Taitasi 2:11 - BAṈARA KO VAIRU AMA LEVELEVEO

¹¹ Ako vo Baṉara ta lula kasa o ike voko pakiezato sama roquano tu kiadamu ta ke pakio.

Taitasi 2:11 교차 참조

Matiu 28:19

Tu meta olamo kiadama maba poso kasi kiadama peuru ma peuru kale, tu aṉako disaipeli imomo se, ni bapitaiso imomo se vo Mama, ni vo Meqora, ni vo Tabu ala Auvana ko ṉikale,

Maka 16:15

Nio Jisu ta eri ma kiolake se, “Meta me ziovou kiadama peuru poso kale komia peuru ma peuru kale ni meqai bazutou aṉako Uri ama Bazu kiadama maba poso kasi.

Luke 24:47

ni voko ṉikale inio lilizio ni sarueko ko akoezato ko bazu ta ko kaseilou, Jerusalema ko tanitou ti kobeta barou kiadama peuru ma peuru kale ama qoqono poso kasi.

Luke 3:6

Ni kiadama maba poso ta ke kelou vo Baṉara ko pakiezato!’” kikovema.

Jone 1:14

Ni voa Bazu ta maba o evake, ni vota o loivake eṉe kasi. Ni eṉeta ṉeda va keve voko ṉaṉaidara ko kokai sukatema ko roquano ni tuveano. Ko ikio koa ṉaṉaidara vo Mama vo pado Meqora okai evema.

Jone 1:9

Voa Bazu ta tuvevo ala zakaremu, ni vota o kuevi peuru ma peuru kale, ni vota omai taloake kiadama maba poso.

Iruruputo 11:23

Ni so keru vo o baroi keru sai vota o keake vo Baṉara o imania mauru imo se maba poso, sole vota ota zoleike ni omai titiake se tu seta pataitole kevai oqu vo Lekasa seko pado ama bulo poso kale.

Iruruputo 13:43

Ni se maba poso lula ke aere saita, nio kubo Jiu amu ni kubo madu seke liliziovini ni Jiu amu jaria Baṉara ke ilusivani maba ke eveni ta ke luluekake Paula ni Banabasi. Nio nioqa apositolo kidi ta qo katimake se zuvarato sama pesio tu seta kebeta elou Baṉara ko vailo ni roquano kale.

Iruruputo 13:47

Ako komi kio koa bazu vo Baṉara eqe lula o katiqelema ko eri kikolako, ‘Aṉata lula se pui Jiu amu ko juke jari a iṉe ṉo tu peuru ma peuru kale amu ta ke pakiovou,’ kikolako,” kiqolake.

Iruruputo 17:30

Baṉara ta okai azopike voko vilu koa taku so keru se maba poso pui kepa vai nianiiovi keru vo, melai erisaṉa vota o bazuema se kiadama zae poso kale tu seta ke lilizio seko ruqe ama keve kale azo sidopu ama keve tona.

Iruruputo 20:24

Melai aṉata pui aqai tuqutuqua a ṉaviko saevo tu a ṉamuko. Aṉako zario ta a okotiko aṉako soru ni a baiko koa iruruputo vo Lekasa Jisu o katilema aṉa tu a ereko, tu aqai bazubazuto ko Uri ama Bazu vo Baṉara ko pakiezato sama roquano sama.

Romu 10:18

Nio noi nio: tuvevo ikio ko seta pui kepa viqe koa Bazu kio? Koe, seta maba ke uria viqe—omadeuvo ko Tabu ama Riki kikolani jari: “Seko pesio ko kora ta lula kokai zaroa kiadama peuru ma peuru; seko pesio poso ta lula ko baroa au ko sipo kasi,” kikolako.

Romu 5:15

Melai nioqata pui ijavoa nioqa, ako vo Baṉara ko roquano sama puaro ta pui Adami ko sarueko jari ama sole. Tuvevo kubo maba ta lula keta vovi omadeu pado maba ko sarueko kale. Melai vo Baṉara ko pakiezato sama roquano ta kokai paloasa ko sarueko, so jari vo Baṉara ko roquano sama puaro koko puariziako kubo maba poso kasi omadeu maba ko pakiezato sama roquano kale kude, vo inio vo Jisu Karisito.

