Romu 9:32 - BAṈARA KO VAIRU AMA LEVELEVEO

³² Noi sole inio kota so kota kae? Ako seta pui kepa ka zariovi pataito vai oqu kale vo melai seta kekai oquake seke erekema quli sole. So inio seta keta tupariake koa “tupatupario ko lado” topi.

Romu 9:32 교차 참조

Matiu 13:57

So sole seta maba kevai kaikuapake se Nazareti amu. Melai Jisu ta eri kiolake sekasi, “Vo poropita ta keta va paṉaovou kiadama zae poso kale amu, melai seta kevai kaikuapou o ṉaviko ṉisa peuru kale amu ni o ṉaviko saidi,” kiolake.

Luke 2:34

Ni Simeoni ta mauru o imake se ni eri kiolake Mere kasi, voa molele ko niania, “Nea meqora ta lula o pitoeve vo Baṉara tu kubo Izireli amu ta kevai tupariovou ni ke pialou melai kubo madu ta ke pakiovou vokale. Vota kala mamola o elou Baṉara kasi azo ala kubo maba madu kevai keduvo ala,

Luke 7:23

Ni qeta qe bazuevou vo Jone, voa maba vo pui niuniala olai evani aṉa ta maurumauru ala!” kiolake.

Romu 10:3

Seta pui ke vakakukake koa keve vo Baṉara omai sidopu puekako se maba madu o ṉaviko kelokelozato kale, melai seta kekai zariake sidopu elo ke ṉaviko kalo ko lulueko kale, ni seta keta lupaovake sidopu elo vo Baṉara o pitoekako keve kale.

Romu 11:11

Noi nio, so keru se Jiu amu tupara ke eve keru, ta keta piavi ti pui mata kepa tova lojolou inio, kio? Maba pui! Melai se Jiu amu ta keta piavi inio. Sokale avo inio vo Baṉara ta o pakiema se pui Jiu amu, tu se Jiu amu ta kema konoilou se.

Romu 4:16

So sole oqu tona inio koko raki ko leveleveo, tu koa leveleveo ta matu vinavina ko elou, vo Baṉara ko utuakoi zama puaro kale vo Ebarahami ko vikuvikula madu kasi, pui seke zorikani pala ko Bazu, melai se vo Ebarahami jaria oqu ke evani kasi. Ako vo Ebarahami ta animea kiada mela vo auvana kale ala taite sole;

1 Koriniti 1:23

melai eṉeta ṉevai bazuta vo Karisito korosi topi o vovini, koa bazu ko kuvaruvarua kelo ama se Jiu amu kasi, ni se pui Jiu amu sarube ama ka kikelako.

1 Pita 2:6

Ako ko Tabu ama Riki kale ta eri nio kiola vo Baṉara sole, “Aṉata a bitoeva nea qulepo ala lado tu vo inio lado viluabara a ivou Jerusalema ma Jelepade kale, ni vo tuvevo o ivo ala vo ta pui opa quratou,” kiola.

1 Pita 2:8

Ni ko Tabu ama Riki ta eri nio mata kikolani, “Nei nio voa lado se maba poso tupara o imo ala ni voa ripi vo o pimo ala,” kikolako. Ni seta keta tuparia, ako seta pui tuvevo ke ika sole vo Baṉara kiolani; so inio vo Baṉara ko vatolo kikovevo sekasi.