Romu 9:7 - BAṈARA KO VAIRU AMA LEVELEVEO

⁷ Ni pui sea kiadamu vo Ebarahami ko vikuvikula kale amu inio vo Baṉara ko tuvevo ama meqora poso. Ako vo Baṉara ta eri kiolake Ebarahami kasi sole, “Vo Aisake kale kude inio ṉota ṉo ṉeamukou koa vikuvikula ko lula aṉa aṉa kasekema tu a qatiṉou ṉo.”

Romu 9:7 교차 참조

Matiu 3:9

Ni meta pui eri kio me ṉavio kude, ‘Ebarahami nio eṉevo taite kio, ni so inio eṉeta ṉeda ka lapasou koko kilo ama koqotato,’ pui so kimevou. Aṉata a bazuemela me, vo Baṉara ta o roveo nio varieko vo Ebarahami ko vikuvikula komia lado kale sole!

Luke 16:30

Nio voa batiro ala maba ta o tiorizatake ni eri kiolake, ‘Kota pui ko male, taite Ebarahami! Melai kala ta o saevou voukale azo ta omai ziovou se tea, seta ke vaekou nio seko ruqe ama kalo poso,’ kiolake.

Luke 3:8

Meta erekomo ko quli ko kasa ko iko ama ko meta lula meda lilizia meko sarueko poso kale azo kikovo ama quli, saita inio me qilou ni bapitaiso me elou. Ni meta pui tanieko eri kio me navio kude, ‘Ebarahami nio eṉevo taite kio, ni so inio eṉeta ṉeda ka lapasou koko kilo ama koqotato,’ pui so kimevou. Aṉata a bazuemela me, vo Baṉara ta o roveo nio varieko vo Ebarahami ko vikuvikula komia lado kale sole!

Jone 8:33

“Eṉeta Ebarahami ko vikuvikula ṉela inio, ni eṉeta pui mabaku ṉela. Nio loma ikio koko kalo ko ‘Meta me rupasiovou’ ka kiṉolako?” kikelake.

Qelesia 4:23

Ni vo Ebarahami vo meqora koa mabaku kale o alileni ta maba ko kalo kale o alileni. Melai voa meqora vo o alileni o ṉaviko reko kale ta Baṉara ko leveleveo kale o alileni, koa leveleveo o ikema Ebarahami kasi.

Qelesia 4:28

A qaka ni visi poso mela, meta vo Baṉara ko meqora poso mela o ṉaviko leveleveo kale, omadeuvo vo Aisake jari, koa pui mabaku ama reko vo meqora.

Pilipai 3:3

Ako anime inio tuvevo avole vo Baṉara ko mela anime me ilusivani mela vo Baṉara voko Auvana kale ni anime meqai rauraivani mela animeko omadeu vati elo vo Jisu Karisito, ni pui me qerukeruekani mela ta Baṉara ta sidopu mela kiola animeko tupu kale ama saevo kale avo.

Hiburu 11:18

Baṉara ta lula eri kiove vokasi, “Vo Aisake kale kude inio ṉota ṉo ṉeamukou koa vikuvikula ko lula aṉa aṉa kasekema tu a qatiṉou ṉo,” kiolake.