Romu 3:25 - BAṈARA KO VAIRU AMA LEVELEVEO

^25-26 Vo Baṉara ta lula majibolo jaria puarivo o eve vo, tu voko voukale kiadama maba ko sarueko ta ko akoilou seko vai oqu kale vo. Koa kalo kale vo Baṉara ta kasa o ikake voko sidopu. Ako lulavo vota ota ma bouluke se lulamu ko sarueko; melai erisaṉa vota o puariva vo Jisu tu o puratiko voko sidopu. Koa kalo kale vo Baṉara ta kasa o ika voko sidopu ni vota o sidopu puema seke ṉeamuvani vo Jisu.

Romu 3:25 교차 참조

Jone 6:47

Aṉata a bazuemela me tuvevo avole, vo o tuvevo puelani ta lula noqola kama saevo sala.

Iruruputo 14:16

Lulali vota o zarieme sea qoqono poso tu seta ke lulueko ke ṉaviṉavi ko keve poso.

Iruruputo 15:18

So inio kiolake vo Baṉara vo okai bazuteni ko matu lulavo.’ ”

Iruruputo 17:30

Baṉara ta okai azopike voko vilu koa taku so keru se maba poso pui kepa vai nianiiovi keru vo, melai erisaṉa vota o bazuema se kiadama zae poso kale tu seta ke lilizio seko ruqe ama keve kale azo sidopu ama keve tona.

Iruruputo 2:23

So keru vo o katiziovi keru meko pizato kale vo Baṉara ko vatolo ni korokoroti kale, meta mema luavive vo se kutumana kama maba madu ti seta ke mela vouvaevake vo korosi topi.

Iruruputo 3:18

Melai vo Baṉara ta lula o pidokike se poropita madu kale kude ta vo o soroevo ala Pakio ta o tolailou; ni kota tuvevo ko evake vokale.

Iruruputo 4:28

Seta ke erekake kiadama korokorotato ko ṉo lula ṉo vatoekema ṉoko pizato ni vatolo kale tu kota ko ereilou.

Romu 2:4

Ṉo ṉoqai keduani ṉa voko matuma roquano, ni kaitizio, ni inobe, ta tuvevo avole ṉota pui ṉoqai nianiia vo Baṉara ko roqueṉo ṉo ta vota obe madoe odieṉo ṉo tu o liliṉo, kio?

Romu 5:1

Erisaṉa animeta lula sidopua mela vo Baṉara ko kelokelozato kale animeko oqu kale, Sokale inio animeta bule kale me vati eva vo Baṉara, animeko omadeu vati elo vo animevo Lekasa Jisu Karisito kale kude.

Romu 5:11

Pui koko kiada, melai animeta meqa zoleiva ko quli vo Baṉara o erekema vo animevo Lekasa Jisu Karisito kale, vo erisaṉa anime Baṉara ko baerebaere poso o imelani.

Romu 5:18

So sole koa omadeu pado sarueko kale kiadamu ta kuiripato saṉa ke evake, melai mata omadeu pado sidopu ama iruruputo vo Karisito o erekema kale inio Baṉara ta o rovea sidopu ma kio kiadamu tu koma puarizio ko noqola kama saevo.

Romu 5:9

Vota o mela vovi tu animeta sidopu me elo vo Baṉara ko kelokelozato kale, sole matu olu vokale tu me bakiovou vo Baṉara ko korakorailo kasi azo voko matuma titizato ko ṉaniu kale.

1 Koriniti 5:7

Meta saqorivomo voa sarueko sala maba meko lotu qoqono kale azo, inio voko boutare ta pui mekasi ko elou. So inio meta omadeuvo ko vairu ama palava volevole jari me elou ko isiti pide ama. Ako meta vairu ama saevo samela Karisito kale sole meta pui me male tu sarueko. Omadeuvo se Jiu amu ta kekai zoleiva seko Alokato ko ṉojola jari, animeta me male tu kai zoleilo. Ako animevo Alokato vo ṉojola ta lula o inainaiva, vo Karisito, vo inio animevo Alokato ko Sipi Meqora, ta lula siqasiqa o eveni sole.

2 Koriniti 5:21

Ako vo Karisito ta sarueko pide ala melai animeko pakiemelo kaqe inio vo Baṉara ta animevo sarueko ko besibesi o ivake vo tu animeta omadeu me elo vo tona ni me qovou vo Baṉara o puarikako sidopu.

Epesasi 1:7

Matu aqasiele ama vo Baṉara ko pakiezato sama roquano, ako vo Karisito ko voukale inio animeta me rupasiovi sole ni ota mela akoeke animeko boutare.

Epesasi 2:13

Ni koa taku meta matu vaṉa mela Baṉara kasi azo, melai erisaṉa vo Jisu Karisito ko voukale inio meta sipole o imela Baṉara kasi.

