Taitasi 2:2 - BAṈARA KO VAIRU AMA LEVELEVEO

² Bazuema se lasive ama qoleqole poso tu seta inobe ni nianiio ke elou, ni ke uria odiziovou ke ṉavi; tu ke pizatou seko kai oqu kale ko tuveano, ni seko roquano kale, ni pataito kale.

Taitasi 2:2 교차 참조

Maka 5:15

Ni so keru sea maba poso kevai baroa keru vo Jisu, seta ke veake voa maba ko ziolo poso kovai onobateni, obeta papuake sai sabosabo ala, ni voko kerukeru melai uri. So sole sea maba poso ta keta matu ṉake ke vea keru vo.

Luke 8:35

Nio saizama maba poso ta ke olake kelole koko ereilama quli, ni so keru seke baroa keru sai Jisu kasi, seta ke veake voa maba vo ziolo lula kota va akoivani ta obeta papuake Jisu ko kiti kasi, uria saboilola ni voko kerukeru ta lula uri kovai evani. Ni sea kiadamu ta keta matu ṉake.

Iruruputo 24:25

Ni so keru Paula okai pesipesita keru ko sidopu ni inobe ama kalo, ni ko kilo ama ṉaniu kale ko ereilo ama titizato, inio Filekisi ta ota ṉake ni eri kiolake, “Ṉota ṉo rovea saqoro erisaṉa. Aṉata mata a nokaeṉou ṉo so keru aṉa uri ama taku a qovou keru,” kiolake.

Romu 12:3

Ako vo Baṉara ko roquano sama puaro vo o katilako aṉa kale ta eri kiala mea kiada mela kasi: Meta pui aikailo me ṉavi melai meta zarazaraimo meko kerukeru kale, vo Baṉara o katimelako oqu ko malezikako kale.

1 Koriniti 15:34

Kai vaitomo meko sidopu ama kerukeru ni epezomo lulueko ko sarueko sama keve poso. Aṉata a bazuemelou me tu kota ko quratimelou, ko kake mela ta pui nio mevai nianiia vo Baṉara sole.

1 Koriniti 9:25

Kiadamu seke kai zomanani ko voziekinio ta ke kaitizia ke ṉavi tu seta kekai tarapae puilo koa lekona tarapae ko pui tu kopa keuvo ama, melai animeta meqai kaitizia tu me qovou ko noqola kama tabara vo Baṉara kasi azo ama.

2 Koriniti 5:13

Eṉeta ṉe jarube putani ṉela kimela, melai koko tuveano ta eṉeta ṉeva nabuluputani ṉela vo Baṉara. Eṉeta piza kama kerukeru saṉela, ni kota meko tauvemelo kaqe.

Qelesia 5:23

inobe, ni me ṉaviko aveavezio. Puliama kama bazu ta soama uri ama quli ko kaitika.

Pilipai 4:8

Ni koko tovatovama quli a visi poso mela, meta sukatikomo meko kerukeru uri ama quli kale ni koko male tu meqai raurailo ama quli. Kerukeruekomo ko tuvevo ama bazu, ni raura kama ṉi, ni sidopu ama kalo, ni bulebule ama saevo, ni ileile ama quli, ni paṉao sama kalo.

1 Tesalonaika 5:6

Animeta me darekou vo Jisu ko vaito ni inobe me elou tu pui kake maba poso seke maroṉani jari me qalou.

1 Tesalonaika 5:8

Melai anime vo ṉaniu ko mela, ta inobe elo me elo. Animeta mevai oqu ni me roquevo vo Baṉara, ni kota ko qaramu-melou anime omadeuvo parani ala ko bako ko qaramuva vo jari, ni animeta piza kavole meqai keru vo Baṉara ko pakiemelo anime, omadeuvo pazokinio ko maba okai kerua jari voko zokele ama tarapae.

1 Timoti 1:10

ni kota seke pauvezatani, ni lasive amu seke erekatani ke ṉavio kude, ni seke mabaku puemani maba poso, ni seke lipalipatani, ni sea kiadamu kaqe, seke erekani ko quli ko pui ko sidopu ama nianiiekato ko kati korotako quli.

