Romu 7:14 - BAṈARA KO VAIRU AMA LEVELEVEO

¹⁴ Animeta meqai nianiia ko Mosese ko Bazu ta auvana ko quli kio; melai aṉata kala maba lala tupu kale a jaevani lala, ni lula sarueko ko mabaku a evani lala.

Romu 7:14 교차 참조

Matiu 16:23

Nio Jisu ta o vati lilitake vo Pita ni eri va kiolake, “Ose Setani! Aṉata so ṉa kiala ako ṉo dizaekou kiṉola sole aṉako keve. Ni koa kerukeru ta pui vo Baṉara kasi azo ko kuevako sole, melai maba kasi azo,” kiolake vo Jisu.

Matiu 18:25

Nio voa nabulu ta pui o rovea besieko mata koa takula. So sole voa lekasa ta o soruemake kake voko nabulu poso tu seta kevai tatabarao voa maba, ni voko reko ni voko meqora poso mabaku kaqe.

Matiu 5:22

Melai aṉata a bazuemela me, kala ta ovai korakorailou vovo lolo ta vo Baṉara inio o titizivou vo, ni kala ta o ruqe kasevou vovo lolo ta vota o titiziovou vo Baṉara ko matu raura kama titizato kale. Melai kala ta ovai korakorailou vovo lolo, ni vota ovai kuirikou ta vota kutumana kala, ta vo o korakoraivani ta o male tu ko qoloevou ko heli ko uza.

Matiu 5:28

Melai aṉata a bazuemela me, kala ta okai pazapazailou kama edoloma reko, ta vota lula ota zavemata voko kerukeru kale.

Luke 5:8

Nio so keru Saimone Pita o kea keru ko quli ko ereima, vota o iqeiqeake Jisu ko kuleto ni eri kiolake, “Ola aṉa kasi azo Lekasa! Aṉata sarueko salala sole,” kiolake.

Luke 7:6

So sole Jisu ta o olake se sate. Ni vo sipole o baroa keru koa pade kasi inio voa sirula ta o soroemake kake voko baerebaere poso tu kepa vai bazueko vo Jisu ko eri kio, “Tanala, ṉota pui jairozo kilo, ako aṉata pui ko malea lala tu ṉota ṉo qilo aṉako pade kasi sole.

Romu 3:9

Uri, tani, eṉe Jiu amu ṉela ta sidopua ṉela vo Baṉara ko vilu kasa kobe kai paloasa se pui Jiu amu ko sidopu, kio? Maba pui! Aṉata lula uria zakaremu a mela ika ko se Jiu amu ni se pui Jiu amu ta kebeta eva muli sarueko ni ruqe ko pizato kale.

Romu 6:6

Ako animeta meqai nianiia komi quli sole, ko animeko lulama saevo ta lula ko zomane vo Karisito ko vou sase korosi topi, tu animeko lulama saevo ko sarueko ta pizato pide ko elo, tu animeta pui sarueko ko mabaku me elou.

Romu 7:18

A vakakuka ta ko sidopu ta puliama aṉako tupu kale ama saevo kale. Ako sidopu ko ereko ko vatolo ta kobe elou aṉa tona melai, aṉata pui a roveovou ereko ko.

Qelesia 4:3

Ni anime melai so inio lula animeta se meqora poso jari. Puliako Karisito kilo animeta mabaku jari me evake animeko vai nabuluputo kale vo Baṉara piza kama bazu poso ko lulueko kale.

Epesasi 3:8

Ako aṉa inio matu zara kalala sole se vo Baṉara ko maba madu kasi azo. Melai vo Baṉara ta o katilake aṉa komia puaro; vota o katilake komia sake tu aṉa inio amai bazuekoa lala se pui Jiu amu vo Karisito ko aqasiele ama Uri ama Bazu, ko puliala opa roveovo ama podetiko.

Hiburu 4:12

Ako vo Baṉara ko pesio ta saevoma ni piza kama, ni kota kokai paloasa ko omuqa rana ivoivo ama benisi ko ivo. Kota tutumazi avole ko jataeka omele ama saevo ni auvana maba ko saevo kale ama. Kota kasa ko ika vo maba ko mutamuta kama vatolo ni kerukeru poso voko bulo kale ama.