19 Animeta me baqumuka ko Bazu kikolani ta ko kaseiva sea kiadamu kasi, se koa Bazu ko pizato kale ke evani, tu kota ko epeziko maba poso kati zolio seko ruqe, tu pado ama peuru ma peuru kale amu ta ke elo vo Baṉara ko titizato kale.
Komi ta kota ereiva tu ko quli Mosese o katimema Bazu kale ko rikiziovima quli ta tuvevo ko elo, ko eri kikolako, ‘Seta kelai kideipa aṉa pulia quli ko kio kale avo,’ kikolako.
Ni so keru seke viqa keru koa pesio poso, nio sea kiadamu ta keta tuluaziake padopado zolailo kale, qoleqole amu ta kuleto ni se vairuvairu amu ta koko tova. Ni o kiada Jisu ta ke vaevake sai, ni koa reko ta sai kobeta lojoake.
Vo Baṉara ta pui opa keazai maba ko vilu kale, melai ko peuru ma peuru ko erei keru azo inio voko noqola kama pizato ni voko Baṉara elo ta kasa ko evake voko iruruputo kale; so sole sea maba poso ta pui keta ka rovea zolio kiadama seko ruqe ama iruruputo.
Maba pui! Melai vo Baṉara ta matu tuvevo ala se lipalipa kama maba madu kasi azo. Ko Tabu ama Riki va kikovevo jari, “Noko sidopu ta ko tuvevo puilou ṉoṉo besiovou keru, ṉota ṉo bizatou se maba poso ṉo kuiripato saṉa iṉo kale ṉo.”
Uri, tani, eṉe Jiu amu ṉela ta sidopua ṉela vo Baṉara ko vilu kasa kobe kai paloasa se pui Jiu amu ko sidopu, kio? Maba pui! Aṉata lula uria zakaremu a mela ika ko se Jiu amu ni se pui Jiu amu ta kebeta eva muli sarueko ni ruqe ko pizato kale.
Melai se kekai qaraqaraivani Mosese ko Bazu ko lulueko kikelani ta ke leveziovou, ako ko Tabu ama Riki kikovevo ta eri nio sole, “Vo pui o lulueko ala koa kiadama Bazu koko rikiziovima vo Mosese ko Bazu kale ama ta o leveziovou,” kikovema.
Ni vo Baṉara ta o erekake komi quli tu vovo Meqora ta oma tatabaraeko ko rupasio se mabaku kekai eveni vo Mosese ko Bazu, tu seta vo Baṉara ko meqora poso o imo.
