Romu 9:22 - BAṈARA KO VAIRU AMA LEVELEVEO

²² So jari nio mata vo Baṉara o erekema quli ko tuveano. Vota oka zariovi puratiko voko korakorailo tu voko pizato ta ko kasa puilo. Melai vota inobea taremo o evake se vo omai korakoraivani, se heli kale tolailo ko male amu.

Romu 9:22 교차 참조

Romu 1:18

Vo Baṉara ko korakorailo ta kasa ko eva aukale azo se ruqe ama maba madu ko sarueko ni ruqe ama keve kale seke tizaekani ko tuveano seko ruqe kale.

Romu 9:17

Ako ko Tabu ama Riki kikolani ta vo Baṉara ta ovai bazuekake vo Ijipi ala Aikovakova ko eri, “Aṉata aikovakova a iṉe ṉo ni aṉako iruruputo lomaloma jari a iṉe tu ṉo buratikou aṉako pizato ni kokale aṉako ṉi ta ko zorarou peuru ma peuru kale.”

Romu 9:20

Melai lalaṉa inio ṉo, a lolo ṉa, ṉoṉo deuteuvani ṉa vo Baṉara? Ko miduku raro ta pui kovai kuimaeka voa maba vo o erekeni ko ko eri kio, “Noi sole inio ṉota eria erelo ṉo eve?” kio.

Romu 9:21

Ako voa maba koa raro o erekani nio o kati lulueka o vatolo koa miduku, tu vota okai ereko omuqa ijatiniama miduku raro, kala ta matuma taku keru ala ni kala pado ta kiada keru vai iruruputo kaqe.

1 Tesalonaika 2:16

Se inio mata sea maba poso seke dokoliṉelo eṉe kikeveni kai bazuto kale me pui Jiu mu mela kasi vo Baṉara ko pakio ko borikako bazu. Koa keve kale inio seta ke ereka matuma boutare ko kobe kai paloasako kiadama seko sarueko poso seke erekako kiada keru. Ni kokale inio vo Baṉara ko matuma korakorailo ta vairutu pado kobe mai baroa.

1 Tesalonaika 5:9

Ako vo Baṉara ta pui opa pitoemele anime tu ko melai barolo voko korakorailo, melai vota o pitoemele tu animeta me qovo ko pakio vo Lekasa Jisu Karisito kale,

2 Timoti 2:20

Matuma pade poso kale ta ikoana azaazama lolulolu ni teamuteamu, kama ta siliva kale ko ereima ni kama ta qolo kale, kama ta ore kale ni kama ta miduku kale, nio kama koa lomaloma ta matumatuma ṉaniu poso kale kai iruruputo kaqe, kama ta kiadama taku kai iruruputo ko.

1 Pita 2:8

Ni ko Tabu ama Riki ta eri nio mata kikolani, “Nei nio voa lado se maba poso tupara o imo ala ni voa ripi vo o pimo ala,” kikolako. Ni seta keta tuparia, ako seta pui tuvevo ke ika sole vo Baṉara kiolani; so inio vo Baṉara ko vatolo kikovevo sekasi.

1 Pita 3:20

Ni se inio ko se pui kepa zoriveni vo Baṉara Noa ko taku keru. Vo Baṉara ta matu inobea taremo o evake Noa obeta orumata keru ko vaka melai seta pui ke zorivake. Ni pui kubo madu inio se melai siotolu madu ke kiada inio ke amaqeake koa vaka kale ni ke pakiovi koa jukale.

2 Pita 2:3

Ako nia lipalipa kama nianiiekato ko maba madu ta keta mela zaria pala inio sole meko takula. Nio seta ke lipalipaemela pui tuvevo ama bazu kale. Melai Baṉara ta lula omai kuirika se. Ni seta pui kepa tava lapasou vo o niumaemo ala se.

2 Pita 2:9

So sole kiadama ko quli poso kale animeta me rovea paqumuko vo Baṉara ta o bokaovani pakiemo se vo keva nabuluputani. Ni vota o pakiemou tapata keru. Melai vota o noqoemou se ruqe ama maba poso ni koqo o imou se kebe tarekou keru voko titizato ko ṉaniu.

2 Pita 3:15

Ni kerukeruekomo komi ta animeta me bakiovou ako animevo Baṉara ta o vanonoriemela sole anime. Animevo baerebaere Paula melai o melai bazueke me koa omadeuma quli so keru vo o mela rikite keru voko nianiio sama riki kale.

Jiudi 1:4

Ako kake se pui Baṉara ke luluevani ta lula ke sukuiva ni ke melai zomana animeko lotu qoqono poso kale, seke besiekani ko pakiezato sama roquano ko bazu seko tupu kale ama viluloqu ko lulueko kale, ni seke tava zoliani vo Jisu Karisito, vo animevo Tanala ni Lekasa. Matu lulavo ko Tabu ama Riki kale ta lula ko pidokiovi koa kuiripato seke kovo ama.