Romu 8:33 - BAṈARA KO VAIRU AMA LEVELEVEO

³³ Ni lala inio kuiripato sana o imelo ala anime, vo Baṉara lula o pitoemeleni mela? Puliala! Ako vo Baṉara inio o sidopu puemela anime sole!

Romu 8:33 교차 참조

Matiu 24:24

Ako se lipalipa kama Pakio vo Baṉara o pitoemeni kikelani ni se lipalipa kama poropita madu ta ke podakou, ni ke erekou aqasiele ama quli ni ṉavaṉavala kama quli tu ke saruemo se lula vo Baṉara o pitoemeni, kebe mai roveovou ta.

Luke 18:7

Noi nio? Vo Baṉara ta pui opa titizimou se ruqe amu, seke niumaemani o ṉaviko madu se kevai titiani ipu ni ṉaniu tu o tauvemo, kio? Vota pui taukavole opa tauvemou se, kio?

Romu 8:1

Maba puliama kuiripato ta ikoana erisaṉa anime omadeu me vati evani mela vo Jisu Karisito animeko saevo kale.

Qelesia 3:8

Ni ko Tabu ama Riki kale ta ko pidokiovi mata vo Baṉara ko sidopu puemo se pui Jiu amu seko oqu kale. So sole ko Uri ama Bazu ta ko pikairiovi Ebarahami kasi, ko eri kikovema, “Ṉokale inio kiadama toutou poso ta mauru keta elou,” kikovema.

1 Tesalonaika 1:4

Eṉeko kaka poso ni visi poso mela, eṉeta ṉeqai nianiia ta vo Baṉara ta o roquemela me ni vota o pitoemele me tu o ṉaviko mela me elo.

Taitasi 1:1

Aṉa Paula lala, Baṉara vo nabulu ni kala pado vo Jisu Karisito vo apositolo lala, ta a rikieka komia leta. Vo Baṉara ta o pitoele ni o soroele aṉa tu a dauveko voko maba poso ko oqu ni amai nianiiekiko se koa tuvevo ama nianiiekato, koko odiemo ama uri ama lotu saevo kale.

1 Pita 1:2

Vo Baṉara animevo Mama ta o vatoeke lulavo ni o pitoemele me tu vo Tabu ala Auvana ta voko tabu ama qoqono mela o imelo, ni so inio vo Jisu Karisito ta bulebule o imele voko dara kale ni meta me zorive vo. Vo Baṉara ko roquano ni bule ta ko melai avoziovou me.