1 Timoti 1:14

Ni vo Baṉara ta olai avozikake voko palopaloasi ama roquano ni vota o katilake aṉa koa oqu ni roquano ko anime me qoako so keru me duvevo pueva keru vo Jisu Karisito.

1 Timoti 1:2

Aṉata a rikieka komia leta ṉo Timoti ṉa kasi aṉavo maba meqora jaria laṉa vo Jisu Karisito vai oqu kale. Ni aṉata a vararaita tu vo Baṉara animevo Mama ni Jisu Karisito animevo Lekasa ta o katiṉou ṉo voko tauvezato sama roquano, ni baiseo, ni bule.

1 Timoti 1:5

Aṉata a bazueṉa ṉo tu dokolima se, ako aṉata aqa zaria tu sea lotu qoqono ta ke roquekinio rurubiatana kama bulo kale, ni uri ama vatolo kale, ni tuvevo ama oqu kale.

1 Timoti 3:11

Seko reko poso melai uri ama kalo saṉa ke elou ni pui kekai pesiovou ko maba, ni seta pui ke matu nozuekou ko piza kama ju melai seta kiadavoa kerula kamu ke elo.

1 Timoti 3:2

Lotu qoqono kale ala vilua pikopiko ta kuiripato pide o elou, vota o ṉeamukou omadeu pado reko, vota o balauvani, ni o kaitiziani, ni vota inobea elola; ni vota o baroekimou se edoloma maba madu voko pade kale; ni vota bokao saṉa o elou tu o ereko ko nianiiekato;

1 Timoti 3:4

Vota o kati uria vailo voko saidi, ni uria zoripato ni paṉao saṉa o imo voko meqora poso, so inio vota o roveovou kati uria vailo vo Baṉara ko lotu qoqono uri ama odikato kale.

1 Timoti 3:8

Ni so jari nio mata se lotu qoqono ke pitoemani tauvezato ko maba madu ta uri ama kalo saṉa ke elo, ni seta pui matu nozueko ke elo ko vaini ko ju, ni pui keka zario ko takula pui sidopu ama keve kale ke koako.

1 Timoti 5:1

Pui riqaevo kala qole ala maba, melai ṉota ṉovo mama jaria kerukeruevo eve vo tu baise ama pesio kale vai titiovi vo. Ni ṉo visi poso jaria roquemo ni mati vailo eve se vairu ama maba madu,

Taitasi 1:8

Melai vota kala maba o baroekiko ala ko maba o elou ni vota o roquekou ko uri. Vota kala kaitizio ko maba o elou, ni sidopu ala, ni tabu ala, ni o uria odiziani o ṉavi.

Taitasi 2:7

Ṉo ṉavi ṉota kala uri ala kevepito eve uri ama kalo kale kiadama quli kale. Ṉota tuvevo ni kerula eve ṉoko nianiiekato kale.

Pilimone 1:9

Melai aniqeko roquekinio lotu kale ama ko kio kale aṉata pui bazu aba katiṉou, melai aṉata paseto ikio a ereka ṉokasi. Aṉa Paula lala, kala qoleqole lala ni a biriziani lala vo Jisu Karisito va nabuluputo kale avo,

1 Pita 1:13

So sole meta uria inainaomo meko kerukeru kale tu me luluevou vo Lekasa Jisu, ni kati vailomo me ṉaviko saevo, ni vinaekomo kerukerueko koa pakiezato sama roquano vo Jisu Karisito o katimelo ama voko vaito keru.

1 Pita 4:7

Koa taku kiadama quli ko ruvuro ko ta sipole, so sole meta inobe emo ni vailomo tu meta me roveovou vararaito.

1 Pita 5:8

Meta balauvomo ni vailomo, ako mevo kana Setani ta obeta lipia vo o ṉaṉarani laione jari tu o niumaemo kake maba poso.

2 Pita 1:6

ni me ṉaviko aveavezio, ni ko pizaka lojo elo tapata kale, ni vo Baṉara va nabuluputo,