Romu 6:16 - BAṈARA KO VAIRU AMA LEVELEVEO

¹⁶ Ako meta lula me baqumuka ko meta kama mabaku mela inio kio meko zoriko kale kala maba kiolani, so sole meta voa lekasa vo meme zorivani ko mabaku mela inio. Kake mela ta ko sarueko ko mabaku mela inio, ko vou sama, kake mela ta zoripato ko mabaku mela, ko sidopu ko imelako me vo Baṉara ko kelokelozato kale.

Romu 6:16 교차 참조

Matiu 20:4

Sole vota o soroemake se tu seta kepa iruruputo voko vaini kiaro kale ni vota o tabarimou se koko male ama tabara kale, ni seta keta olake iruruputole.

Matiu 6:24

Nio vo Jisu ta obeta olake bazubazuto ni eri kiolake sekasi, “Puliala nabulu ta opa roveovou ka nabulupute omuqa lekasa. Vota o roquevou kala ni ovai keduvou kala. Vota ovai masapou kala, ni vota dikidauputole ova nabuluputou kala. Omadeuvo so jari nio meta pui meba roveovou omadeu ilusiko Baṉara ni batiro.

Jone 8:34

Nio Jisu ta eri kiolake sekasi, “Tuvevo avole aṉata a bazuemela me, vo o erekani ko sarueko poso ta sarueko vo mabaku.

Romu 11:2

Vo Baṉara ta pui opa ṉamume o ṉaviko maba madu, se lula o pitoemeni koko tanitanila keru. Meta meqai nianiia Ilaija okai pesiovima quli, koko kasekako kale, so keru vo o olaquapute keru Baṉara kasi se Izireli qoqono mai buzaro kale:

Romu 12:1

So sole, me aṉako tamania kalea mela, vo Baṉara ko matuma roquano ko kio kale avo aṉata a melai titia me, tu meta kativomo vo Baṉara meko saevo, saevoma siqasiqa jari, ni tabu emo vo va nabuluputo kale voko zolevo kale. Ko ikio koa tuvevo ama ilusato ko meme qativo ama vo.

Romu 6:17

Melai aṉata a ilusiva vo Baṉara, ako kuleto meta ko sarueko ko mabaku mela melai erisaṉa meta lula me zorika meko pado ama bulo sate koa tuveano sama nianiiekato ko me viqema.

1 Koriniti 3:16

Meta pui nio me baqumuka ko me inio vo Baṉara ko Jelepade mela ni ko Baṉara ko Auvana ta ko melai loiva me, kio?

1 Koriniti 5:6

Meta pui me male aikailo! Meta meqai nianiia koa pesio so kikolako, “Matu silo pala isiti kio ko rovea rapukiko ko palava volevole.”

1 Koriniti 6:2

Ṉota pui ṉo baqumuka ko vo Baṉara ko maba madu mela inio me ditizimo amu komia peuru ma peuru kale amu kio? Noi nio, meta me ditizimou peuru ma peuru kale amu, melai meta pui me male korotiko kama silo ama tapata kio?

1 Koriniti 6:3

Meta pui meqai nianiia ko anime inio me ditizimoa mela se mateana madu kio? So sole animeta maba me male tu me qorotiko komia saevo kale ko ereivako quli!

1 Koriniti 6:9

Meta pui nio meqai nianiia se ruqe amu ta pui kepa amaqeovou vo Baṉara ko lekasa puo kale? Meta me uria paqumukou komi; pui se olavo amu, ni pui seke ilusikani ko beku ni pui seke zavematani ni pui se lasive amu ke ṉavio kude ke pauvekani ruqe ama iruruputo,

1 Koriniti 9:13

Tuvevo avole meta meqai nianiia ko sea maba madu seke iruruputani Jelepade kale ta ke koa seko sailao Jelepade kale azo, ni seke iruruputani siqato ko sara kale ta ke koani seko kena koa siqato kale azo.

1 Koriniti 9:24

Tuvevo meta memai nianiia kubo rereo ko maba madu ta kekai zomana ko rereo voziekinio, melai kala pado se azo inio o koani ko tabara. Sole meta soa saevo emo tu meta me qovou ko tabara vo Baṉara kasi azo ama!

2 Pita 2:19

Ni seta leveleveo ke mati ika ko rupasio melai ke ṉavi ta pui ke rupasia ko quli koko niumaemo ama quli kasi azo, ako vo maba ta mabaku oka eva sole ko quli vo o lekasa puekako quli voko saevo kale.