṉa meta lula saqasaqa me evani mela sarueko kale azo, ni meta lula Baṉara ko tabu ama maba poso me evani mela, ni meta lula sidopu me evani mela Baṉara ko kelokelozato kale animevo Lekasa Jisu Karisito mela voukale ni vo animevo Baṉara ko Tabu ama Auvana melai elo kale me. Taka papariomo ruqe ama iruruputo ko pauveko

Qelesia 2:16

Melai aniqeta qekai nianiia ta puliala maba inio sidopu opa elou vo Baṉara ko kelokelozato kale Mosese ko Bazu ko lulueko kale. Melai vai keru kale vo Jisu Karisito ko kiada kale inio sidopu o elou vo Baṉara ko kelokelozato kale. So sole aniqe melai qevai oqui vo Jisu Karisito, so inio aniqeta sidopu qe evake vo Baṉara ko kelokelozato kale. Ni aniqeko sidopu elo ko raki vo Baṉara ko kelokelozato kale ta aniqeko vai keru vo Karisito. Melai pui Mosese ko Bazu ko lulueko kale inio sidopu qe eva. Ako puliala inio sidopu o evani vo Baṉara ko kelokelozato kale vo Mosese ko Bazu ko lulueko kale.

Epesasi 2:4

Melai vo Baṉara ko akoezato sama roquano ta palopaloasi ama ni vota matuvole o roquemele anime,

Epesasi 4:23

Melai meta me bazui tu vairu ikomo meko bulo ni kerukeru,

Epesasi 5:26

tu kota vo Baṉara ko ko elou. Ni vo Karisito ta okai iruruputa voko Uri ama Bazu tu vota bulebule o ikou ko lotu qoqono voko pusaeko kale bapitaiso ko jukale.

Kolosi 3:10

ni meta lula vairu meda eva erisaṉa. Baṉara ta o ereke ni vairu o ike komia saevo me tona, ni vota pui o lalamata vairu imelo me o ṉavi jari, tu meta mevai uria nianiiovou vo.

2 Timoti 1:9

Vota o pakiemele ni o nokaemele anime tu voko maba poso me elou, pui animeko iruruputo kale, melai o ṉaviko vatolo kale ni o roquano kale inio. Puliako peuru ma peuru ereilo vota lula o vatoeke tu o katimelo komia pakiezato sama roquano vo Karisito o puratikako,

Taitasi 3:4

Melai so keru animevo Pakio Baṉara ko baiseo ni roquano ko purate keru,

Hiburu 10:22

So sole animeta me qilou vo Baṉara ko sipole ni mevai oquvou vo Jisu Karisito ni me qativou animeko pado ama bulo, ako vo Jisu ko dara ikio bulebule ko ikema animeko pado ama bulo poso, tu meqai nianiio ta vo Baṉara ta lula o akoeka animeko sarueko, ni lula bulebule o imela anime kio.

Hiburu 4:16

So sole animeta me barani puto tu me qilou vo Baṉara ko papupapu ko matu sipole sai vo o lekasa puakoi ni sai voko tauvezato sama roquano ko evakoi. Sai nio anime me qovoa koi ko sarueko poso ko akoezato ni me qeloa koi ko roquano koko tauvemelo ama anime animeko tapata keru.

Hiburu 6:6

Seta lula kebe kai nianiiake kiadama ko quli poso, melai keta epezake vai oqu vo Baṉara! So sole seta pui ke rovea tova lilizio, ako seta ke tova vouvaeva jari vo Baṉara vo Meqora ni kevai kedua vo ubutiana sole.

1 Pita 1:3

Animeta me ilusivo vo Baṉara, vo animevo Lekasa Jisu Karisito vo Mama. Ako voko matuma akoekato sama roquano kale inio vota o katimele anime vairu ama saevo. Ni so jari vota o katimele piza kama tuvevo puto sama kerukeru tu animeta me qovo ko noqola kama saevo, koa piza kama tuvevo puto sama kerukeru o katimelema vo Jisu Karisito ko mata saevo kale voukale azo.

1 Pita 2:10

Ako lulavo meta pui vo Baṉara ko maba poso mela, ni meta pui meba kai nianiiovi vo Baṉara ko tauvezato sama roquano, melai erisaṉa meta voko mela, ni meta me qoa voko tauvezato sama roquano sole.

1 Pita 3:21

Koa ju ko kalo ta bapitaiso jari, ni meko bapitaiso puilo kale inio Baṉara ta o pakiemela me komia taku kale. Melai koa bapitaiso ta pui meko tupu kale ama kaqa tamela ṉamuko kaqe inio, melai kota meko uri ama upo kale ama lilizio vo Baṉara kasi ama. Ni koa kiadama ta so, ako vo Jisu Karisito ta o saeve sole voukale azo,