Taitasi 2:10 - BAṈARA KO VAIRU AMA LEVELEVEO

¹⁰ ni pui keta ma kuilikou seko quli. Melai seta kiada keru ta kasa ke ikou seko uri ni kerula elo, tu seta olaupo saṉa ke ikou animevo Pakio Baṉara ko nianiiekato seke erekako quli kale.

Taitasi 2:10 교차 참조

Matiu 24:45

Ni Jisu ta mata eri kiolake, “Sole lala inio kerula kala ni nianiiola nabulu? Vo raura o iveni vovo lekasa, tu o mati vailou koa pade kale ke iruruputani ni oma puarikou ko sailao koa korokoroti ama vuato ko taku kale.

Matiu 5:16

Meta soa talolo emo meko kalo kale maba poso kasi tu seta ke kelo meko uri ama iruruputo ni seta ke ilusivou mevo aukale ala Mama,” ma kiolake.

Luke 1:47

aṉako auvana ta ko zoleiva ako vo Baṉara ta aṉavo Pakio sole,

Luke 1:80

Nio voa meqora Jone ta o rapukake ni o pizatake voko tupu ni auvana kale. Ni vota o evake lealea kama zaekale ti kobeta baroi so keru vo kasa o eve keru se Izireli ama maba poso kasi.

Luke 16:10

Vo kerula o evani silo ama quli kale ta kerula o elou matuma quli kale; vo saqaiqara o evani silo ama quli kale ta saqaiqara o elou matuma quli kale.

Jone 12:6

Voko so kio ta pui voko se ozaoza kamu mati vailo kaqe melai vota kala kuilokuilo ala maba. Vo inio o kati vailani se disaipeli madu ko seleni ni vota o bibizatani.

1 Koriniti 4:2

Ko quli koka zariako quli nabulu poso kasi ta seta kerula kamu ke elo seko lekasa madu kasi.

Epesasi 4:1

Aṉata vo Karisito vo lala, ni sokale avo inio aṉata a biriziovi. Ni vo animevo Lekasa ta o pitoemele me tu meta voko maba poso mela me elo. So inio aṉata a mela matu titia me tu meta saevomo vo Lekasa ko maba poso mela ko malezi-melako saevo kale.

Pilipai 1:27

Ni koko qulepako quli ta meko saevo ta vo Karisito ko Uri ama Bazu ko kati korotako jari ikomo. So inio abe soipimelou ma pui abe soipimelou melai aṉata ada mela viqou meko pataito lojolo omadeu vatolo kale ni meko omadeu iruruputo kale meta omadeu pizatiko me elou koa oqu seke tuvevo puekani ko Uri ama Bazu ko.

Pilipai 4:8

Ni koko tovatovama quli a visi poso mela, meta sukatikomo meko kerukeru uri ama quli kale ni koko male tu meqai raurailo ama quli. Kerukeruekomo ko tuvevo ama bazu, ni raura kama ṉi, ni sidopu ama kalo, ni bulebule ama saevo, ni ileile ama quli, ni paṉao sama kalo.

1 Timoti 1:1

Aṉa Paula lala ta kala pado apositolo Jisu Karisito vo a eveni lala vo Baṉara animevo Pakiezato ko soropato kale ni Jisu Karisito vo anime mevai keruani ko soropato kale.

1 Timoti 5:17

Se lotu tanatanamu seke uria erekani seko odikato ko iruruputo ta ke male tu seta ke uria kerukeruilou ni ke kovou ko uri ama tabara. Ni kota ko matu suirima se kekai mumuasa puivani ko bazubazuto ni nianiiekato.

1 Timoti 6:1

Se mabaku poso ta keta ma uria paṉaovou seko tanamu, tu puliala ta ruqe kaseko o elou vo Baṉara ko ṉi ni animeko nianiiekato.

1 Timoti 6:3

Vo okai nianiiekatani ko edoloma lotu ko bazu ko pui ko luluekako vo animevo Lekasa Jisu Karisito ko pesio kikolani ni pui ko kati korotako vo Baṉara ko tava paṉao

Taitasi 1:3

ni koa tutututuki ama taku kale vota kasa o ikake voko bazu kale. Ko ikio koa Uri ama Bazu vo Baṉara animevo Pakio o katilema aṉa tu aqai bazubazuto.

Taitasi 3:4

Melai so keru animevo Pakio Baṉara ko baiseo ni roquano ko purate keru,

1 Pita 2:12

Ako se maba poso pui ke tuvevo putani ta iniseana sole meko levoano kale. Ni se inio ke mela kuirikani meta ruqea mela kikelani. So sole meta kai saevomo ko uri ama saevo meko elo kale sekasi, tu seta ke kelou meko uri ama iruruputo. So inio koa ṉaniu vo Karisito o vaitou keru seta kevai ilusikou vo Baṉara koa meko uri ama iruruputo se erisaṉa ruqe ama quli ka kikelako.

1 Pita 3:16

Sole meta mema rupasikou zarazarailo ni paṉao kale, ni uri ama upo sate. So inio keta mela ruqe kasekou keru meko uri ama iruruputo, meme erekako meko luluevo vo Karisito ko kio kale, ta ke quratou, seke kelou keru meko uri ama kalo.

2 Jone 1:9

Ako animeta mebeta ziovou lulueko vo Karisito ko nianiiekato ko kiada. Melai vo okai paloaso ala vo Karisito ko nianiiekato kasi azo, ta vota pui vo Baṉara sate ala inio. Melai vo obeta ziovo ala lulueko vo Karisito ko nianiiekato, vo inio vo Mama ni Meqora sate ala.