Taitasi 3:2 - BAṈARA KO VAIRU AMA LEVELEVEO

² Bazuema tu seta pui ruqe kasemo ke elo maba poso, melai bule ke elou ni ke baerebaereovou, kiada keru seta ke puratikou ko akoekato sama kalo kiadama maba poso kasi.

Taitasi 3:2 교차 참조

Matiu 11:29

Meta lekasa puelomo aṉa, tu aṉata a nianiiekimelo me, ako aṉata a zarazaraivani lala ni inobea lala auvana kale sole, ni meta me qovou ko mamazo.

Iruruputo 23:5

Nio Paula ta o opatake, ni eri kiolake, “A baerebaere poso mela, aṉata pui aba vai nianiila ta vo inio vo Ṉisa Siama kio. Ako ko Tabu ama Riki ta eri nio kikolani sole, ‘Ṉota pui ruqe kasevo elo vo ṉoko qoqono o mati vailani,’ ” kiolake.

1 Koriniti 6:10

ni pui seke kuilani, ni pui se viluloqu ke evani ni pui se piza kama ju doilili kekai evani, ni pui se kemai tirazani edolomu, ni pui se kuilokuilo amu ta kepa roveovou amaqeo vo Baṉara ko lekasa puo kale.

1 Koriniti 9:19

Aṉata kala ruparupasi ala maba lala, ni puliala vo mabaku lala. Melai a ṉavi aṉata kiadamu vo nabulu a eva tu a lilimo kubo maba madu.

2 Koriniti 10:1

Kake mela ta so la kimelani aṉata a baisemelani lala so keru aṉa abeta eva keru mekasi, ni aṉata a melai karaṉa so keru aṉa abeta eva keru meko vaṉa. So kimelani nio aṉa Paula lala a ṉavi nio a basemela me koa omadeuma inobe ni baiseo vo Karisito kasa o ikema kale, tu pui zuruzuruelo aṉa tu a melai karaṉo me so keru a qilou keru mekasi! Ako aṉata a roveovoa lala tu amai karaṉo kake seke ṉelai kuirikani lipalipa kama quli. Se kikelani ta kiadama maba komia ruqe ama peuru ma peuru kale amu kebe erekako iruruputo jari ama ikio eṉe apositolo ṉela ṉebe erekako, kikela.

2 Koriniti 12:20

Aṉata ada ṉava aṉako barolo keru sai tu kelo kama edolovo elo meko, aṉa pui a mela zariani jari me, ni meta me qelou aṉako edolovo elo, pui meko aṉa la zario tu so jari a elo. Aṉata ada ṉava tu aṉata a qelou kama aivekinio ni konoekinio, korakorailo ni kiadailo, kama tirazo ni maba kai pesio, aikailo ni birebire elo.

Qelesia 5:22

Melai vo Tabu ala Auvana o puratikako kalo ta eri ama, roquano, zoleilo, bule, pataito niumaniumato kale, baiseo, uri ama kalo, kerula elo,

Qelesia 6:1

A qaka ni visi poso, esa kala me azo ta mevai potou o erekou keru ko saruilo, ta vo Tabu ala Auvana kale me odiziani mela inio me ziovou nio meba tauvevou sidopu puevo. Melai meta me jidopu puevou vo zarazarailo sama keve kale, ni me balauvou, ako me ṉavi melai me ereko kale sole soama saruilo.

Qelesia 6:10

Ni so keru anime meqai roveovo ama taku kale animeta me dauvemou kiadama maba madu ni me dauvemou matuvole se kevai oquani vo Jisu Karisito.

Epesasi 4:2

So sole meta zarazaraimo, ni baiseo ni inobe emo, ni pui taukavole me qorakoraekiniou, melai me roquekiniou muli.

Epesasi 4:31

So sole meta vaekomo kiadama pasopasoilo ni korakorailo ni bomuilo ni karaṉo ni ruqe kasemo edolomu. Ni meta pui mata me erekou kama kideipo sama quli.

Pilipai 4:5

Ni meta kasa ikomo meko inobe ama kalo kiadamu kasi. Ako animevo Lekasa ta sipole ota vaitou sole.

