Romu 4:15 - BAṈARA KO VAIRU AMA LEVELEVEO

¹⁵ Ako ko Bazu ta ko puratika vo Baṉara ko iqailo, melai sai puliama bazu sakoi, ta puliama bazu ko bikoiriko sakoi.

Romu 4:15 교차 참조

Jone 15:22

Ni aṉata pui aba kuevi bazubazuemole se tea, seta puliama sarueko samu inio. Melai erisaṉa ta lula a bazubazuema se ni seta pui kepa kamikou seko sarueko.

Jone 3:36

Vo tuvevo o ivani vo Meqora ta noqola kama saevo sala, melai vo pui o zorivani vo Meqora ta pui opa kovou ko saevo, melai vo Baṉara ko korakorailo ta noqola ko elou vo tona kiada keru.

Romu 1:17

Ako ko Uri ama Bazu ta kasa ko ika vo Baṉara ko sidopu imo se maba poso o ṉaviko vilu kasa: kota oqu ko kiada kale inio. Omadeuvo ko Tabu ama Riki kikovevo jari, “Voa maba voko oqu kale sidopu va kiolani vo Baṉara, vo o kiada inio o saevou.”

Romu 5:13

Ko sarueko ta ko eve peuru ma peuru puliako ko Bazu katizio, melai puliako ko Bazu elo ko sarueko ta pui kopa mamola pui.

1 Koriniti 15:56

Vou ko tolato ko pizato ta sarueko kale azo inio ko kueva, ni ko sarueko ta ko koa koko pizato Mosese ko Bazu kasi azo.

Qelesia 3:10

Melai se kekai qaraqaraivani Mosese ko Bazu ko lulueko kikelani ta ke leveziovou, ako ko Tabu ama Riki kikovevo ta eri nio sole, “Vo pui o lulueko ala koa kiadama Bazu koko rikiziovima vo Mosese ko Bazu kale ama ta o leveziovou,” kikovema.

Qelesia 3:19

So sole loma quli kaqe inio vo Mosese ko Bazu? Kota eri nio. Koa Bazu ta ko katiziovi anime kasi tu ko mela kaseko ko saruilo anime me erekako. Ni kota pizato saṉa kobeta evake ti kobeta baroi voa pado Ebarahami vo vikuvikula kale ala kasi vo Baṉara o kaseveni. Ni se mateana madu inio ke koeni koa Bazu ni se inio ke kativeni vo Mosese vo oma pesiovini maba madu ni vo inio o katime koa Bazu. Sole Mosese ta kala tianiala maba o eve.

Epesasi 5:6

Ni meta pui zariemo kake tu ke saruemelo me lipalipa kama bazu kale. Ako koa boutare poso aṉa abe kasekako kale avo inio vo Baṉara ko korakorailo ta komai barolou sole se pui ke zoripatani.

Kolosi 3:6

Soama quli kale inio vo Baṉara ko koqotato sama korakorailo ta ko kilou sea maba poso kasi se pui ke zorivani vo.

1 Jone 3:4

So keru vo maba sarueko o ereka keru, vota o pazoka inio vo Baṉara ko bazu. Ako sarueko ko ereko ta vo Baṉara ko bazu ko pazoko ikio sole.

Kelokelozato 19:15

Matu ivo ama benisi ta ko saqorake voko suto kale kude, ko okai koqotaeko ama kiadama peuru ma peuru kale ama qoqono poso. Vota kade ala lekasa oma elou voko aeani daṉa sase, ni vota o vouvaemou se, vo Kiadama Pizato sala Baṉara ko matuma iqailo sama korakorailo kale omadeuvo kala maba ota ka zuzuekani vaini ko epa ko ju jari.