Romu 3:4 - BAṈARA KO VAIRU AMA LEVELEVEO

⁴ Maba pui! Melai vo Baṉara ta matu tuvevo ala se lipalipa kama maba madu kasi azo. Ko Tabu ama Riki va kikovevo jari, “Noko sidopu ta ko tuvevo puilou ṉoṉo besiovou keru, ṉota ṉo bizatou se maba poso ṉo kuiripato saṉa iṉo kale ṉo.”

Romu 3:4 교차 참조

Matiu 11:19

Ni aṉa maba a eveni lala ta a quevi ni aṉata a quani lala kiada keru ama sailao ni a nozuekani lala ko vaini ko ju kiadama maba poso jari, nio seta eri la kikela, ‘Vemo nea maba! Vota kala olavo ala ni vaini ko ju ko nozuto ko maba, vota se takisi ke koani ni se ruqe amu vo baerebaere!’ la kikela. Melai vo Baṉara ko nianiio sama nakanakati ta sea kiadamu se ko ke ṉeamukani ke puratikako epa kale inio me qelou koko tuveano,” kiolake vo Jisu.

Luke 20:16

Vota o kilou ni opa vouvaemou nio sea maba madu, ni koa vaini kiaro ta oma zariekou edolomu,” kiolake. Ni so keru se maba poso ke viqa keru ko ta eri kikelake, “Maba pui so!” kikelake.

Jone 3:33

Melai kala ta o tuvevo puekou voko bazubazu inio vota o patapataevou vo Baṉara ta tuvevo ala inio.

Romu 11:1

Noi nio, vo Baṉara ta o ṉamume ni o edolime o ṉaviko maba madu kio? Maba pui! Ako aṉa inio kala pado lala Izirelia lala sole, ni aṉa inio kala pado vo Ebarahami ko vikuvikula kalea lala, ni kala pado vo Benijimane ko toutou kalea lala sole.

Romu 11:11

Noi nio, so keru se Jiu amu tupara ke eve keru, ta keta piavi ti pui mata kepa tova lojolou inio, kio? Maba pui! Melai se Jiu amu ta keta piavi inio. Sokale avo inio vo Baṉara ta o pakiema se pui Jiu amu, tu se Jiu amu ta kema konoilou se.

Romu 3:31

Koa oqu kale inio aṉata a ṉamuka vo Mosese ko Bazu kio? Pui, maba pui, melai koa keve kale aṉata a qati lulueka ko ṉavi Bazu ko kio ni kalo ko kavani.

Romu 6:15

Sole, noi nio? Animeta me jaruekou, ako animeta pui bazu ko poro kalea mela, melai vo Baṉara ko pakiezato sama roquano kalea mela sole, kio? Maba pui ti pui!

Romu 6:2

Maba pui! Animeta lula vou mela jari sarueko vasia rana sole soa saevo inio mebeta elou? Maba pui!

Romu 7:13

Melai noi nio, koa uri ama quli kio ko vouvaelema aṉa kio? Maba pui! Tuvevo ko sarueko ikio ko vouvaelema aṉa, melai koa uri ama bazu poso kale inio ko sarueko ta ko vouvaelake aṉa, ni Sokale inio animeta me baqumuka ko sarueko ta ruqe ama koko kalo. So sole koa bazu poso kale ta sarueko ko matu ti matuma ruqe ta kasa ko eva.

Romu 7:7

Noi nio mata kimevou, vo Mosese ko Bazu ta sarueko ikio kimevou kio? Maba pui! Ako koa Bazu ko nianiiekato kale inio aṉata a baqumuka ta ko sarueko ta sarueko ikio. Ako koa Bazu ta pui ko bazuela aṉa ko eri tea, “Ṉota pui viluloqu tavai elo kala maba ko quli,” so tea aṉata pui nio aba paqumuko koa viluloqu ko kio ni kalo.

Romu 9:14

So sole mata noi nio kimevou ko anime, vo Baṉara ta pui sidopu ala inio kimevou, kio? Maba pui!

1 Koriniti 6:15

Meta pui meqai nianiia ko me inio kama kobu vo Karisito tupu melai kjo? Meta vo Karisito ka kobu tupu mela, so sole pui ko male tu meta meqai zomano ko takuto. Maba pui ko male ko so!

