Romu 6:10 - BAṈARA KO VAIRU AMA LEVELEVEO

¹⁰ Nio so inio, vota o vovi, ni vota o koqotaeke ko sarueko ko pizato, ni erisaṉa vota omadeu saevo o eva vo Baṉara sase.

Romu 6:10 교차 참조

Luke 20:38

Vota se saevomu vo Baṉara, pui se voumu vo, ako kiadamu ta ke saeva voko rana sole,” kiolake.

Romu 6:11

Sokale avo meta kerukeruekomo ko meta vou mela jari inio sarueko vasia rana, melai mata omadeu saevo me eva vo Baṉara sase vo Jisu Karisito ko saevimelo kale me.

Romu 6:9

Animeta me vakakuka ta vo Baṉara ta lula o saevive vo Jisu voukale azo, ni vota mata pui opa tova vouvou. Ko vou ta pui lekasa kopa va elou.

Romu 8:3

Ko ikio vo Mosese ko Bazu pui kopa roveovima ereko, ako tupu kale ama saevo ta lekuleku sole, melai vo Baṉara ta o roveovi ereko ko. Vo Baṉara ta o titizikake ko sarueko so keru vovo Meqora o vovi ni sarueko ko siqasiqa o eve keru. Sokale avo inio vo Baṉara ta o soroeve vovo Meqora, vo o kuevini ni anime jaria maba elo o eveni, melai vota puliama sarueko sala.

2 Koriniti 5:15

Vota o vovi kiadamu kaqe tu kiadamu seke koani ko saevo vo o puarikako ta ke epezou saevo ke ṉaviko zario kaqe, melai vo kaqe inio seta ke saevou, vo lula oma vovini ni mata oma tova saevani voukale azo.

2 Koriniti 5:21

Ako vo Karisito ta sarueko pide ala melai animeko pakiemelo kaqe inio vo Baṉara ta animevo sarueko ko besibesi o ivake vo tu animeta omadeu me elo vo tona ni me qovou vo Baṉara o puarikako sidopu.

1 Pita 3:18

Ako vo Karisito ta sidopu ala melai vota o mela vovi animea ruqea mela omadeu taku ko kiada ni vota o mela vovi anime tu o odiemelo anime Baṉara kasi. Ni vota ke vouvaeve tupu ko saevo kale melai ota saeve auvana kale.

1 Pita 4:6

Sokale avo inio ko Uri ama Bazu ta ko pikairiovi se voumu kasi melai, tu koa Uri ama Bazu koko pikairiovima sekasi ta ko bokerimo se tu ke saevo auvana kale ama saevo vo Baṉara ko saevo jari ama, rouka seko voukale seta kebeta titiziake kiadama maba poso jari melai.