Romu 7:5 - BAṈARA KO VAIRU AMA LEVELEVEO

⁵ Ako puliako anime lilizio sarueko kale azo, inio koa sarueko, ko Mosese ko Bazu ko pizatikema, ta ko irurupute animeko saevo kale, ni animeta me uria ka nabulupute ko vou.

Romu 7:5 교차 참조

Matiu 15:19

Ako vo maba ko bulo kale azo inio ko saqora voko ruqe ama vatolo tu vota o vouvato ni o zavemato ni o pauvezato ni o kuilo, ni o lipalipato, ni o sekeseketato sole.

Jone 3:6

Ako tupu kale ama alilo ta tupu ko pala, melai vo Baṉara vo Auvana kale ama alilo ta Auvana ko.

Romu 1:26

Sokale inio vo Baṉara ta o vaemake se seko ruqe ama viluloqu kale. Ako se rekoreko melai ke besieka koa uri ama iruruputo seko pauvezato kale ni seta ruqe ke ika ko.

Romu 3:20

Ako puliala ta o rovea sidopu puilo vo Baṉara ko kelokelozato kale ko Bazu kikolani ko lulueko kale; melai ko Bazu ko nianiiekato kale inio vo maba ta o vakakuka voko sarueko.

Romu 4:15

Ako ko Bazu ta ko puratika vo Baṉara ko iqailo, melai sai puliama bazu sakoi, ta puliama bazu ko bikoiriko sakoi.

Romu 5:20

Ko Bazu ta ko kuevake tu ko ruqe ama iruruputo ta ko rapuko, melai sai ko ruqe ko rapukekoi, sai nio vo Baṉara ko pakiezato sama roquano ta ko matu rapukake.

Romu 6:13

Meko pado ama saevo ta pui katiko ko sarueko tu koa sarueko ta kokai iruruputo ruqe ama kerukeru ni kalo kale. Melai meta katiziomo me ṉavi vo Baṉara kasi ako meta mata me jaevani mela sole voukale azo, ni meta katikomo meko pado ama saevo tu kai iruruputomo ko vo Baṉara ko sidopu ama kerukeru ni kalo kale.

Romu 6:19

(Aṉata aqai pesia koa olu ama pesio meme uria paqumukake, ako meko paqumato ta lekuleku sole.) Kuleto meta me uria katiziovi tu pauvezato ni ruqe ko mabaku me eve tu ruqe ama iruruputo kaqe. Ni so jaria uria katizio emo erisaṉa sidopu ko mabaku elo kaqe tu Baṉara ko tabu ama iruruputo kaqe.

Romu 6:21

Loma ikio meme qoema meko ereko kale koa iruruputo, ko erisaṉa ko quratimelako me? Koa iruruputo ko reketekete ta vou sole!

Romu 6:23

Ako ko sarueko ko reketekete ta vou; melai vo Baṉara ko tatabara pide ama katizato ta noqola kama saevo tu animeta omadeu me elou vo Jisu Karisito sase vo animevo Lekasa.

Romu 7:23

Melai aṉata a qea edoloma bazu aṉako saevo kale ama koko pazokake koa aṉako kerukeru ko tuvevo ko ikako bazu. Kota ko piriela aṉa sarueko ko bazu kale koko iruruputako aṉako tupu kale.

1 Koriniti 15:56

Vou ko tolato ko pizato ta sarueko kale azo inio ko kueva, ni ko sarueko ta ko koa koko pizato Mosese ko Bazu kasi azo.

2 Koriniti 10:3

Tuvevo eṉeta ṉe eva komia ruqe ama peuru ma peuru kale, melai eṉeta pui ṉe qati pazokinia ko ruqe omadeuvo komia peuru ma peuru kale amu ke mati pazokinia jari seko kana madu.

Qelesia 3:10

Melai se kekai qaraqaraivani Mosese ko Bazu ko lulueko kikelani ta ke leveziovou, ako ko Tabu ama Riki kikovevo ta eri nio sole, “Vo pui o lulueko ala koa kiadama Bazu koko rikiziovima vo Mosese ko Bazu kale ama ta o leveziovou,” kikovema.

Qelesia 5:24

Ni anime vo Jisu Karisito ko maba madu mela ta lula me vaekani mela animeko bulo kale ama ruqe ama kerukeru kokai zariako kalo ni saevo, omadeuvo animeta me batoeka jari koa kalo ni saevo korosi topi.

Epesasi 2:11

So sole me pui Jiu mu mela meko alilo kale, meta kerukeruekomo ko eri. Se Jiu mu ta ke melai kuirika meta pui me moveivani mela, melai ke ṉavi nio ke moveivani nio kikelani. Melai koa moveilo ta maba ko erekako tupu kale ama pala ikio.

Epesasi 2:3

Melai koko paloasako taku kale animea kiada mela ta se kekai saevako saevo jaria saevo me eve. Ni animeko elo kale animeta meqai zariovi zoleko animeko saevo boutare kale, ni animeta me lulueke animeko tupu ni kerukeru kokai zariako quli. Ni animeta meda tolailo nio vo Baṉara ko korakorailo kale me ṉaviko kalo kale sole, omadeuvo sea ruqe ama maba poso jari.

Kolosi 3:5

Vaekomo ereko ko ruqe ama quli komia miduku kale ama, zave ni rusurusuavo, ni takuto, ni olavo, ni pazapazailo, ni ruqe ama viluloqu, ni kiadailo, ako kiadailo ta kama pado keve beku ko ilusiko ko sole.

Taitasi 3:3

Ako lulavo animeta sarubea mela, bikoirato ko maba mela, ni me jaruini mela. Animeta viluloqu me eve ni azaazama ni utube ama zoleilo me ereke. Ni me ṉamuke ko taku animeko ruqe ama iruruputo ni konoilo kale, ni se maba poso ta ke melai kaikuape anime ni animeta memai kaikuape se maba poso.

Jemisi 1:15

Nio voko ruqe ama zario ko sukata keru, saruilo ta ko purata, ni voko sarueko poso, so keru koko rapuka keru, ta ko vouvaevou vo, auvana ni tupu kale.

Jemisi 4:1

Loma ikio koko raki koa kiadama pazokinio ni aivekinio meme erekako me ṉavio kude? Kota meko bulo kale ama ruqe ama zario kale azo ko kuevako.

1 Jone 3:4

So keru vo maba sarueko o ereka keru, vota o pazoka inio vo Baṉara ko bazu. Ako sarueko ko ereko ta vo Baṉara ko bazu ko pazoko ikio sole.