1 Tesalonaika 2:7

Ako eṉeta vo Karisito ko apositolo ṉela sole ṉeda roveo nio riteraite imelo me. Melai eṉeta ṉe vanonoriemele me so keru eṉe ṉe eva keru mekasi, omadeuvo ko niania koko vanonoriemako koko meqora poso jari.

1 Timoti 3:11

Seko reko poso melai uri ama kalo saṉa ke elou ni pui kekai pesiovou ko maba, ni seta pui ke matu nozuekou ko piza kama ju melai seta kiadavoa kerula kamu ke elo.

1 Timoti 3:3

vota pui o nozuekou ko piza kama ju tu kota sarube ko ivo vo, ni pui o niumaniumaemo se edoloma maba madu, melai o baisemo ni bule o elo; vota pui o roqueko ko takula.

Jemisi 3:17

Melai vo aukale ala Baṉara kasi azo ko kuevako raura kama nianiio ko qulepo ama ta kota remedemede pide ama ni kota bule ama, ni baise ama, ni lolopareo sama. Kota matuma roquano sama ni kota ko puratika ko uri ama kalo poso; ni kota pui ko pitopitotako ni pui ko lipalipatako.

Jemisi 4:11

Meta pui kuirikinio me ṉavio kude, me aṉako tamania kalea mela. Ako vo kuiripato saṉa o ivani kala lotu maba ma o titizivani, vota kuiripato saṉa o ika ko Tabu ama Bazu ni vota o titizika. Ni meta me ditizikou ko Tabu ama Bazu, ta me inio ko me pui me zorikani mela ko Bazu, ni me inio me ditizikani mela ko.

1 Pita 2:1

So sole meta vaekomo kiadama meko ruqeruqe ama kalo ni lipalipato. Ni meta pui se kekai lipalipaitani ko sidopu jari kalo. Ni pui me qonoilou ni pui me ruqe kasemou se edolomu. Meta me vaekou koa kiadama quli meko saevo kale azo.

1 Pita 3:10

Ako ko Tabu ama Riki kikovevo ta eri nio sole, “Kala ta oka zariovou zoleilo voko saevo kale, ni oka zariovou kovo uri ama taku, ta vota pui o ruqe pesiovou ni pui o lipalipatou.

1 Pita 3:8

Ni tovatovama aṉako pesio kale, aṉata eri kiala mekasi. Mea kiada mela ta omadeu elo emo bule kale. Madoekomo tu mati lainikomo edolomu ko duki ni zoleilo me ṉavio kude. Ni tamania jaria roquekinio emo. Ni tauvekiniomo ni pui aikailo me ṉavio kude.

1 Pita 4:4

Melai erisaṉa se kutumana kamu ta ke melai vuzeiva me, ako meta pui memai zomana sole se koa ruqe ama kalo poso seke erekako kale, ni so inio seta ke ruqeruqe kasemela me.

2 Pita 2:10

Ni koa koqotato ta matuvole komai barolou se ruqe ama kalo kebeta erekatani, se ke ṉaviko ruqe ama tupu ko zario ke luluekani maba poso, ni se kekai kaikuapani vo Baṉara ko bazu. Nia lipalipa kama nianiiekato ko maba poso ta ke ereka ke ṉavi keka zariako quli ereko ni kekai aikaiva koa kalo. Ni seta pui ke ṉava ruqe kasemo se aukale ama mateana madu.

Jiudi 1:10

Melai sea ruqe ama maba madu ta ke ruqe kaseka ko quli se pui ke paqumukako quli, melai ko quli ke paqumukako quli tu ke ereko kerukeruto pide biaṉa poso jari, ko quli kio ko maba niumaemako se.

Jiudi 1:8

Omadeuvo so jari nio sea lipalipa kama nianiiekato ko maba poso ta ke ereka kama uloito ni sarueko saṉa ke ika seko tupu poso, ni ke bikoirika vo Baṉara ko bazu ni ke ruqe kasema se aukale ama nanaidara kama mateana madu.