1 Timoti 1:15

Vo Jisu Karisito ta o kuevi komia miduku kale tu vota o pakiemo se boutare samu. Kota kama pado tuvevo ama pesio, koko male ama tu kiadamu ta ke tuvevo pueko. Ako aṉata matu ruqea lala sea kiadamu sea boutare samu azo,

Hiburu 10:4

Ako bulumakau ni qouti ko dara ta maba pui ko rovea ṉamuko maba poso ko sarueko poso sole.

Hiburu 11:14

Seko so kio kale ta ke uria kaseka ta seta kebe madoekake tu kelo kama pado zae tu ke ṉisa peuru kaqe.

Hiburu 11:17

Oqu kale inio Ebarahami ta siqasiqa kaqe o ivo kiolake vovo meqora Aisake so keru vo Baṉara o madoeve keru vo Ebarahami. Ebarahami ta kala pado maba vo Baṉara lula o kativeni ko vario ko leveleveo, melai vota o inainaoke tu vota ovai ereko ko siqasiqa vovo pado meqora kiolake.

Hiburu 11:7

Oqu kale inio Noa ta o viqake Baṉara ko balauvato sama pesio, so keru vo ovai bazueke keru ko nioqololo koko kilo ama ko vo pui vima sase opa kevema. Vota o zorivake vo Baṉara ni o erevake kala matula vaka sai vo ni voko saidi ke pakiovikoi. So sole vota kasa o ikake vo Baṉara ko titizimo sea so keru ama peuru ma peuru kale ama maba madu seko ruqe ama kalo kale avo, melai vo Noa ta o koe vo Baṉara ko sidopu, vota oqu sala sole.

Hiburu 9:28

So jari nio vo Karisito ta siqasiqa o eve o ṉavi omadeu taku pala tu vota ota ma akoeko kubo maba madu ko sarueko poso, ni vota mata o vaitou komia peuru ma peuru kale omuqama pado taku kale. Koa taku kale vota pui opa kilou akoekole ko sarueko poso, melai vota o kilou pakiemole voko maba madu, seke tarevani vo.

Hiburu 9:5

Koa Dolu ko topi ta omuqa beku zabu sama, vo Baṉara sai o zomana kio ko kasekako. Nioqako zabu ta ko viuru pueka koa Dolu ko suta, sai koa dara vo Baṉara okai akoekake maba madu ko sarueko poso ko pirupusaivakoi. Melai erisaṉa ta pui koko taku tu ririziko kiadama quli.

1 Jone 1:10

Melai animeta eri kimevou, “Eṉeta sarueko pidea ṉela inio,” kimevou, ta animeta mevai kuirika inio vo Baṉara ta lipalipa kala, ni animeta pui nio me duvevo pueka voko bazu.

1 Jone 2:2

Ako vo Jisu kale inio animeko sarueko ta ko akoiva. Ni pui animeko sarueko ko kiada melai kiadama maba poso ko sarueko melai ko rovea akoilo.

1 Jone 4:10

Ni tuvevo ama roquano ta vo Baṉara ko roquano anime kasi ama ikio, ni pui animeko roquevo vo Baṉara. Ako vo Baṉara inio o roquemele ni o soroeve vovo Meqora tu ota mela akoeko animeko sarueko poso vovo Meqora ko voukale.

Kelokelozato 1:5

ni vo Jisu Karisito kasi azo ama, vo kerula kala bazubazuto ko maba, ni kaka kala Meqora vo kuleto o saeveni voukale azo, vo peuru ma peuru kale ama aikovakova poso azo raura kala. Vota o roquemela anime, ni voko voukale vota lula o rupasimela anime animeko sarueko kale azo

Kelokelozato 13:8

Kiadama maba poso peuru ma peuru kale amu ta ke ilusivou vo, sea kiadamu se pui kopa tama rikiziovini seko ṉi puliako peuru ma peuru ereilo, voa Sipi Meqora vo lula o vouvaini kasi azo ko kuevako noqola kama saevo samu ko ṉi ko buka topi.

Kelokelozato 20:15

Ni sea kiadamu se pui kota ma rikiziani seko ṉi saevo samu ko ṉi ko buka topi ta ke risaivake koa uza ko poro kale.

Kelokelozato 5:9

Nio sai nio seta kevai keraovake kala pado vairu ala kera eri kiolani: “Ṉo inio ṉo male tu kovo koa polopolozi ama buka ni taka rupasiko koko vinavina tu redaniko. Ako ṉota lula ṉoda vouvai sole, nio ṉoko voukale ama siqasiqa elo kale ṉota lula ṉo databaraeme se maba poso Baṉara kaqe kiadama toutou poso kale azo, se aza pesiomu, kiadama qoqono kale amu ni se azaaza tupu amu kasi azo.