Romu 3:5 - BAṈARA KO VAIRU AMA LEVELEVEO

⁵ Melai esa kala ta eri kiovou, “Animeko ruqe ta kasa ko ika vo Baṉara ko sidopu,” kiovou, ta noi nio kimevou anime? Ta esa Baṉara inio pui sidopu ala vo o melai koqotaeka keru animeko ruqe kimevou, kio? (Kota se maba poso be kikevoavo kuimanao nio.)

Romu 3:5 교차 참조

Romu 12:19

A baerebaere poso mela, meta pui me erekou ko vaitotola sama quli, melai vaekomo tu vo Baṉara ko korakorailo ta ko korotiko. Omadeuvo ko Tabu ama Riki kikolani jari, “Aṉa inio vaitotola salala, ni aṉata a erekou ko, kiola vo Baṉara,” kikolako.

Romu 2:5

Melai ṉota lado buloa laṉa so sole ṉota ṉo badoeka ṉo ṉavi vo Baṉara ko korakorailo so keru koa matuma ṉaniu voko sidopu ama titizato ko elou keru.

Romu 3:19

Animeta me baqumuka ko Bazu kikolani ta ko kaseiva sea kiadamu kasi, se koa Bazu ko pizato kale ke evani, tu kota ko epeziko maba poso kati zolio seko ruqe, tu pado ama peuru ma peuru kale amu ta ke elo vo Baṉara ko titizato kale.

Romu 3:7

Melai mata kala ta esa eri kiovou, “Aṉako lipalipato kale inio kasa ko eva vo Baṉara ko tuveano ni voko ṉaṉaidara puevo. Sole noi sole inio aṉata kobe lai kuirizia koa ruqe?” kiovou.

Romu 4:1

Sole noi nio ka kiavoavo vo eṉe Jiu amu ṉela vo kuleto ala taite Ebarahami ko saevo kale ko ereima quli ko podepodeti?

Romu 5:8

Melai vo Baṉara ta lula kasa o ika voko roquemelo anime komi kale; anime sarueko kale mebeta eve keru inio Karisito ta o mela vouvake.

Romu 6:1

Sole noi nio anime kimevo avo mata? Animeta mebeta elo sarueko kale tu vo Baṉara ko pakiezato sama roquano ta ko rapuko, kio?

Romu 6:19

(Aṉata aqai pesia koa olu ama pesio meme uria paqumukake, ako meko paqumato ta lekuleku sole.) Kuleto meta me uria katiziovi tu pauvezato ni ruqe ko mabaku me eve tu ruqe ama iruruputo kaqe. Ni so jaria uria katizio emo erisaṉa sidopu ko mabaku elo kaqe tu Baṉara ko tabu ama iruruputo kaqe.

Romu 7:7

Noi nio mata kimevou, vo Mosese ko Bazu ta sarueko ikio kimevou kio? Maba pui! Ako koa Bazu ko nianiiekato kale inio aṉata a baqumuka ta ko sarueko ta sarueko ikio. Ako koa Bazu ta pui ko bazuela aṉa ko eri tea, “Ṉota pui viluloqu tavai elo kala maba ko quli,” so tea aṉata pui nio aba paqumuko koa viluloqu ko kio ni kalo.

Romu 8:31

Koa kiadama quli ko zakaremu puto kale ta noi nio kimevou? Vo Baṉara ta o melati vailou, ta lala inio ruqe o imelou ko anime? Puliala!

Romu 9:30

Sokale avo inio se pui Jiu amu, se pui kepa vailikeni ko sidopu elo vo Baṉara ko kelokelozato kale, ta sidopu keta evake seko vai oqu kale vo;

1 Koriniti 15:32

Aṉata a mati kanaekinie se ruqe ama maba poso se piru ama biana poso jaria pazokinio ke lati eveni Epesasi peuru kale, melai puliama mata saevo ko elou nio loma ikio aṉata aqai kovou? Se voumu ta pui mata ke rovea saevo voukale azo tea, animeta mebeta zio kai saqao ko saevo, ako lea nio meda vouvou muli sole.

1 Koriniti 9:8

Pui a ṉavi a qiada pala inio a qasekani lala ko so, ako vo Mosese ko Bazu ta ko kaseka omadeuma quli pado sole.

2 Koriniti 6:4

Kiadama quli kale eṉeta lula ṉe qasa pueka eṉeko va nabuluputo vo Baṉara ko eṉeko kai pataito kale ko tapata poso, ni eṉeko tolailo kale, ni eṉeko olaquavo kale.

2 Koriniti 7:11

Kemo vo Baṉara lula o erekako quli meko komia duki kale! Ako kota lula ko pizatimela me, ni dikidau ko imela tu me duvevo pueko meko sidopu, ni meko taka ṉalo ko sarueko! Koa meko duki ta kasa ko ika ta meta pui me jaruiva ni meta me roquela aṉa, ni meta meqa zaria pizatilo aṉa, ni koqo ivo vo o saruekeni aṉa kasi! Meta lula kasa meda eva meko bulo ko besizio kale ta meta kuiripato pidea mela koa tapata kale.

Qelesia 2:18

Melai kala maba mata o tova lojoekou Mosese ko Bazu tea vota koa Bazu o pazokani inio.

Qelesia 3:15

A visi poso, aṉata a qatimelou me kama pado podepodeti animeko kiada keru ama saevo kale ama, ko eri. Kainioqa ta qo erekou nioqako leveleveo ni qo vinaekou, ta puliala ta opa roveovou biresuko ni kati paquliko mata kama quli.

Kelokelozato 15:3

Ni seta kevai keraoke Mosese vo kera, Baṉara vo nabulu, ni voa Sipi Meqora vo kera, eri kiolani: “Raura kala ni Kiadama Pizato sala Baṉara ṉa, kiadama ṉoko iruruputo ta matu aqasiele ama! Kiadama toutou ni qoqono poso vo Aikovakova ṉa, kiadama ṉoko kalo ta sidopu ni tuvevo ama!

Kelokelozato 18:20

Mea kiada mela aukale me evani mela, meta ka zoleimo koa peuru ko biresuilo ni niumailo! Ni Baṉara ko maba poso mela, ni apositolo poso mela ni poropita poso mela, meta zoleimo! Ako vo Baṉara ta lula o titizima koa peuru kale amu ko quli seke melai erekema me kale avo sole!