Romu 9:16 - BAṈARA KO VAIRU AMA LEVELEVEO

¹⁶ So sole kiadama quli ta koko kalo sama. Pui vo maba oka zariako quli kale ma o erekako quli kale inio ko ereiva, melai kota ko ereiva vo Baṉara ko akoekato sama roquano kale.

Romu 9:16 교차 참조

Matiu 11:27

“Aṉavo Mama ta lula o katile aṉa kiadama nianiio ni pizato. Puliala ta olai nianiia aṉa vovo Meqora lala inio kio, melai aṉavo Mama o kiada inio olai nianiia aṉa, ni puliala ta ovai nianiia aṉavo Mama melai aṉa vovo Meqora lala inio avai nianiia vo ni sea poso aṉa vovo Meqora lala a bitoemani tu kasa a ivo vo.

Matiu 4:8

Nio vo Setani ta mata o vati kailake vo Jisu matu okate ala sopu ko toubana kale ni vota ova kasekake kiadama komia peuru ma peuru kale ama matumatuma peuru poso ni toutou poso ni koko ṉaṉaidara.

Luke 10:21

Ni koa taku kale Jisu ta ota matu zoleike vo Tabu ala Auvana kale, ni eri kiolake, “Mama, au ni miduku ko Lekasa ṉa! Aṉata a qaseka aṉako uriavo ṉokasi, ako ṉota lula kasa ṉoma ika se lezumato pide amu kasi ko quli ṉo ṉoda ma mutakako se nianiiomu ni seke lezumatani. Tuvevo Mama, ko ikio ṉoko zario tu kota so ko kalo ni ṉota ṉoqai zoleiva sole.

Jone 3:8

Kerukerueka ko ururu ko kavani. Ako kota ko puzeta ni ko ola sai ko koka zariakoi zio, ni ṉota ṉoda ka viqa koko qurumo, melai ṉota pui ṉoqai nianiia sai koko kuevakoi kazo ni koko olakoi vasi. Ni omadeuvo so jari nio sea kiadamu seke alilani vo Baṉara ko Auvana kale,” kiolake vo Jisu.

Romu 9:11

Melai kala pado meqora nioqʼazo ko pitoilo ta vo Baṉara ko maba vatolo kale inio o pitoi. Baṉara ta eri kiolake koa reko kasi, “Vo kaka kala ta nabulu ova elou vo visi ala.” Vota o kaseke koa pesio puliako nioqa alilo, ni puliako nioqa ereko ko uri ni ruqe; so sole vo Baṉara o pitoeve keru voa maba ta vota pui o nokaeva vo vo o erekako iruruputo ko kio kale, melai o ṉaviko vatolo kale inio vota o nokaeva vo.

Qelesia 2:2

Aṉata a olake sai, ako vo Baṉara ta o bazuelake sole tu aṉata a zio. Nio aṉata a doraemake ṉe qiadakoi se lotu qoqono ko vilua pikopiko madu, ni aṉata amai bazuekake koa Uri ama Bazu, ko aṉa aqai bazutako se pui Jiu amu kasi. Ako aṉata ada ṉake sole ta esa seta pui omadeu kerukeru ke lati eva aṉa, ni aṉako iruruputo lula a erekema ni abe erekako erisaṉa ta utu ama kiala sole.

Epesasi 2:8

Ako vo Baṉara ko pakiezato sama roquano kale inio animeta me bakiovi animeko oqu kale. Ni kota pui me ṉaviko pizato kale inio kopa erei, ni pui animeko iruruputo kale, melai kota vo Baṉara ko puaro ikio, so sole puliala ta opa kai aikailou.

Pilipai 2:13

Ako vo Baṉara ta obeta iruruputa mekasi tu zarizari o imelo me tu meta me zorikou voko vatolo.

Jemisi 1:18

O ṉaviko vatolo kale vota o saevimela anime tuvevo ama bazu kale, tu animeta me qovou ko raura kama zae kiadama quli vo o erekema kasi azo.