Romu 5:8 - BAṈARA KO VAIRU AMA LEVELEVEO

⁸ Melai vo Baṉara ta lula kasa o ika voko roquemelo anime komi kale; anime sarueko kale mebeta eve keru inio Karisito ta o mela vouvake.

Romu 5:8 교차 참조

Jone 15:13

Ako puliama roquano ta kota ka qulepa tu kala maba ta oma vou voko baerebaere poso.

Jone 3:16

Ako vo Baṉara ta o matu roqueme se peuru ma peuru kale amu, so sole vota o soroelake aṉa vovo pado Meqora lala, tu se kelai keruvo amu aṉa ta pui kepa noqola tolailou heli kale, melai seta ke kovou ko noqola kama saevo.

Romu 3:5

Melai esa kala ta eri kiovou, “Animeko ruqe ta kasa ko ika vo Baṉara ko sidopu,” kiovou, ta noi nio kimevou anime? Ta esa Baṉara inio pui sidopu ala vo o melai koqotaeka keru animeko ruqe kimevou, kio? (Kota se maba poso be kikevoavo kuimanao nio.)

Romu 4:25

Ako Baṉara ta o soruevake vo tu okai vou animeko sarueko ni o saevivake vo tu animeta sidopu me elo vo Baṉara ko vilu kasa.

Romu 5:20

Ko Bazu ta ko kuevake tu ko ruqe ama iruruputo ta ko rapuko, melai sai ko ruqe ko rapukekoi, sai nio vo Baṉara ko pakiezato sama roquano ta ko matu rapukake.

Romu 5:6

Ako so keru anime pizato pidea mela me eve keru, inio Karisito ta o mela vovi anime ruqea mela koa taku vo Baṉara o pitoekema kale.

Romu 5:7

Tapata ikio tu kala maba ta ova vou kala sidopu ala maba. Melai esa kala parani ala maba ta ota roveovou va vou kala uri ala maba.

Romu 8:32

Tuvevo avole vo Baṉara ta pui, ako vota pui opa kaitive vovo pado Meqora, melai vota o puarive animea kiada mela kaqe! Vota lula o katimele anime vovo pado Meqora, so sole vota mata pui opa mela zariekou utuakoi katimelo anime kiadama uri ama quli, kio? Zio, vota pui opa kaitikou!

Romu 8:39

pui peuru ma peuru ko topi vasi ko evako quli ni koko vima ko evako quli —pui koa kiadama quli vo Baṉara o erekema peuru ma peuru kale ikio kopa pitasimelou anime vo Baṉara ko roquano kasi azo vo o mela puarikema vo animevo Lekasa Jisu Karisito kale kude.

Qelesia 2:20

ni erisaṉa aṉata pui aqai saeva a ṉaviko saevo melai aqai saeva vo Karisito ko saevo vo o saevani aṉa tona. Ni aṉako erisaṉama saevo kale aṉata avai oqua vo Baṉara vo Meqora vo o roqueleni ni ola vovini aṉa.

Epesasi 2:7

Ni vota o erekake komi quli tu kiadama maba madu ta ke kelou ko kuevako taku kale noi tinia aqasiele ama ikio voko pakiezato sama roquano. Ako koa pakiezato sama roquano ta noqola kasa ko eve sole voko roquemelo kale anime omadeu me vati evani mela vo Jisu Karisito.

Epesasi 5:2

Ni saevomo roquano kale, ni roquemomo edolomu, omadeuvo vo Karisito ta o roquemele anime jari ni vota pui opa kaitiziovi tu o vou anime kaqe. So inio vota matu uria tui ala katizato ni siqasiqa o eveni Baṉara kasi.

1 Timoti 1:16

melai vo Baṉara inio akoezato saṉa o ile ti vo Jisu Karisito ta kasa o ike voko inobea taruano aṉa palopaloasia ruqea lala ko saevo kale, tu kota kama pado mamola kaqe se mainio kepa tuvevo puto amu kasi, seke kovo amu ko noqola kama saevo.

Hiburu 8:3

Kiadama Ṉisa Siama madu ta ke pitoivake tu seta ke kativo vo Baṉara katizato poso ni biaṉa kale ama siqasiqa, so sole animevo Ṉisa Siama melai o puariko kama quli vo Baṉara kasi.

1 Pita 3:18

Ako vo Karisito ta sidopu ala melai vota o mela vovi animea ruqea mela omadeu taku ko kiada ni vota o mela vovi anime tu o odiemelo anime Baṉara kasi. Ni vota ke vouvaeve tupu ko saevo kale melai ota saeve auvana kale.

1 Jone 3:16

Ni eri nio anime meqai nianiiani ko tuvevo ama roquano: vo Jisu ta pui opa kaitike o ṉaviko saevo voko mela voukale anime. So sole anime melai me qatimo animeko saevo animeko baerebaere poso.