Romu 8:17 - BAṈARA KO VAIRU AMA LEVELEVEO

¹⁷ Animeta voko meqora poso mela, sole animeta me qovou koa mauruto ko lula vo o inainaekema voko maba madu kaqe, ni animeta me ṉeamukou vo Karisito sase ko quli ko lula vo ova inainaekema quli, ako animeta meqai zomana vo Karisito ko tola, sole animeta me zomanou voko ṉaṉaidara kale.

Romu 8:17 교차 참조

Matiu 16:24

Nio Jisu ta eri ma kiolake voko disaipeli madu, “Vo oka zariani luluelo aṉa ta vota pui o kerukeruilou o ṉavi o kiada melai vota o tolailou aṉako luluelo kale omadeuvo vo maba vo o borikani jari o ṉaviko korosi, vo okai vouvo ama.

Matiu 25:21

Nio nea lekasa ta eri kiolake vokasi, ‘Matu uria laṉa ni sidopu ala nabulu ṉa, ṉota uri ṉo ereka silo ama iruruputo kale, sole aṉata raura a iṉou ṉo matuma iruruputo kale. Kua tu zomane aṉako ṉojola kale ni zolei aṉa sate,’ kiolake.

Luke 12:32

Ni vo Jisu ta mata eri kiolake voko disaipeli madu kasi, “Meta pui ṉalo, mea silo ama rovaṉa sipi jaria mela, ako mevo Mama ta ota zoleiva tu o lekasa puemelou me o ṉaviko lekasa puo jari.

Luke 24:26

Noi nio pui qe paqumuka kota ko malezika tu vo Baṉara o pitoevani Pakio ta tapata o toraeka ni o vouva saita inio vota okai amaqeovou voko ṉaṉaidara?”

Jone 17:24

“Mama! Ṉota lula ṉo qatile se aṉako maba poso, tu seta ke varolo aṉa, ni aṉata ama zaria se tu sai aṉa a eloa koi inio ke elou, tu seta ke kelou aṉako ṉaṉaidara, koa ṉaṉaidara ṉoṉo qatilema aṉa, ako ṉota ṉo roquele aṉa puliako ṉo ereko ko peuru ma peuru sole.

Iruruputo 14:22

Ni nioqako ziokale nioqata qo pizatimake seke liliziovini maba poso ni qo zuvarimake tu seta tuvevoa noqoilo ke elo seko oqu kale so sole eri kiqolake. “Animeta me doraekou kubo tapata poso koa keve kale, koko odiemelo ama anime vo Baṉara ko lekasa puo kale,” kiqolake.

Iruruputo 20:32

“Ni erisaṉa aṉata a vaemela me vo Baṉara ko vailo kale tu voko tauvezato sama roquano ko bazubazu ta ko melati vailou me, ni ko pizatimelou me ni ko katimelou me koa reketekete vo Baṉara oma inainaekake kiadama voko tabu ama lotu maba poso.

Iruruputo 26:18

Ṉota ṉoda ma toiratikou seko vilu ni no lilimou se kutumana kale azo zakaremu kale, ni vo Setani ko pizato kale azo Baṉara kasi, nio seko lai oqu kale aṉa ta ada ma akoekou seko sarueko poso ni seta ke kovou seko zae se Baṉara tabu o imeni sate.’

Romu 5:17

Tuvevo avole omadeu maba ko sarueko kale ko vou ta ko eve vo o erekema sarueko kale. Melai ko kobe qulepako ta omadeu maba Jisu Karisito o erekema quli ko puratikako. Ako kiadamu seke koani vo Baṉara ko palopaloasi ama roquano ni se sidopu ke evani voko kelokelozato kale ta ke raurailou noqola kama saevo kale vo Jisu Karisito kale.

Romu 8:3

Ko ikio vo Mosese ko Bazu pui kopa roveovima ereko, ako tupu kale ama saevo ta lekuleku sole, melai vo Baṉara ta o roveovi ereko ko. Vo Baṉara ta o titizikake ko sarueko so keru vovo Meqora o vovi ni sarueko ko siqasiqa o eve keru. Sokale avo inio vo Baṉara ta o soroeve vovo Meqora, vo o kuevini ni anime jaria maba elo o eveni, melai vota puliama sarueko sala.

1 Koriniti 2:9

Sokale avo inio ko Tabu ama Riki ta so kikola, “Aqasiele ama quli ko puliala kala pado maba lula o keako ni o viqako quli, ni ko puliala kala pado maba lula o kerukeruekako ikio ko quli lula Baṉara oma inainaekake tu o katimo se vo ke roquevani,” kikola.