Romu 5:2

Vota lula o odiemela anime oqu kale vo Baṉara ko pakiezato sama roquano kasi, sai anime me evakoi. Sokale avo inio animeta meqa zoleiva ko animeko piza kama keru, tu kai zomano vo Baṉara ko ṉaṉaidara!

2 Koriniti 6:1

Vo Baṉara ko tauvezato kale eṉeta ṉe basema se maba poso tu ke vati odouvikinio vo. Ni eṉeta ṉe basemela me me lula me qoani mela vo Baṉara ko pakiezato sama roquano tu meta pui me niumaekou ko.

Qelesia 2:21

Aṉata pui aba zaraekou koa roquano sama iruruputo vo Baṉara ko, ako koa lulama Bazu Mosese o katimelema ta pizato sama tu sidopu ko imelo anime vo Baṉara ko kelokelozato kale tea, vo Karisito ta puliako kaqe inio opa vou.”

Epesasi 2:5

so sole anime mebeta vouva keru auvana kale animeko pui zoripato kale, inio vota o katimele anime vairu ama saevo vo Karisito kale. Nio voko pakiezato sama roquano kale inio animeta me bakiovi.

Epesasi 2:8

Ako vo Baṉara ko pakiezato sama roquano kale inio animeta me bakiovi animeko oqu kale. Ni kota pui me ṉaviko pizato kale inio kopa erei, ni pui animeko iruruputo kale, melai kota vo Baṉara ko puaro ikio, so sole puliala ta opa kai aikailou.

Kolosi 1:23

So sole meta vinavina tuvevo puekomo ko Uri ama Bazu tu pizaka lojomo ni pui epeilo kerukerueko koa uri ama quli meme qovo ama ko lula meme viqema Uri ama Bazu kale, koa Uri ama Bazu aṉa Paula lala aqai iruruputako tu aqai bazuto kiadama maba kasi.

Kolosi 1:6

Ko Uri ama Bazu ta ko kati kueva ko mauruto ni ko aera peuru ma peuru, omadeuvo kota ko aere jari me tona koa taku keru azo, me kuleto me viqe keru ni me uria paqumuke keru vo Baṉara ko pakiezato sama roquano.

2 Tesalonaika 2:16

Ni eṉeta ṉe melati vararaita me, o ṉavi animevo Lekasa Jisu Karisito kasi, ni Baṉara animevo Mama kasi, vo o roquemeleni anime, ni voko pakiezato sama roquano kale o katimeleni anime noqola kama zuvarato ni piza kama bokero tu animeta meqai keru voko leveleveo.

1 Timoti 1:14

Ni vo Baṉara ta olai avozikake voko palopaloasi ama roquano ni vota o katilake aṉa koa oqu ni roquano ko anime me qoako so keru me duvevo pueva keru vo Jisu Karisito.

1 Timoti 2:4

vo oma zariani kiadama maba poso tu o pakiemo ni seta kekai nianiio voko tuveano.

2 Timoti 1:10

melai erisaṉa ta kota kasa ko eva anime kasi vo animevo Pakio Jisu Karisito ko kilo kale. Vota o koqotaeke ko vou ko pizato ni vota o puratike noqola kama saevo seke ṉeamukani voko Uri ama Bazu kaqe.

2 Timoti 4:17

Melai vo Lekasa Jisu ta o evake aṉa sate ni vota o pizatilake aṉa, so inio aṉata a roveake kai bazuto pado ama Uri ama Bazu sea kiadamu se pui Jiu ama tanatanamu kasi tu seta ke viqo, ni aṉata a bakiake vou ko taka topi azo.

Hiburu 12:15

Balauvomo tu puliala ta o liliziovou Baṉara ko pakiezato sama roquano kasi azo. Ni vailomo tu puliala ta o pasopasoilou, ako koko epamata keru ta ko pasopasoilo ta kubo tapata ko ereka seke tuvevo putani kasi ni ko niumaeka seko saevo.

Hiburu 2:9

Melai animeta meqai nianiia ta vo Jisu inio puju ama taku kale se mateana madu ko sasa zara tinia o eveni, tu vo Baṉara ko pakiezato sama roquano kale vota oma vou kiadamu. Animeta mevai nianiia vota Lekasa o eva ni o rauraiva ṉaṉaidara sate, ako vota lula o tolai ni o vovi sole.