Romu 8:26 - BAṈARA KO VAIRU AMA LEVELEVEO

²⁶ Koa omadeuma keve kale inio vo Tabu ala Auvana ta o tauvemela anime animeko lekuleku kale. Ako animeta pui meqai nianiiani mela ko vararaito ko kalo sole; melai o ṉavi Tabu ala Auvana ta o melati zomana vararaito vo Baṉara kasi koa voniu kozato ko anime pui me buratikako kale.

Romu 8:26 교차 참조

Matiu 10:20

Ako ko quli ko meme qaseko ama ta pui me ṉaviko pesio kio sole, melai kota mevo Mama ko Auvana ko pesio meko kora kale.

Matiu 20:22

Ni Jisu ta eri ka kiolake nioqa tamania, “Qeta pui qekai nianiia ko quli qeqe pasekako quli. Ma qeta inaina kaqela inio tu qe tolailou aṉa sate kio?” Nio nioqata qo vati tiorikake ni eri kiqolake, “Eqeta inaina kaqela tu qe tolailo ṉo sase,” kiqolake.

Luke 22:44

Ni vo Jisu ta matu upotuqu ota evake sole o matu vararaitake ni voko kuvakuva ta dara jaria rereo ko evake miduku topi.

Jone 14:16

Nio aṉata a basevou vo Mama, ni vota o katimelou me kala pado Tauvezato, vo inio voa Tabu ala Auvana, vo kasa o ikani vo Baṉara ko tuveano, vo o elo ala mekasi latau ṉaniu ni ka ṉaniu. Komia peuru ma peuru kale amu ta pui ke ṉeamuva vo, ako seta pui ke vea ni pui kevai nianiia vo sole. Melai meta mevai nianiia vo, ako vota o eva me sase ni me melai me eva vo sase sole.

Romu 15:1

Anime lula pizaka mela oqu kale ta me dauvemo se lekuleku amu seko niuniala kale. Animeta pui me zoleilo me ṉavi pala.

Romu 7:24

Ke, aṉata matu upotuqu ada eva! Lala inio o pakielou aṉa komia tupu vou sama kasi azo?

Romu 8:15

Ako koa Auvana vo Baṉara lula o puarikema mekasi ta pui ṉalo ko mabaku ko imela, melai kota o ṉavi Baṉara ko meqora poso ko imela me, ni koa Auvana ko pizato kale inio animeta mevai zaivota vo Baṉara ni eri kimela, “Mama, a Mama!” kimela.

2 Koriniti 5:2

Ni komia miduku kale eṉeta matu viluloqu ṉeqai eva tu kovo eṉeko aukale ama tupu.

2 Koriniti 5:4

So keru eṉe ṉe eva keru komia miduku kale ama tepe pade kale, ta voniu kozato ko iṉela ko eṉeko duki; eṉeta pui ṉeqa zariako ikio ṉamuko eṉeko miduku kale ama tupu, melai ko eṉe ṉeqa zariako ta ṉe qovo ko aukale ama tupu, tu ko paito pidea saevoma tupu ta ko besiekou eṉeko tupu koko sapeovo ama.

Qelesia 4:6

Ni meta vo Baṉara ko meqora poso mela. Sokale avo inio vo Baṉara ta o soroeke vovo Meqora ko Auvana animeko bulo poso kale. Ni voa Tabu ala Auvana kale inio meta eri kimela meko bulo ko vualavuala kale, “Mama, aṉavo Mama ṉa!” kimela.

Epesasi 2:18

Ako vo Karisito kale animea kiada mela ta me rovea kilo vo Mama kasi omadeu Auvana kale.

Epesasi 6:18

Ni meta matu vararaitomo Tabu ala Auvana kale kiada keru, tu pasekomo vo Baṉara ko tauvezato. Ni kokale inio meta inaina kamela me elou kiada keru. Ni pui me epezou vararaito melai meta me mati vararaitou kiadama vo Baṉara ko maba madu.

Hiburu 4:15

Animevo Ṉisa Siama ta o rovea lainike animeko lekuleku poso ko upotuqu, ako vota anime jaria maba o eveni sole, so sole vota o toraeke kiadama quli koko zolizolievema quli, omadeuvo anime me doraekako jari, melai vota pui opa sarueke.

Hiburu 5:2

Vota lekuleku o eva kubo quli kale, so sole vota o rovea tu baisemo se pui kai nianiio kale ke erekani ko sarueko ni seke saruivani maba poso.

Jemisi 4:3

So keru meme baseka keru, meta pui me qoa ko quli meme basekako quli, ako meko zio ta edolovo sole, ako meta me baseka ko quli me ṉaviko zario ko quli pala sole.