Romu 8:7 - BAṈARA KO VAIRU AMA LEVELEVEO

⁷ So sole voa maba vo o vaekani voko kerukeru komia tupu ko saevo kale ama zario tona ta vo Baṉara vo kana ota eva, ako vota pui o zorika vo Baṉara ko bazu sole, ni tuvevo avole vota pui o rovea zoriko ko kikolani sole.

Romu 8:7 교차 참조

Matiu 12:34

Meta dole jaria ruqea mela, me ruqe ama maba poso mela ta pui me rovea kaseko ko uri ama quli. Ako ko quli vo maba ko bulo kale ko sukatako quli kio vota o rukueka voko suto kale sole.

Matiu 5:19

Ni kala maba ta pui o zorikou koa bazubazu kikolani ni o saruevou nianiiekivo kala vovo lolo tu vo melai pui o zoriko, omadeuvo se Parese madu ni se Mosese ko Bazu ko nianiiekato ko maba poso ke kavani jari, ta matu zara kala o elou vo Baṉara ko lekasa puo kale. Melai voa maba vo o luluekani vo Mosese ko Bazu kikolani ni o mati nianiiekikani maba poso tu se melai ke lulueke, ta matu raura kala o elou vo Baṉara ko lekasa puo kale.

Jone 7:7

ako se maba madu ta pui ke rovea melai kideipo me. Melai seta kelai kideipa aṉa, ako aṉata pui a lalamata tama kaseko seko ruqe ama kalo sole.

Romu 1:28

Seta ke vaeva kerukeruevo vo Baṉara, so sole vo Baṉara ta omai luavika koa ruqe ni kaido ama kerukeru tu seta ke ereko ko quli ko se pui koma zariziako tu ke ereko.

Romu 1:30

ni ruqe kasekinio, kanaekivo vo Baṉara, peripato, aikailo ni rauraraurailo; seta ke kerukerueka kubo keve tu seta ke ereko ko ruqe; seta ke bikoirima seko mama ni niania poso;

Romu 3:31

Koa oqu kale inio aṉata a ṉamuka vo Mosese ko Bazu kio? Pui, maba pui, melai koa keve kale aṉata a qati lulueka ko ṉavi Bazu ko kio ni kalo ko kavani.

Romu 5:10

Lulavo animeta Baṉara ko kana poso mela inio, melai erisaṉa vota o melati baerebaerea vovo Meqora ko voukale. Erisaṉa animeta vo Baṉara ko baerebaere poso mela, sole vo Karisito ko voukale azo mata saevo kale melai pui tapata tu animeta me bakiovou!

Romu 7:22

Tuvevo, aṉata aqa zoleiva aṉako bulo kale vo Baṉara ko bazu.

Romu 8:4

Baṉara ta so o ikake tu vo Mosese ko Bazu koka zariako sidopu ta meqai baro anime me jaevani mela Baṉara ko Auvana kale, ni pui komia tupu ko saevo ko zario kale.

1 Koriniti 2:14

Voa maba vo pui o koani koa Auvana ta pui o rovea kovo koa pizato vo Baṉara ko Auvana kasi azo ko kuevako tu o ereko ko azaazama iruruputo poso. Soala maba ta pui o paqumukani koa azaazama iruruputo maba madu ke erekako koa pizato kale, ni sarube ama ka kiolani ko, ako koa iruruputo ta Auvana kale ko kiada inio ko paqumuivako sole.

1 Koriniti 9:21

Koa omadeuma keve kale, so keru aṉa abeta iruruputa keru pui Jiu amu sase, aṉata se pui Jiu amu jaria elo a eva, aṉako pui lulueko kale Mosese ko Bazu, tu aṉata a lilimo se pui Jiu amu. Komi ta pui kota la epezikako ikio ko aṉako tava zoriko vo Baṉara ko Bazu. Melai aṉata a lulueka vo Karisito ko Bazu tu a lulueko Baṉara ko Bazu.

Kolosi 1:21

Lulavo, meta meda pitasiovi Baṉara kasi azo, ni kana me eve, meko ereko kale koa ruqe ko meme qerukeruekema,

Kolosi 2:18

Meta pui zariemo tu kake maba poso ta kuiripato saṉa ke imelo me seko rauraraurailo sama pesio kale. Seta ke mela zaria me tu meta me lulueko seko kelokelozato, ko kokai bazutako ko mateana poso ko ilusiko. Se inio se zarazarailo ko maba madu, kikelani, melai seta keta aikaiva seko utube ama kerukeru kale.

2 Timoti 3:4

seta pui kerula kamu, ni puliako kerukeruto ke erekani ko ruqe, utu aikailo ko maba madu, ni ke roquekani ko utube ama zoleilo ko quli vo Baṉara ko roquevo kale azo;

Hiburu 8:10

Nio mata eri kiolake vo Baṉara, “Komi kio koa leveleveo ko aṉa a ereko ama se Izireli amu kasi ko kilo ama ṉaniu poso kale, ko eri: aṉata amai nianiiekikou se aṉako bazu poso ni aṉata a rikiekou ko seko bulo poso kale. Ni aṉata sevo Baṉara a elou, ni seta aṉako madu ke elou.

Jemisi 4:4

Meta pui kerula kama maba poso mela! Meta pui me baqumuka ta komia peuru ma peuru ko kalo lulueko ta Baṉara ko kana elo ikio, kio? Ako vo oka zariani peuru ma peuru ko kalo lulueko ta Baṉara vo kana ota eva.

2 Pita 2:14

Ni kiadama taku seke kea keru ko reko seta viluloqu kekai eva. Seko ka zario ereko ko boutare ta pui ko korotima, ni seta ke aveavema lekuleku ama maba poso boutare ko sipata kale. Ni seta kekai matu nianiiani tu seta ke muino. Melai Baṉara ta o koqotaemou sea maba poso.