2 Koriniti 1:5

Eṉeko omadeu vati elo kale vo Karisito eṉeta ṉeqai zomana kovo kubo voko tola poso ni so jari eṉeta mata ṉeqai zomana kovo vo Baṉara ko matuma patukato eṉeko omadeu vati elo vo Karisito.

2 Koriniti 1:7

So sole eṉeta ṉeqai uria nianiia koa meko kai zomano koa tola eṉeko tola poso, ni eṉeta ṉeqai nianiia ko Sokale avo inio me melai me qovou koa tauvezato ko eṉe ṉe qoako jari ama.

Qelesia 3:29

Meta vo Karisito ko mela, sole mea kiada mela inio vo Ebarahami ko vikuvikula kalea mela. Ni mea kiada mela inio me qoani mela vo Baṉara ko sidopu puto, vo Baṉara leveleveo o ikema Ebarahami kasi.

Qelesia 4:7

So inio erisaṉa meta pui mabaku mela, melai meta vo Baṉara ko meqora poso mela, ni vo Baṉara ta o katimelou me vo leveleveo o mela ikema, ako meta voko meqora poso mela sole.

Epesasi 3:6

Ni komi kio koa mutamuta kama vatolo: se pui Jiu amu ta se Jiu mu sate amu vo Baṉara ko mauruto kale, ni sea kiadamu ta omadeuvo ko omadeuma tupu kale ama kata poso jari amu ni ke kovou koa omadeuma leveleveo vo Baṉara o erekema vo Jisu Karisito kale.

Pilipai 1:29

Ako vo Baṉara inio o bokerimelani me tu me duvevo puevo vo Karisito melai mata vo inio o zarie-melani me tu olaquavo me elo meko va nabuluputo vo Karisito kale avo.

Pilipai 3:10

Ako aṉako matuma zario ta aṉata avai nianiiovou vo Karisito ni voko mata saevo voukale azo ko puratikako pizato, ni aṉata aqai zomanou voko tolailo, ni aṉata aqa zaria tu talio zoripato ko keve vo jari ti kobe lati baro aṉako vou.

Kolosi 1:24

Komia taku aṉata a doraeka ko tapata ni tola meko tauvemelo kale avo, melai aṉata ada zoleiva ako aṉako tolailo ta kokai zomana okotiko vo Karisito ko tola, ko vo o lainikema voko tauvemelo kale anime vo Baṉara ko maba madu mela.

Taitasi 3:7

tu voko pakiezato sama roquano kale animeta sidopu me elou Baṉara ko kelokelozato kale ni animeta me ṉeamukou ko noqola kama saevo ko meqai zuatako.

Hiburu 1:14

Sole loma madu inio se mateana madu? Sea kiadamu inio se auvana madu se keva nabuluputani pala vo Baṉara ni ke Soroini vokale tu ke tauvemo seke koani ko pakio.

Hiburu 1:2

melai komia tovatovama taku kale vota o pesiovi anime kasi vovo Meqora kale kude. Vokale kude Baṉara ta o ereke peuru ma peuru, ni vo inio vo Baṉara o pitoeveni tu lekasa oka elou kiadama quli Baṉara o erekema quli.

Hiburu 6:17

So sole so keru Baṉara oka zariovi keru uria kasa pueko ko vota maba pui opa besiekou voko vatolo seke kovo amu kasi vo oma inainaekema tu ke kovo, vota o vaekake ko kejo voko leveleveo topi.

Jemisi 2:5

Lolo poso, me a roquemelani mela, meta viqomo! Vo Baṉara ta lula o pitoema se peuru ma peuru kale ama ozaoza kamu tu seta piza kama oqu saṉa ke elo ni jiku ke iko vo Baṉara oma inainaekako quli voko lekasa puo kale seke roquevani vo.

1 Pita 1:4

So sole animeta meqa zuata Baṉara ko mauruto o maba poso mela ko ka kiovema. Ni Baṉara ta obe kati vaila me kaqe komia mauruto aukale, ni kota pui kopa sapeovou ni pui kaqa kopa elou ni pui kopa taka besiziovou koko ileile.

1 Pita 4:13

Melai meta zoleimo ako meta me qoa sole vo Karisito o koema tola jari ama tola. So inio meta me matu zoleilou so keru vo Karisito o vaitou keru voko pizato ni ṉaṉaidara sate.

Kelokelozato 21:7

Seke koqotaeko amu ko ruqe ta aṉata sevo Baṉara a elou ni seta aṉako meqora poso ke elou.

Kelokelozato 3:21

Nio seke koqotaeko amu ko ruqe ta a zariemou tu seta ke papuvou lekasa puilo aṉa sase aṉako papupapu topi, omadeuvo aṉa lula a qoqotate jari ni abeta papua lekasa puilo a Mama ko papupapu topi.