Romu 4:18 - BAṈARA KO VAIRU AMA LEVELEVEO

¹⁸ So keru ta kubo quli ta kota roveo nio niumaeko vo Ebarahami ko kerukeru melai vota o tuvevo puevake ni ovai kerui vo Baṉara, nio vota “kubo toutou poso vo taite” o evake. Omadeuvo ko Tabu ama Riki kikovevo jari, “Noko vikuvikula ta omadeuvo ko suti poso jaria kubo ko elou.”

Romu 4:18 교차 참조

Luke 1:18

Nio Zekaraia ta pui tuvevo opa ike nio eri kiolake voa mateana kasi, “Nonia nianiio nio aqai elou ta kota so ko kalou? Ako aṉata kala qole ala maba lala ni aṉako reko melai so qole ama sole,” kiolake.

Iruruputo 27:25

So sole pui ṉalo, meva! Ako aṉata avai kerua vo Baṉara ta ko quli vo aṉa olai bazuekako quli ta ko ereilou.

Romu 4:17

omadeuvo ko Tabu ama Riki kikolani jari, “Aṉata taite a iṉa ṉo kubo toutou poso vo ṉa.” So sole koa leveleveo ta uri ama vo Baṉara ko vilu kasa, vo Ebarahami ovai oquini—voa Baṉara vo o saevimani se voumu, ni voko bazu kale o puratikani ko pui kopa ereima quli.

Romu 4:19

Koa taku keru vota sipole omadeu paizana sabere ala, melai voko oqu ta pui lekuleku ko evake, so keru voko tupu ta matu lekuleku ama ni vota pui o malezikake tu ereko ko meqora, ni Sera melai pui ko male kovo ko meqora.

Romu 5:5

Ni koa keru ta pui quraqurati ama quli anime kasi, ako Baṉara ta lula o raibike voko roquano animeko bulo poso kale vo Tabu ala Auvana kale, vo lula o katiziovini tu anime kaqe.

Romu 8:24

Ako koa zuato kale inio animeta me bakiovi, melai animeta lula me qoa ko quli anime me zuatikako tea, ta pui tuvevo ama zuato ikio. Ako puliala ta o zuatika ko vo lula o koako quli sole.

Hiburu 6:19

Koa keru animeko ta animeko saevo poso ko titi. Kota vinavina ni tuvevo ama, kokale animeta me amaqea koa suma otu kale kude koa Matu Tabu ama Zae ko poro kale, sai Baṉara o evakoi.