Romu 8:5 - BAṈARA KO VAIRU AMA LEVELEVEO

⁵ Seke saevani tupu kale ta ke vaeka seko kerukeru tupu ko saevo koka zariako quli topi. Melai seke saevani Baṉara ko Auvana kale ta ke vaeka seko kerukeru voko Auvana koka zariako quli tona.

Romu 8:5 교차 참조

Maka 8:33

Melai vo Jisu ta oma lilitake voko disaipeli madu ni ova ririzake vo Pita ni eri va kiolake, “Ose Setani, ako koa kerukeru ta pui vo Baṉara kasi azo ko kuevako sole, melai maba kasi azo,” kiolake vo Jisu.

Jone 3:6

Ako tupu kale ama alilo ta tupu ko pala, melai vo Baṉara vo Auvana kale ama alilo ta Auvana ko.

Romu 8:9

Melai meta pui me jaeva ko meko tupu ko saevo ko kavani jari. Me inio me jaevani mela vo Baṉara ko Auvana ko melai bazuekako saevo kale, vo Baṉara ko Auvana tuvevo avole ko saeva meko saevo kale ta. Ako voa maba vo pui o koani vo Karisito ko Auvana ta pui vovo inio.

1 Koriniti 15:48

Ni se miduku kale ke evani ta omadeuvo vo o ereini miduku kale jari ama tupu samu. Ni se aukale ke evani ta omadeuvo vo o kuevini aukale azo jari ama tupu samu.

1 Koriniti 2:14

Voa maba vo pui o koani koa Auvana ta pui o rovea kovo koa pizato vo Baṉara ko Auvana kasi azo ko kuevako tu o ereko ko azaazama iruruputo poso. Soala maba ta pui o paqumukani koa azaazama iruruputo maba madu ke erekako koa pizato kale, ni sarube ama ka kiolani ko, ako koa iruruputo ta Auvana kale ko kiada inio ko paqumuivako sole.

2 Koriniti 10:3

Tuvevo eṉeta ṉe eva komia ruqe ama peuru ma peuru kale, melai eṉeta pui ṉe qati pazokinia ko ruqe omadeuvo komia peuru ma peuru kale amu ke mati pazokinia jari seko kana madu.

Qelesia 5:17

Ako animeko bulo kale ama kerukeru ko ruqe ama zario ta pui ijatinia ko kati eva sole vo Baṉara ko auvana kale ama zario, ni komia omuqa quli ta kota kanaekinia. Sole meta odiziomo Baṉara ko Auvana kale tu pui ereko meko ruqe ama kerukeru kokai zariovo ama quli ereko.

2 Pita 2:10

Ni koa koqotato ta matuvole komai barolou se ruqe ama kalo kebeta erekatani, se ke ṉaviko ruqe ama tupu ko zario ke luluekani maba poso, ni se kekai kaikuapani vo Baṉara ko bazu. Nia lipalipa kama nianiiekato ko maba poso ta ke ereka ke ṉavi keka zariako quli ereko ni kekai aikaiva koa kalo. Ni seta pui ke ṉava ruqe kasemo se aukale ama mateana madu.