Romu 6:14 - BAṈARA KO VAIRU AMA LEVELEVEO

¹⁴ Koa sarueko ta maba pui ko lekasa puilou meko saevo kale, ako meta pui bazu ko poro kale me evani mela sole, melai meta me eva vo Baṉara ko pakiezato sama roquano kale.

Romu 6:14 교차 참조

Matiu 1:21

Kota ko alilivou kala meqora ni ṉota ṉovai nokaekou o ṉi ta Jisu, ako vo inio vo o pakiemo ala se maba poso seko sarueko poso kale azo sole,” kiolake.

Jone 1:14

Ni voa Bazu ta maba o evake, ni vota o loivake eṉe kasi. Ni eṉeta ṉeda va keve voko ṉaṉaidara ko kokai sukatema ko roquano ni tuveano. Ko ikio koa ṉaṉaidara vo Mama vo pado Meqora okai evema.

Jone 1:17

Vo Baṉara ko lulama bazu ta ko katiziovi Mosese kale kude, melai roquano ni tuveano ta ko katiziake Jisu Karisito kale kude.

Jone 8:36

So sole vo Meqora ta o rupasimelou me, inio meta tuvevoa ruparupasia mela me elou.

Romu 11:6

Voko pitoto ko raki ta voko pakiezato sama roquano ikio ni pui seke erekako quli. Ako vo Baṉara ko pitoto ko raki ta maba ko erekako quli tea, voko pakiezato sama roquano ta pui tuvevo ama puaro ni katizato ikio kopa elo.

Romu 4:16

So sole oqu tona inio koko raki ko leveleveo, tu koa leveleveo ta matu vinavina ko elou, vo Baṉara ko utuakoi zama puaro kale vo Ebarahami ko vikuvikula madu kasi, pui seke zorikani pala ko Bazu, melai se vo Ebarahami jaria oqu ke evani kasi. Ako vo Ebarahami ta animea kiada mela vo auvana kale ala taite sole;

Romu 5:17

Tuvevo avole omadeu maba ko sarueko kale ko vou ta ko eve vo o erekema sarueko kale. Melai ko kobe qulepako ta omadeu maba Jisu Karisito o erekema quli ko puratikako. Ako kiadamu seke koani vo Baṉara ko palopaloasi ama roquano ni se sidopu ke evani voko kelokelozato kale ta ke raurailou noqola kama saevo kale vo Jisu Karisito kale.

Romu 5:18

So sole koa omadeu pado sarueko kale kiadamu ta kuiripato saṉa ke evake, melai mata omadeu pado sidopu ama iruruputo vo Karisito o erekema kale inio Baṉara ta o rovea sidopu ma kio kiadamu tu koma puarizio ko noqola kama saevo.

Romu 6:12

Meta pui zarieko ko sarueko tu kota lekasa ko elo meko miduku kale ama saevo kale, ni meta pui zoriko ko sarueko ko vatolo kikolani.

Romu 6:15

Sole, noi nio? Animeta me jaruekou, ako animeta pui bazu ko poro kalea mela, melai vo Baṉara ko pakiezato sama roquano kalea mela sole, kio? Maba pui ti pui!

Romu 8:12

A visi poso, animeta kama koidi samela, tu pui me lulueko ko tupu kale ama saevo koka zariako quli tu me ereko.

Romu 8:2

Ako vo Tabu ala Auvana ko bazu, ko anime omadeu saevo ko imelako vo Jisu Karisito sase, ta lula ko rupasile aṉa sarueko ni vou ko bazu kale azo.

Qelesia 3:23

Ni puliako komia oqu kilo, eṉea Jiua ṉela ta ṉe biriziovi Mosese ko Bazu kale, ni eṉeta pui ruparupasia ṉela ti kobeta baroake vo Baṉara ko ṉela kaseko ko oqu ko kalo.

Qelesia 4:21

Me mebe kai zariani mela elo vo Mosese ko Bazu ko vima ta bazuelomo, meta meqai nianiia koa Bazu kikolani, ma?

Qelesia 5:18

Melai meta me zarievou vo Baṉara vo Auvana tu o odiemelou me, so inio kasa ko elou ta meta pui vo Mosese ko Bazu kale me evani mela.

Taitasi 2:14

Vota o katiziovi tu o vou anime kaqe, tu o mela tabariko animeko rupasio kiadama ruqe kale azo ni o saqaemelo anime tu o ṉaviko qoqono mela me elo ni dikidauputole me ereko ko uri.

Hiburu 8:10

Nio mata eri kiolake vo Baṉara, “Komi kio koa leveleveo ko aṉa a ereko ama se Izireli amu kasi ko kilo ama ṉaniu poso kale, ko eri: aṉata amai nianiiekikou se aṉako bazu poso ni aṉata a rikiekou ko seko bulo poso kale. Ni aṉata sevo Baṉara a elou, ni seta aṉako madu ke elou.