2 Koriniti 1:18

Vo Baṉara ta o tuveanani ni aṉa melai a duveanani lala. Aṉata pui aba pilapaqo putou!

Qelesia 2:17

“Aniqe Jiua qela ta vo Karisito kale inio qekai zariake tu sidopu elo vo Baṉara ko kelokelozato kale. So sole aniqe melai qe epezake kai keru Mosese ko Bazu. Melai aniqeko epezo kai keru Mosese ko Bazu tu vai oqu vo Karisito koko kio ni kalo ta pui Karisito inio kutumana kaqela o iqela aniqe. Maba pui!

Qelesia 2:21

Aṉata pui aba zaraekou koa roquano sama iruruputo vo Baṉara ko, ako koa lulama Bazu Mosese o katimelema ta pizato sama tu sidopu ko imelo anime vo Baṉara ko kelokelozato kale tea, vo Karisito ta puliako kaqe inio opa vou.”

Qelesia 6:14

Melai aṉata pui aba kai raurailou soama quli, melai aṉata aqai raurailou animevo Lekasa Jisu Karisito ko vou korosi topi ko kiada. Ako vo Jisu ko voukale korosi topi inio komia peuru ma peuru ko utu ama kerukeru ko keve ta kota mela patoi jari anime ni animeta meda ka vovi jari komia peuru ma peuru ko kerukeru.

1 Timoti 3:16

Puliala maba ta opa roveovou taka zolio ko animeko oqu ko omele ama tuveano ta matu saqoroma, ko eri: Vo Karisito ta kasa o eve maba ko tupu tona, Tabu ala Auvana ta ota vai bazute voko tuveano ta vo inio animevo Lekasa, ni mateana madu melai ke veake vo. Vota lula kevai bazubazute peuru ma peuru, ni vota tuvevo ke ive peuru ma peuru, vo Baṉara o koivieveni aukale ama peuru kale.

Taitasi 1:2

Ako koa seko uri ama lotu saevo ko raki ta seta ke tuvevo pueka ko seta ke kovou ko noqola kama saevo sole. Vo tuvetuve ala Baṉara ta o mela inainaeke anime komia noqola kama saevo puliako peuru ma peuru ereilo,

Hiburu 6:18

So sole omuqa quli ta ikoana, voko leveleveo ni voko kejo sama pesio topi ama, ko pui kopa roveovo ama besizio, vo Baṉara pui opa kai roveovo ama lipalipato. So sole anime lula me qoani mela ko pakiezato vokasi ta me rovea matu zuvario tu pizaka noqoeko me elo koa keru ko meqai tarekake ko quli Baṉara o ereko ama quli tu anime kaqe.

1 Jone 5:10

Ni vo tuvevo o ivani vo Baṉara vo Meqora, vo inio koa qulepo ama bazu sala voko bulo kale ko vo Baṉara o melai bazuekako. Melai vo pui o tuvevo putani ta ovai kuirika vo Baṉara ta lipalipa kala, ako vota pui tuvevo o ika sole vo Baṉara o melai bazuekako vovo Meqora kale avo.

1 Jone 5:20

Ni animeta meqai nianiia ta vo Baṉara vo Meqora nio o kuevini ni o katimeleni ko bokao tu animeta me mamuro, sole animeta mevai nianiia vo tuvevo ala Baṉara. Nio erisaṉa animeko saevo ta Baṉara tona ni o Meqora Jisu Karisito tona. Ni vo Jisu inio tuvevo ala Baṉara, ni vo inio o katimelani ko noqola kama saevo.

Kelokelozato 3:7

“Ṉota eria rikito eve sai Piladelepia peuru kale ama lotu qoqono ko mateana kasi: Eri nio koa bazu koko kuevako vo Tabu ala ni Tuvevo ala kasi azo. Vo inio vo Devita ko vidulu o ṉeamukani nio so keru vo o veuka keru ko tibulu inio puliala ta o rovea tibuliko ko, ni so keru vo o tibulika keru ko inio puliala ta o rovea veuko.