Romu 3:21 - BAṈARA KO VAIRU AMA LEVELEVEO

²¹ Mosese ko Bazu kale ni se poropita madu ko bazu kale lulavo Baṉara ta kasa o ikake vo sidopu omai iko avo se maba poso. Melai erisaṉa vota kasa o mela ika anime vo sidopu o melai iko avo anime. Animeta pui Mosese ko Bazu kale inio sidopu me eva, melai vo Jisu Karisito vai oqu kale inio.

Romu 3:21 교차 참조

Luke 24:44

Ni vota eri kiolake sekasi, “Komi kio aṉa lula a melai bazuekema quli me so keru aṉa a melati eve keru me. Koa kiadama quli koko rikiziovima aṉa kolai ereivako Mosese ko Bazu kale, ni se poropita madu ko riki kale ni Devita ko kera kale ama ta tuvevo kota elou,” kiolake.

Jone 1:45

Nio Pilipi ta o luluevake vo Jisu, ni koko tova inio vota o veake vo Nataniala ni o bazuevake vo, “Eṉeta ṉe veala vo tivoine vo o kaseini vo Mosese ko Bazu kale, ni se poropita madu ko riki kale. Vo inio vo Nazareti ala Jisu, Josepa vo meqora,” kiolake.

Iruruputo 10:43

Kiadama poropita madu ta kevai bazute vo, ni ke kaseke ta sea kiadamu seke tuvevo puevo amu vo ta kota ma akoilou seko sarueko poso vo Jisu kale kude,” kiolake.

Iruruputo 15:11

Pui so me imo! Ako anime ni se ta omadeu pakio meda elou vo Lekasa Jisu ko pakiezato sama roquano kale sole,” kiolake.

Iruruputo 26:22

Melai vo Baṉara ta o tauvelake aṉa ti kobeta baroa komia ṉaniu, so sole aṉata abe lojoa ni avai bazubazuta vo Jisu mea kiada mela kasi, silo ni matu. Ko quli aṉa a qasekako quli ta koa ijama quli se poropita madu ni Mosese ke kasekema ta kota elo ama quli ka kikevema ikio, ko eri;

Iruruputo 28:23

So sole seta ke takumukake ko ṉaniu Paula sate, ni matuma vaki ta ke kuevake koa ṉaniu kale sai vo Paula o evakoi. Nio vikale azo ti kobeta baroake ipu kale vota zakaremu omai ikake vo Baṉara ko lekasa puo voko bazubazu kale, ni vota matuma pesipesi o mati erekake se voko zakaremu pueko kale Mosese ko Bazu ni poropita madu ko riki ko kasekako quli, tu tuvevo ke ivo vo Jisu.

Romu 1:17

Ako ko Uri ama Bazu ta kasa ko ika vo Baṉara ko sidopu imo se maba poso o ṉaviko vilu kasa: kota oqu ko kiada kale inio. Omadeuvo ko Tabu ama Riki kikovevo jari, “Voa maba voko oqu kale sidopu va kiolani vo Baṉara, vo o kiada inio o saevou.”

Romu 1:2

Ko ikio koa Uri ama Bazu vo Baṉara o kasekema lulavo voko poropita madu kasi koko rikiziovima ko Tabu ama Riki kale.

Romu 16:26

melai erisaṉa inio kota kasa kota eva se poropita madu ko riki poso kale, ni vo saevola Baṉara ko soru ko lulueko kale kota lula zakaremu komai eva kiadama peuru ma peuru kale ama qoqono poso, tu kiadamu ta ke tuvevo puto ni ke zoripato.

Romu 3:28

Sokale avo inio aṉata a uria patapatae ta oqu kale inio vo maba ko sidopu elo Baṉara ko kelokelozato kale, melai pui Bazu ko kasekako quli kale.

Romu 5:19

Kiadamu ta ruqe keta evake omadeu maba ko bikoirato kale, ni sea kiadamu ta mata sidopu keta elou Baṉara ko kelokelozato kale omadeu maba ko zoripato kale.

Romu 5:21

So sole omadeuvo ko sarueko ta ko lekasa pui voukale, so jari nio mata vo Baṉara ko pakiezato sama roquano ta ko lekasa pua voko sidopu ko puariko kale, koa roquano koko odiemelako anime noqola kama saevo kale animevo Lekasa Jisu Karisito kale.

Romu 9:30

Sokale avo inio se pui Jiu amu, se pui kepa vailikeni ko sidopu elo vo Baṉara ko kelokelozato kale, ta sidopu keta evake seko vai oqu kale vo;

1 Koriniti 1:30

Ni vo Baṉara inio lula omadeu o melati ivani anime vo Jisu Karisito, ni vo Baṉara ta lula o katimela anime voko ṉisa nianiio vokale. Vokale inio animeta lula sidopu me eva vo Baṉara ko kelokelozato kale; ni vokale inio animeta vo Baṉara ko tabu ama maba poso me evani mela ni ruparupasia mela.

2 Koriniti 3:9

Koa lulama leveleveo ta ko kati kuevi ko kuiripato melai kota ṉaṉaidara sama, so sole ko vairu ama leveleveo Baṉara ko sidopu puto sama ko ṉaṉaidara ta kota ikiria!

2 Koriniti 5:21

Ako vo Karisito ta sarueko pide ala melai animeko pakiemelo kaqe inio vo Baṉara ta animevo sarueko ko besibesi o ivake vo tu animeta omadeu me elo vo tona ni me qovou vo Baṉara o puarikako sidopu.

Qelesia 3:8

Ni ko Tabu ama Riki kale ta ko pidokiovi mata vo Baṉara ko sidopu puemo se pui Jiu amu seko oqu kale. So sole ko Uri ama Bazu ta ko pikairiovi Ebarahami kasi, ko eri kikovema, “Ṉokale inio kiadama toutou poso ta mauru keta elou,” kikovema.

Qelesia 5:5

Melai eṉeta oqu kale, ni eṉeko tuvevo puto sama kerukeru kale ni vo Tabu ala Auvana ko zuvarato kale inio eṉeta ṉebe tareka vo Baṉara ko sidopu iṉelo eṉe.

Pilipai 3:9

tu aṉata vovo lala. Nio erisaṉa vo Baṉara ta sidopu o ila aṉa, pui aṉako lulueko kale Mosese ko Bazu, melai aṉako vai oqu kale vo Karisito.

1 Pita 1:10

Se poropita madu ta ke uria vailike ni ke madoeke kai nianiio komia pakio ko kalo. Se inio seke pidokikeni ko pakiezato sama roquano koko kuevako mekasi.

2 Pita 1:1

Aṉa Saimone Pita lala vo Jisu Karisito vo nabulu ni apositolo lala. Aṉata a joroeka aṉako riki mekasi, me matu qulepo ama oqu samela kasi eṉe ṉe qoema oqu jari ama. Ni meta me ṉeamuka koa oqu ako animevo Baṉara ni Pakio Jisu Karisito ta ijatiniavo o kavani ni sidopu ala sole.