Romu 7:6 - BAṈARA KO VAIRU AMA LEVELEVEO

⁶ Melai erisaṉa animeta ruparupasia mela ko Mosese ko Bazu kasi azo, ako animeta lula meda vovi koa Bazu, koko piriemelema anime kale azo. Melai erisaṉa animeta pui mevai nabuluputa vo Baṉara koa lulama Bazu vo Mosese o rikiekema kale, melai vairu ama keve kale kude vo Tabu ala Auvana kale.

Romu 7:6 교차 참조

Romu 1:9

Aṉata ava nabuluputa vo Baṉara aṉako pado ama bulo sate kai bazubazuto kale vo Baṉara vo Meqora ko Uri ama Bazu. Ni vo Baṉara ta o rovea zomano aṉa a qasekako quli kale. Vota okai nianiia aṉako kerukeruemelo me

Romu 12:2

Meta pui lulueko komia ruqe ama peuru ma peuru kale amu ko kalo, melai meta zarievomo vo Baṉara meko bulo kale tu vota vairu o imelou me meko saevo ni kerukeru kale. So inio meta me roveovou paqumuko vo Baṉara ko vatolo—koa uri ama ni zoleilo sama ni sidopu ama vokasi.

Romu 6:11

Sokale avo meta kerukeruekomo ko meta vou mela jari inio sarueko vasia rana, melai mata omadeu saevo me eva vo Baṉara sase vo Jisu Karisito ko saevimelo kale me.

Romu 6:19

(Aṉata aqai pesia koa olu ama pesio meme uria paqumukake, ako meko paqumato ta lekuleku sole.) Kuleto meta me uria katiziovi tu pauvezato ni ruqe ko mabaku me eve tu ruqe ama iruruputo kaqe. Ni so jaria uria katizio emo erisaṉa sidopu ko mabaku elo kaqe tu Baṉara ko tabu ama iruruputo kaqe.

Romu 6:2

Maba pui! Animeta lula vou mela jari sarueko vasia rana sole soa saevo inio mebeta elou? Maba pui!

Romu 6:22

Melai erisaṉa meta lula meda rupasia sarueko kale azo ni meta vo Baṉara ko mabaku mela inio. Ni meta tabu meda eva meko saevo kale vokasi, ni koko reketekete ta noqola kama saevo.

Romu 6:4

Ni animeko bapitaiso elo kale animeta meqai zomana voko mutailo, tu vo Karisito ko mata saevo voukale azo vo Mama ko ṉaṉaidara kama pizato kale, animeta mata so jaria saevo me elou vairu ama saevo kale.

Romu 7:1

Me aṉako tamania kalea mela, meta me uria paqumukou aṉa a qaseko ama quli, ako mea kiada mela ta me baqumuka sole ko bazu. Maba poso ta ke eva ko bazu ko poro kale se kebeta saeva keru pala.

Romu 7:2

Keatini kama pado roroto ama reko, ta kota pirizia kovo lasive kale roroto ko bazu kale vo obeta saeva keru, melai vo o vouva keru kota kota rupasia koa bazu ko piri kale azo.

Romu 7:4

Sokale avo me, aṉako tamania kalea mela, Mosese ko Bazu kati vailo kale azo meta lula meda zomana vou vo Karisito sate, ni erisaṉa meta voko mela inio vo o saeveni voukale azo, tu animeta me uria va nabuluputou vo Baṉara.

2 Koriniti 3:6

Vo inio bokao saṉa o iṉela tu ṉeva nabuluputo vo eṉeko kai bazuto kale voko vaini ama leveleveo. Komia vairu ama leveleveo kale animeta pui me zorika kama bazu koko rikiziako, melai kota Baṉara ko Auvana kio me zorika. Koa lula ko rikiziovima Bazu ta ko kati kueva ko vou, melai vo Baṉara ko Auvana ta ko puarika ko noqola kama saevo.

2 Koriniti 5:17

So keru kala maba omadeu o vati eva keru vo Karisito inio vota kala pado vairu ala maba o eva; ko tana kama saevo ta kota paloasa, ni vairu ama saevo ta ko besieka.

Qelesia 3:13

So inio vo Mosese ko Bazu ta levezo saṉa ko imele anime, melai vo Karisito inio ota mela ṉamuke koa levezo, ni o besiemele anime koa levezo ko zaekale azo. Ako ko Tabu ama Riki kikovevo ta eri nio sole, “Seke soilo amu ore topi ta keta leveziovou,” kikovema.

Qelesia 6:15

Ako vo Baṉara ko kelokelozato kale vo maba ta o moveilou ma pui o moveilou melai kota pui matuma quli. Melai ko matuma quli ta vo maba ta vairu o elou voko saevo kale Tabu ala Auvana ko pizato kale.

Epesasi 4:24

ni vairu ama maba poso emo vo Baṉara okai zariani jari. Ako vota o mela zaria anime tu sidopu ni tabu me elou animeko lulueko kale ko Uri ama Bazu ko tuveano sole.

Pilipai 3:3

Ako anime inio tuvevo avole vo Baṉara ko mela anime me ilusivani mela vo Baṉara voko Auvana kale ni anime meqai rauraivani mela animeko omadeu vati elo vo Jisu Karisito, ni pui me qerukeruekani mela ta Baṉara ta sidopu mela kiola animeko tupu kale ama saevo kale avo.

Kolosi 3:10

ni meta lula vairu meda eva erisaṉa. Baṉara ta o ereke ni vairu o ike komia saevo me tona, ni vota pui o lalamata vairu imelo me o ṉavi jari, tu meta mevai uria nianiiovou vo.