Taitasi 1:7 - BAṈARA KO VAIRU AMA LEVELEVEO

⁷ Ako vo lotu tanala ta o kati vaila vo Baṉara ko iruruputo sole, so inio vota maba kuiripato pide ala o elou. Vota pui o aikailou ni pui taukavole o korakorailou ni pui o vuatou ko piza kama ju tu kota sarube ko ivo vo, ni pui o niumaniumaemo se edoloma maba madu, ni pui oka zario voko koidi tu okai kovo ko takula.

Taitasi 1:7 교차 참조

Matiu 24:45

Ni Jisu ta mata eri kiolake, “Sole lala inio kerula kala ni nianiiola nabulu? Vo raura o iveni vovo lekasa, tu o mati vailou koa pade kale ke iruruputani ni oma puarikou ko sailao koa korokoroti ama vuato ko taku kale.

Luke 12:42

Nio vo Lekasa Jisu ta o tiorizatake, ni eri kiolake, “Lala inio vo kerula kala ni nianiiola nabulu? Vo raura o ivo ala vovo lekasa, tu o mati vailo koa pade kale ke iruruputani ni oma puariko ala ko sailao koa korokoroti ama vuato ko taku kale.

Epesasi 5:18

Ni meta pui doilili kai elo ko piza kama ju. Ako ko doilili elo ta ko niumaemelou me sole. Melai meta sukatomo Tabu ala Auvana kale.

Pilipai 1:1

Aṉa Paula lala ta a rikieka komia riki Timoti sate, vo Jisu Karisito ko nabulu kidi qela, mea kiada mela kasi vo Baṉara ko maba poso mela me omadeu me vati evani mela vo Jisu Karisito meme evani mela Pilipai, ni so jari me lotu qoqono ko vilua pikopiko ni tauvezato ko maba poso mela kasi.

Taitasi 1:5

Aṉata a vaeṉe ṉo Kiriti udu kale, tu ṉota ṉo uria korotikou ko pui nio ko paizaivako iruruputo, ni ṉo bitoemou se lotu tanamu peuru poso kale. Ṉota ṉo qerukeruekou aṉako bazu poso, ko eri kio sama.

Taitasi 2:3

Omadeuvo jari ṉota bazuema se qole ama reko poso tu ke ereko uri ama kalo koko malezimo ama sea rekoreko se Baṉara ko maba madu. Seta pui kekai pesiovou ko maba ni pui piza kama ju ko mabaku ke elo. Seta kekai nianiiekatou ko uri ama kalo,

1 Pita 4:10

Ako meta me qoani mela sole vo Baṉara ko azaazama puaro. Ni vo Baṉara inio o mela kaseke me voko tauvezato sama roquano voko katimelo kale koa azaazama puaro. Ni meta nabulu poso jaria mela koko raki meda ka evani mela kai iruruputo Baṉara ko puaro. So sole mea kiada mela ta uri ama nabulu emo ni kai iruruputomo me ṉaviṉavi ko puaro tu kai tauvekiniomo me ṉavi.

1 Pita 5:2

tu meta mati vailomo vo Baṉara ko lotu qoqono vo Baṉara o katimeleni omadeuvo vo vailo ko maba ta o matu kati vaila ko sipi jari, ako se inio meko koidi madu sole. Ni zarizari emo ni pui me lupaovou mati vailo se, ako ko ikio vo Baṉara oka zariako sole. Ni meta erekomo koa koidi pui takula ko kai zario kale, melai meko tuvevo ama vailo ko zario kale.

2 Pita 2:10

Ni koa koqotato ta matuvole komai barolou se ruqe ama kalo kebeta erekatani, se ke ṉaviko ruqe ama tupu ko zario ke luluekani maba poso, ni se kekai kaikuapani vo Baṉara ko bazu. Nia lipalipa kama nianiiekato ko maba poso ta ke ereka ke ṉavi keka zariako quli ereko ni kekai aikaiva koa kalo. Ni seta pui ke ṉava ruqe kasemo se aukale ama mateana madu.